'എന്നേക്കുമുള്ള പ്രിയ സുഹൃത്ത്, ​ബി​ഗ് ബോസിലെ സുഹൃത്തുക്കൾ യാത്രക്കിടെ കണ്ടുമുട്ടിയപ്പോൾ, ചിത്രങ്ങളുമായി അമൃത

ബി​ഗ് ബോസ് സീസൺ 2 ൽ സഹോദരി അഭിരാമിക്കൊപ്പം വൈൽഡ് കാർഡ് എൻട്രി വഴിയാണ് ഹൗസിലേക്ക് എത്തിയത്. വന്ന് ആദ്യത്തെ ആഴ്ചകൾ കഴിഞ്ഞപ്പോൾ തന്നെ സുജോയുമായി നല്ല സൗഹൃദം ഉണ്ടാക്കാൻ അമൃതക്ക് കഴിഞ്ഞു. നീണ്ട ഒരു ഇടവേളക്ക് ശേഷം വീണ്ടും സുഹൃത്തിനെ കണ്ട സന്തോഷം സമൂഹ മാധ്യമങ്ങളിലൂടെ അമൃത പങ്കുവെച്ചിരുന്നു. 'ബി​ഗ് ബോസിൽ നഷ്ടപ്പെട്ടതിനെ ​ഗോവയിൽ വെച്ച് കണ്ടുകിട്ടി' എന്ന കുറിപ്പോടെയാണ് അമൃത സുജോയ്ക്കൊപ്പമുള്ള ചിത്രങ്ങൾ പങ്കുവെച്ചത്.

ഇപ്പോഴിതാ വീണ്ടും മറ്റൊരു ചിത്രവുമായി എത്തിയിരിക്കുകയാണ് അമൃത. എന്നേക്കുമുള്ള പ്രിയ സുഹൃത്ത് എന്ന അടിക്കുറിപ്പോടെയാണ് ചിത്രം ഇൻസ്റ്റ​ഗ്രാമിൽ പങ്കുവെച്ചിരിക്കുന്നത്. അതീവ സന്തോഷത്തോടെ ചിരിച്ച് നിൽക്കുന്ന സുജോയേയും അമൃതയേയുമാണ് ചിത്രങ്ങളിൽ കാണുന്നത്. ഗോവൻ യാത്രയിലാണ് താനെന്ന് നേരത്തെ അമൃത വ്യക്തമാക്കിയിരുന്നു. അതിന് പിന്നാലെയാണ് കൂട്ടുകാരനെ കണ്ടുമുട്ടിയ സന്തോഷം പങ്കിട്ടത്.

ബിഗ് ബോസിൽ മത്സരിച്ചതോടെയായിരുന്നു സുജോ മാത്യുവിനെ പ്രേക്ഷകർ കൂടുതലായി മനസിലാക്കിയത്. മോഡലിംഗും ഫിറ്റ്‌നസുമൊക്കെയായി സജീവമായ സുജോയും അലക്‌സാൻഡ്രയും പ്രണയത്തിലാണെന്ന തരത്തിലുള്ള റിപ്പോർട്ടുകളും ഇടയ്ക്ക് പ്രചരിച്ചിരുന്നു. ഷോയിലെ നിലനിൽപ്പിന് വേണ്ടിയാണ് അതെന്നും സുജോയ്ക്ക് വേറെ കാമുകിയുണ്ടെന്നുമുള്ള പവൻ ജിനോ തോമസിന്റെ വെളിപ്പെടുത്തൽ പ്രേക്ഷകർക്കിടയിലും മത്സരാർത്ഥികൾക്കിടയിലും വലിയ ചർച്ചയായിരുന്നു. സുജോയുടെ കസിനായ പവൻ വൈൽഡ് കാർഡ് എൻട്രിയിലൂടെയാണ് ഷോയിലേക്കെത്തിയത്.

Recommended Video

Gopi Sundar & Amrutha Suresh: കട്ടക്കലിപ്പിൽ ഗോപി സുന്ദർ, ചെകിള ഞാൻ അടിച്ചു പൊളിച്ചേനെ

അതേസമയം, അമൃത സുരേഷ് തന്റെ പുതിയ ജീവിത പങ്കാളി ​ഗോപി സുന്ദറിനൊപ്പം ജീവിതം ആഘോഷിക്കുന്ന തിരക്കിലാണ്. അടുത്തിടെയാണ് അമൃത ​ഗോപി സുന്ദറുമായി താൻ പ്രണയത്തിലാണെന്ന വിവരം സമൂഹ മാധ്യമങ്ങളിലൂടെ അറിയിച്ചത്. കഴിഞ്ഞ ദിവസം ഗായിക അമൃത സുരേഷും സംഗീത സംവിധായകൻ ഗോപി സുന്ദറും ചേർന്നൊരുക്കിയ തൊന്തരവ് എന്ന ഗാനം യൂട്യൂബിൽ റിലീസ് ചെയ്തിരുന്നു. വലിയ പ്രേക്ഷക പ്രതികരണമാണ് വീഡിയോയ്ക്ക് ലഭിക്കുന്നത്.