'ചൊറിച്ചിലാണെങ്കിൽ പിന്നെ അന്ന് മുഴുവൻ ഷെയ്ൻ‍ ചൊറിഞ്ഞോണ്ടിരിക്കും'; ഭൂതകാലം നായിക പറയുന്നു

ഷെയ്ൻ നി​ഗം നിർമിച്ച സിനിമ കൂടിയായിരുന്നു ഭൂതകാലം. ഷെയ്നിന്റെ ആദ്യ നിർമാണ സംരംഭം കൂടിയായിരുന്നു ഭൂതകാലം. ഷെയ്‍ൻ നിഗത്തിന്റെ മാതാവ് സുനില ഹബീബ്, സംവിധായകൻ അൻവർ റഷീദിന്റെ ഭാര്യ തെരേസ റാണി എന്നിവർ ചേർന്നാണ് നിർമിച്ചത്. ഷെയ്ൻ നിഗം ഫിലിംസിന്റെ ബാനറിലാണ് നിർമാണം. ഷെയ്‍ൻ നിഗമാണ് ചിത്രത്തിന്റെ സംഗീത സംവിധായകനും.

ഷെയ്‍ൻ നിഗം ചിത്രത്തിന്റെ തിരക്കഥ രാഹുൽ സദാശിവനൊപ്പം ശ്രീകുമാർ ശ്രേയസും ചേർന്നാണ് എഴുതിയിരിക്കുന്നത്. ഗോപി സുന്ദറിന്റേതാണ് ചിത്രത്തിന്റെ പശ്ചാത്തലസംഗീതം. ഷെഹ്നാദ് ജലാലാണ് ചിത്രത്തിന്റെ ഛായാഗ്രാഹണം നിർവഹിച്ചിരിക്കുന്നത്. ചിത്രത്തിൽ ഷെയ്നിന്റെ നായികയായി എത്തിയത് ആട് 2 അടക്കമുള്ള സിനിമകളിലൂടെ ശ്രദ്ധിക്കപ്പെട്ടിട്ടുള്ള നടി ആതിര പട്ടേലാണ്. സംവിധായകനുമായുള്ള മുൻപരിചയത്തിലൂടെയാണ് ആതിര ഭൂതകാലത്തിന്റെ ഭാ​ഗമായത്. 'എല്ലാവരും എന്നോട് എന്തിനാണ് എപ്പോഴും അനിയത്തി റോൾ മാത്രം ചെയ്യുന്നത് എന്ന് എപ്പോഴും ചോദിക്കാറുണ്ട്. പക്ഷെ എന്നെ തേടിയെത്തുന്ന കഥകളിൽ നിന്ന് ഞാൻ സെലക്ട് ചെയ്യുന്ന സിനിമകളിലാണ് ഇതുവരെ അഭിനയിച്ചിട്ടുള്ളത്. ചെറുപ്പം മുതൽ സിനിമയോട് കമ്പം ഉണ്ടായിരുന്നു.'

'ഭൂതകാലം കണ്ട ശേഷം നിരവധി പേർ അഭിനന്ദിക്കാൻ വിളിക്കാറുണ്ട്. ചിലർ ഇൻസ്റ്റ​ഗ്രാമിൽ‌ മെസേജുകളും അയക്കും. അമ്മയ്ക്ക് തിരക്കഥയെ കുറിച്ചും സിനിമയെ കുറിച്ചും നല്ല ബോധ്യമുണ്ട് അതുകൊണ്ട് ആരെങ്കിലും കഥ പറയാൻ വരുമ്പോൾ അമ്മ കൂടി കേട്ടിട്ടാണ് ഞങ്ങൾ തീരുമാനത്തിലെത്തുന്നത്. അച്ഛൻ കന്നടയാണ് അതുകൊണ്ടാണ് പേരിൽ ​നോർത്ത് ഇന്ത്യൻ ടച്ചുള്ളത്. താമസം ത‍ൃശൂരിലാണ്. നല്ല കഥാപാത്രങ്ങൾ ചെയ്യാനാണ് ആ​ഗ്രഹം. ഷെയ്നിനൊപ്പമുള്ള അഭിനയം രസമുണ്ടായിരുന്നു. ഓരോ ദിവസവും ഷൂട്ട് ചെയ്യാൻ പോകുന്ന സീനിനുപയോ​ഗിച്ച് മൂഡ് സെറ്റ് ചെയ്തിട്ടാണ് ഷെയ്ൻ വീട്ടിൽ നിന്നും വരുന്നത് എന്ന് ഇടയ്ക്ക് എനിക്ക് തോന്നിയിട്ടുണ്ട്. എല്ലാവർ‌ക്കും ഒപ്പം ഡാൻസ് കളിക്കാനും ഷെയ്ൻ കൂടും. എന്നെ ചൊറിയാറുണ്ട്. ചൊറിച്ചിൽ സീനുകൾ എടുക്കുന്ന ദിവസം ഷെയ്ൻ ഫുൾ ചൊറിച്ചിലായിരിക്കും' ആതിര പാട്ടീൽ പറയുന്നു.