അന്ന് പ്രണയം പറഞ്ഞപ്പോള്‍ അവഗണിച്ചു,പിന്നീട് സിനിമ റിലീസായപ്പോള്‍ ഇഷ്ടമാണെന്ന് പറഞ്ഞ് പൊട്ടിക്കരഞ്ഞു

സിനിമകള്‍ക്ക് ശേഷം അനൂപ് ചന്ദ്രന്റെ ജീവിതം തന്നെ മാറ്റിമറിച്ച ഷോ ആയിരുന്നു ബിഗ് ബോസിന്റെ ആദ്യ സീസണ്‍. ബിഗ് ബോസ് ഒരു തരത്തില്‍ പറഞ്ഞാല്‍ മനസ്സിനെക്കുറിച്ചുളള പഠനമാണെന്ന് മുന്‍പ് അനൂപ് ചന്ദ്രന്‍ തുറന്നുപറഞ്ഞിരുന്നു. ജീവിതത്തില്‍ പല ഭാഗങ്ങളില്‍ നിന്നും വരുന്നവര്‍, പല അഭിപ്രായങ്ങളിലുളളവര്‍ ഒരുമിച്ചെത്തുന്ന സ്ഥലം. അപ്പോള്‍ സമൂഹത്തെ പറ്റിയുളള കൂടുതല്‍ കാഴ്ചപ്പാടുകള്‍ ലഭിക്കുന്ന ഒരേട് കൂടിയാണ് ബിഗ് ബോസ് വീടെന്നും താരം പറഞ്ഞിരുന്നു.

ബിഗ് ബോസ് ആദ്യ സീസണിന് പിന്നാലെയാണ് അനൂപ് ചന്ദ്രന്റെ വിവാഹം കഴിഞ്ഞത്. കഴിഞ്ഞ വര്‍ഷമായിരുന്നു നടന്റെ വിവാഹം നടന്നത്. ബിടെക് ബിരുദധാരിയായ ലക്ഷ്മിയെ ആണ് അനൂപ് ചന്ദ്രന്‍ ജീവിതസഖിയാക്കിയത്. സിനിമകളോടൊപ്പം കൃഷി കാര്യങ്ങളിലും സജീവമാണ് അനൂപ് ചന്ദ്രന്‍.

ബിഗ് ബോസ് മലയാളം സീസണ്‍ വണ്ണില്‍ മല്‍സരിക്കുമ്പോള്‍ തന്റെ ആദ്യ പ്രണയത്തെക്കുറിച്ച് അനൂപ് ചന്ദ്രന്‍ തുറന്നുപറഞ്ഞിരുന്നു. അതിപ്പോള്‍ സോഷ്യല്‍ മീഡിയയില്‍ വീണ്ടും വൈറലായിരിക്കുകയാണ്. ഡിഗ്രിക്ക് പഠിക്കുമ്പോഴാണ് ആത്മാര്‍ത്ഥമായ പ്രണയം ഉണ്ടായത്. ഞാന്‍ ആദ്യം സമീപിച്ചപ്പോള്‍ അവഗണിച്ച കുട്ടി പിന്നീട് കോളേജില്‍ നാടകത്തിലും മറ്റും സജീവമായപ്പോള്‍ തിരികെ വന്നു.

എന്നാല്‍ ആ സമയം ഞാന്‍ പെണ്‍കുട്ടിയെ അവഗണിച്ചു. പിന്നീട് എന്റെ ആദ്യ സിനിമയായ ബ്ലാക്ക് റിലീസ് ആയതിന് പിന്നാലെ ആ പെണ്‍കുട്ടിയെയും ഭര്‍ത്താവിനെയും കണ്ടു. നിങ്ങളോട് എനിക്ക് അത്രയും ആരാധനയായിരുന്നു. പ്രണയമായിരുന്നു എന്ന് പറഞ്ഞ് പെണ്‍കുട്ടി അന്ന് പൊട്ടിക്കരഞ്ഞു. അനൂപ് ചന്ദ്രന്‍ മുന്‍പ് പറഞ്ഞ വാക്കുകളാണിവ.