നവീന്‍റെ നെഞ്ചോട് ചേര്‍ന്നുനിന്ന് പ്രണയകഥ പറഞ്ഞ് ഭാവന! റോമിയോയിലൂടെയാണ് പ്രിയതമനെ കിട്ടിയത്!

ഭാവനയും നവീനും

നമ്മളിലെ പരിമളത്തിലെ അവതരിപ്പിച്ചായിരുന്നു ഭാവന സിനിമയില്‍ തുടക്കം കുറിച്ചത്. ഉപനായികയും സഹോദരി കഥാപാത്രങ്ങളുമൊക്കെയായിരുന്നു തുടക്കകാലത്ത് ലഭിച്ചിരുന്നതെങ്കിലും നായികയായതോടെ താരത്തിന്റെ കരിയര്‍ തന്നെ മാറി മറിയുകയായിരുന്നു. തെന്നിന്ത്യന്‍ ഭാ,കളിലെല്ലാമായി സാന്നിധ്യം അറിയിച്ച താരത്തിന് ഗംഭീര പിന്തുണയാണ് ലഭിച്ചുകൊണ്ടിരിക്കുന്നതും. മലയാളത്തില്‍ കാണാനില്ലെങ്കിലും കന്നഡയില്‍സജീവമാണ് താരം. 96 ന്റെ റീമേക്ക് പതിപ്പില്‍ മികച്ച പ്രകടനമായിരുന്നു താരം പുറത്തെടുത്തത്.

Recommended Video

വിവാഹം കഴിഞ്ഞിട്ടും ഈ നടിമാരുടെ സൗന്ദര്യ രഹസ്യം ഇതാണ്

നവീന്റെ പിന്തുണ

പ്രണയിച്ച് വിവാഹിതരായവരാണ് ഭാവനയും നവീനും. റോമിയോ എന്ന ചിത്രത്തിനിടയിലായിരുന്നു ഇരുവരും അടുത്ത സുഹൃത്തുക്കളായി മാറിയത്. ഇത് പോലൊരാളെയാണ് മകള്‍ക്കായി വേണ്ടതെന്നായിരുന്നു ഭാവനയുടെ അമ്മ പറഞ്ഞത്. താന്‍ ഷൂട്ടിലായിരിക്കുമ്പോള്‍ അമ്മയും നവീനും സംസാരിച്ചിരിക്കുന്നത് കണ്ടിട്ടുണ്ടെന്നും കന്നഡ അറിയാത്ത അമ്മ എന്താണ് സംസാരിക്കുന്നതെന്നോര്‍ത്ത് അത്ഭുതപ്പെട്ടിട്ടുണ്ടെന്നും മുന്‍പൊരു അഭിമുഖത്തിനിടയില്‍ താരം പറഞ്ഞിരുന്നു. 2018ലായിരുന്നു ഭാവനയും നവീനും വിവാഹിതരായത്.

റോമിയോ റിലീസിന് 8 വര്‍ഷം

റോമിയോ എന്ന സിനിമയുടെ എട്ടാം വർഷമാണിന്ന്. നമ്മുടെ ഒമ്പതാം വർഷവും. ആ സിനിമയാണ് എനിക്ക് എന്റെ റോമിയോയെതന്നത്. നമ്മൾ കണ്ടതും അടുത്തതുമെല്ലാം മായാജാലം പോലെയായിരുന്നു. നിന്നെ എന്നോടൊപ്പം കൂട്ടാൻ ഞാനെടുത്ത തീരുമാനവും നന്ദി, എന്റെ ജീവിതത്തിലേക്ക് വന്നതിന്. എന്നെ നിനക്കായി കരുതാൻ തോന്നിയതിനും. ഒരുമിച്ചുള്ള ഒൻപതാം വർഷമെന്ന കുറിപ്പോടെയായിരുന്നു ഭാവന പുതിയ ചിത്രങ്ങള്‍ പോസ്റ്റ് ചെയ്തത്.

ആശംസാപ്രവാഹമാണ്

താരങ്ങളും ആരാധകരുമൊക്കെയായി നിരവധി പേരാണ് ഭാവനയുടെ പോസ്റ്റിന് കീഴില്‍ കമന്റുകളുമായെത്തിയിട്ടുള്ളത്. നവീനൊപ്പം അതീവ സന്തോഷത്തോടെ ചിരിച്ച് നില്‍ക്കുന്ന ഫോട്ടോയാണ് താരം പോസ്റ്റ് ചെയ്തിട്ടുള്ളത്. അനുമോളായിരുന്നു ആദ്യ കമന്റുമായെത്തിയത്. ആര്യയും സ്‌നേഹം അറിയിച്ച് എത്തിയിരുന്നു. കമന്റുകള്‍ക്കെല്ലാം ഭാവന മറുപടി നല്‍കിയിരുന്നു. ഇടയ്ക്ക് ആരാധകരുമായി ഇന്‍സ്റ്റഗ്രാമിലൂടെ സംവദിക്കാനായും താരമെത്താറുണ്ട്.