Click it and Unblock the Notifications
ഇപ്പോഴും ഒരു തുടക്കകാരനെക്കാളും ആവേശത്തിലാണ് മമ്മൂക്ക; അനുഭവം പറഞ്ഞ് സാനി യാസി
മലയാളി പ്രേക്ഷകര് ഏറെ ആകാംക്ഷയോടെ കാത്തിരുന്ന ചിത്രമായിരുന്നു ഭീഷ്മപര്വം. ബിഗ് ബിയ്ക്ക് ശേഷം മമ്മൂട്ടിയും അമല് നീരദും ഒന്നിക്കുന്ന ചിത്രം ഏറെ പ്രതീക്ഷ നല്കി കൊണ്ടാണ് തിയേറ്ററുകളില് എത്തിയത്. പ്രതീക്ഷിച്ചതിലും അധികമാണ് സിനിമ നല്കിയിരിക്കുന്നത്. റിലീസ് ചെയ്ത എല്ലാ കേന്ദ്രങ്ങളില് നിന്നും നല്ല പ്രതികരണമാണ് ലഭിക്കുന്നത്. മമ്മൂട്ടിയുടെ മാസ് ക്ലാസ് ചിത്രമാണ് ഭീഷ്മപര്വമെന്നാണ് ആരാധകര് പറയുന്നത്.
മമ്മൂട്ടിക്കൊപ്പം വന് താരനിരയാണ് ചിത്രത്തില് അണിനിരന്നത്. എല്ലാവരും തങ്ങളുടെ ഭാഗം വളരെ കൃത്യമായി തന്നെ കൈകാര്യം ചെയ്തിട്ടുണ്ട്. സൗബിന്, ഷൈന് ടോം ചാക്കോ, ശ്രീനാഥ് ഭാസി, തുടങ്ങിയവരുടെ പ്രകടനം സോഷ്യല് മീഡിയയിലും സിനിമകോളങ്ങിലുമെല്ലാം ഇതിനോടകം തന്നെ ചര്ച്ചയായിട്ടുണ്ട്. അമല് നീരദും ദേവദത്ത് ഷാജിയും ചേര്ന്നാണ് ചിത്രത്തിന്റെ രചന നിര്വഹിച്ചിരിക്കുന്നത് . ഒരു ചെറിയ ഇടവേളയ്ക്ക് ശേഷമാണ് മമ്മൂട്ടി ചിത്രം തിയേറ്ററുകളില് എത്തുന്നത്.
ഇപ്പോഴിത സോഷ്യല് മീഡിയയില് വൈറല് ആവുന്നത് മമ്മൂട്ടിയെ കുറിച്ച് ചിത്രത്തിന്റെ ഭീഷ്മപര്വത്തിന്റെ പബ്ലിസിറ്റി ഡിസൈനെര് സാനി യാസിന്റെ വാക്കുകളാണ്.എല്ലാം കേള്ക്കാനും കാണാനും തേടാനും താത്പര്യപ്പെടുന്ന പുതിയതില് നിന്നും പുതിയത്തിലേക്കു തന്നെ വീണ്ടും വീണ്ടും സഞ്ചരിക്കുന്നയാളാണ് മമ്മൂട്ടിയെന്നാണ് യാസ് പറയുന്നത. കുറിപ്പ് സോഷ്യല് മീഡിയയില് വൈറല് ആയിട്ടുണ്ട്. സാനി യാസിന്റെ വാക്കുകള് ഇങ്ങനെ...
''ഇത് നോക്കെടാ എങ്ങനുണ്ടെന്നു...'' ഭീഷ്മയിലെ ഒരു ചെറിയ സീക്വന്സ് കാണിച്ചു മമ്മൂക്കയുടെ ചോദ്യം....'ഓ ഈ പോര്ഷന് ആണല്ലേ നമ്മള് അന്ന് പോസ്റ്റര് അടിച്ചത്...' എന്റെ മറുപടി കേട്ട മമ്മൂക്ക ഫോണ് അവിടെ തന്നെ വെച്ച് ഇവന്റെയൊരു പോസ്റ്റര് എന്ന ഭാവത്തില് മുഖത്തേക്കൊരു നോട്ടം... കയ്യില് നിന്ന് പാളി എന്ന് മനസ്സിലായ ഞാന് ചുമ്മാ മുഖത്തേക്ക് നോക്കി ചിരിച്ചു കൊണ്ട് നിന്ന്...
'എടാ ഒരു സീന് കാണുമ്പോ എന്റെ പെര്ഫോമന്സ് എങ്ങനുണ്ട്, നന്നായോ മോശമായോ, ആ സീനിലെ ലൈറ്റിംഗ്, ഉപയോഗിച്ച ക്യാമറ ഏതാ? അങ്ങനെ വല്ലതും നിന്റെ വായില് നിന്ന് വരുമെന്നാണ് ഞാന് വിചാരിച്ചതു പക്ഷെ ഇത് ...' 'അത് പിന്നെ ഇക്കാ ഞാന് ഒരു പോസ്റ്റര് ഡിസൈനര് കൂടെ ആണല്ലോ സ്വാഭാവികമായും വന്നു പോയൊരു കൈപ്പിഴ ഇനി ആവര്ത്തിക്കില്ല ??'
എല്ലാം കേള്ക്കാനും കാണാനും തേടാനും താത്പര്യപ്പെടുന്നു പുതിയതില് നിന്നും പുതിയത്തിലേക്കു തന്നെ വീണ്ടും വീണ്ടും സഞ്ചരിക്കുന്നു... അതുകൊണ്ടു തന്നെ ഏതു തലമുറയിലെ ഏതൊരാളേക്കാളും കൂടുതല് ആ കാലത്തെ എല്ലാത്തിനെയും പറ്റിയും സംസാരിക്കാന് അയാള്ക്കാകുന്നു.. കാരണം അത് മമ്മൂട്ടിയാണ് അവിടെ ഇങ്ങനെയൊക്കെയാണ്... Yes he is my icon, he is my idol and he is my patriarch ??
Note : ഞാന് കണ്ട ആ സീന് തിയേറ്ററില് ഏറ്റവും ഓളമുണ്ടാകുന്ന ഒരു സീന് അത് തന്നെയായിരിക്കും എന്ന് തന്നെയാണെന്റെ നിഗമനം... ശോ എന്നാ ഒരു എടുപ്പാ മൈക്കള് അച്ചായന്?? യാസ് ഫേസ്ബുക്കില് കുറിച്ചു.
ഫേസ്ബുക്ക് പോസ്റ്റ് വൈറല് ആയിട്ടുണ്ട്. മമ്മൂക്കയ്ക്ക സിനിമയോടുള്ള അടക്കാനാവാത്ത ഭ്രമം പരസ്യമായി രഹസ്യമാണ്. മമ്മൂട്ടി തന്നെ ഇത് വെളിപ്പെടുത്തിയിട്ടുമുണ്ട്.
ഭീഷ്മയില്സൗബിന് ഷാഹിര്, ഷൈന് ടോം ചാക്കോ, ശ്രീനാഥ് ഭാസി, ഫര്ഹാന് ഫാസില്, ദിലീഷ് പോത്തന്, നെടുമുടി വേണു, ജിനു ജോസഫ്, സുദേവ് നായര്, കെ.പി.എ.സി ലളിത, നദിയ മൊയ്തു, ലെന, ശ്രിന്ദ, വീണ നന്ദകുമാര് തുടങ്ങിയവരാണ് ചിത്രത്തില് മമ്മൂട്ടിക്കൊപ്പം പ്രധാന വേഷത്തില് എത്തുന്നത്.
Continue with Google