കാമുകനെക്കുറിച്ച് എലീന, വിവാഹശേഷമുള്ള പ്ലാന്‍ ഇങ്ങനെയാണ്, രോഹിത്തും ഒറ്റക്കുട്ടിയാണെന്നും താരം

ബിഗ് ബോസില്‍ വെച്ച്

ബിഗ് ബോസില്‍ മത്സരിക്കാനെത്തിയപ്പോളായിരുന്നു എലീന പടിക്കല്‍ തന്റെ പ്രണയത്തെക്കുറിച്ച് തുറന്നുപറഞ്ഞത്. താന്‍ പ്രണയത്തിലാണെന്നും അത് നടക്കുമോയെന്നുറപ്പില്ലെന്നുമായിരുന്നു താരം പറഞ്ഞത്. വ്യത്യസ്ത മതവിഭാഗക്കാരായതിനാല്‍ വീട്ടില്‍ എതിര്‍പ്പുകളുണ്ടായിരുന്നുവെന്നും താരം പറഞ്ഞിരുന്നു. ബിഗ് ബോസില്‍ നിന്നും പുറത്തിറങ്ങി മാസങ്ങള്‍ പിന്നിട്ടപ്പോഴായിരുന്നു വിവാഹത്തെക്കുറിച്ച് പറഞ്ഞ് താരമെത്തിയത്.

രോഹിത്തിനെക്കുറിച്ച്

പ്രണയം ഇത്രയും എത്തിയതിനുള്ള ക്രഡിറ്റ് മുഴുവനും രോഹിത്തിനാണെന്ന് എലീന പറയുന്നു. ബിഗ് ബോസില്‍ നിന്നും ഇറങ്ങിയ സമയത്ത് രോഹിത്തുമായി വിശദമായി സംസാരിച്ചിരുന്നു. സെലിബ്രിറ്റിപെട്ടെന്ന് വിവാഹമോചനം നേടുമെന്നൊക്കെയാണല്ലോ പറച്ചില്‍, അതേക്കുറിച്ചൊക്കെയായിരുന്നു സംസാരം. ഞങ്ങള്‍ക്കിടയില്‍ നല്ല ഫ്രണ്ട്ഷിപ്പുണ്ട്. എല്ലാം തുറന്ന് പറയുന്ന ഹെല്‍ത്തി റിലേഷന്‍ഷിപ്പായിരിക്കുകയെന്നും എലീന പറയുന്നു.

യോജിപ്പില്ല

ലിവിങ് റ്റുഗദര്‍, ഡേറ്റിംഗ് തുടങ്ങിയ കാര്യങ്ങളൊടൊന്നും യോജിപ്പില്ലെന്നും എലീന പറയുന്നു. കമ്മിറ്റ്‌മെന്റ് ഇല്ലാത്ത തരത്തിലുള്ള ബന്ധങ്ങളോട് താല്‍പര്യമില്ല. ഒളിച്ചോടുന്നതിനോടൊന്നും താല്‍പര്യമില്ലെന്ന് നേരത്തെ തന്നെ എലീന പറഞ്ഞിരുന്നു. പ്രണയത്തെക്കുറിച്ചുള്ള അഭിപ്രായത്തെക്കുറിച്ചും തന്റെ പ്രണയത്തെക്കുറിച്ചുമെല്ലാം താരം തുറന്നുപറഞ്ഞിരുന്നു. വീട്ടില്‍ ഒറ്റക്കുട്ടിയാണ് എലീന, വീട്ടുകാരെ വിഷമിപ്പിച്ച് കാമുകനൊപ്പം ഇറങ്ങിപ്പോവാന്‍ താ്ല്‍പര്യമില്ലെന്നും മുന്‍പ് നടി വ്യക്തമാക്കിയിരുന്നു.

വിവാഹ ശേഷം

എലീനയെപ്പോലെ തന്നെ രോഹിത്തും ഒറ്റക്കുട്ടിയാണ്. രോഹിത്തിന്റെ അച്ഛന്‍ നല്ല തമാശക്കാരനാണ്. അമ്മ സൈലന്റായിരുന്നുവെങ്കിലും ഇപ്പോള്‍ എന്റെ കൂടെക്കൂടി സംസാരിച്ച് തുടങ്ങിയെന്ന് താരം പറയുന്നു. എല്ലാവരും നിന്റെ വൈബാക്കൂലോയെന്നായിരുന്നു രോഹിത് പറഞ്ഞത്. വിവാഹനിശ്ചയത്തിന് മുന്‍പ് തന്നെ അമ്മ മിസ്സിങ് ഓര്‍ത്ത് കരഞ്ഞ് തുടങ്ങിയിട്ടുണ്ട്. 15 ദിവസം അവിടെയും 15 ദിവസം ഇവിടെയുമെന്നാണ് തങ്ങള്‍ തീരുമാനിച്ചിട്ടുള്ളതെന്നും താരം പറയുന്നു.