'‌ഒരുമയെന്നാൽ ഇതാണ്... സുഹാനയുടെ മനസറിയുന്നവർ'; വൈറലായി ബഷീറിന്റേയും മഷൂറയുടേയും പുതിയ വീഡിയോ!

ഒരിക്കൽ ആരാധകരിലൊരാൾ വിവാഹം നടന്നതിനെ കുറിച്ച് ചോദിച്ചപ്പോൾ‌ ബഷീർ പറഞ്ഞത് തന്റെ വിവാഹം ഒരു ഹലാൽ വിവാഹമായിരുന്നുവെന്നാണ്. രണ്ട് വിവാഹവും ഞാൻ ഹലാൽ വിശ്വാസങ്ങൾ മാനിച്ച് കൊണ്ടാണ് ചെയ്തത്. 'എന്റെ ആദ്യ ഭാര്യയുടെയും അവരുടെ കുടുംബക്കാരുടെയും സമ്മതപ്രകാരമായിരുന്നു രണ്ടാമത് വിവാഹം കഴിച്ചത്. പലരും എന്റെ ഭാര്യമാരെ തമ്മിൽ തെറ്റിക്കാൻ നോക്കാറുണ്ട്. ആദ്യമൊക്കെ രണ്ട് ഭാര്യമാരിൽ ആരെയാണ് ഇഷ്ടമെന്നായിരുന്നു ചോദ്യം. എന്നാൽ ഇപ്പോൾ ദാമ്പത്യജീവിതം എങ്ങനെയാണെന്ന് വരെ ചോദിച്ച് തുടങ്ങി' എന്നാണ് ബഷീർ പറഞ്ഞത്. ബി​ഗ് ബോസിൽ നിന്ന് വന്ന ശേഷം കല്ലുമ്മക്കായ എന്ന വെബ്സീരിസ് ബഷീറും ഭാര്യമാരും ചേർന്ന് ഒരുക്കിയിരുന്നു. ഇതിന് വൻ പിന്തുണയാണ് പ്രേക്ഷകരിൽ നിന്നും ലഭിച്ചത്.

യുട്യൂബിൽ ബഷീറിനും സുഹാനയ്ക്കും മഷൂറയ്ക്കും ചാനലുകളുണ്ട്. മഷൂറയുടെ ചാനലിൽ സുഹാനയ്ക്ക് നോമ്പ് സ്പെഷ്യലായി ഒരു സർപ്രൈസ് ബഷീറിനൊപ്പം ഒരുക്കിയതിന്റെ വീഡിയോയാണ് ഇപ്പോൾ വൈറലാകുന്നത്. സുഹാനയ്ക്ക് ഏറ്റവും പ്രിയപ്പെട്ട കാര്യം ഈദ് സ്പെഷ്യലായി നൽകുന്നുവെന്ന് പറഞ്ഞാണ് മഷൂറയും ബഷീറും വീഡിയോ ആരംഭിക്കുന്നത്. 'സുഹാനയ്ക്ക് ഒരു സർപ്രൈസ് നൽകുന്നുണ്ട്. എല്ലാവരും പുറത്ത് പോവാനുള്ള തയ്യാറെടുപ്പിലാണ്. സോനുവിന് ഇഷ്ടപ്പെടുന്ന തരത്തിലൊരു സർപ്രൈസാണ്. ഇതെന്തായാലും അവൾക്ക് ഇഷ്ടമാകും' സോനുവിനൊരു സർപ്രൈസുണ്ടെന്ന് പറഞ്ഞ് രണ്ട് ബോക്‌സാണ് ബഷീർ നൽകിയത്. സംശയത്തോടെയായിരുന്നു സുഹാന ബോക്‌സ് തുറന്നത്. മനോഹരമായ മേക്കപ്പ് കിറ്റായിരുന്നു മഷൂറയും ബഷീറും സുഹാനയ്ക്ക് സമ്മാനിച്ചത്.

സോനുവിന് ഇഷ്ടപ്പെട്ടതെല്ലാം ഇതിലുണ്ടെന്നും ഇതുവെച്ച് ഞങ്ങളിനിയൊരു കലക്ക് കലക്കുമെന്നും ഇരുവരും പറയുന്നുണ്ടായിരുന്നു. വീട്ടിലെത്തിയ ഉടനെ സോനു മേക്കപ്പ് പരീക്ഷണം നടത്തിയിരുന്നു. വീട്ടിലെ എന്ത് ആഘോഷവും ഒരുമിച്ച് കൊണ്ടാടുന്നവരാണ് ബഷീറും ഭാര്യമാരും. സോനുവിനെ സർപ്രൈസ് ചെയ്യിപ്പിച്ചുള്ള വീഡിയോ വളരെ വേ​ഗത്തിൽ പ്രേക്ഷകർ സ്വീകരിക്കുകയും ചെയ്തു. പരസ്പരം സ്നേഹം കാത്ത് സൂക്ഷിക്കുന്ന കുടുംബത്തെ അഭിനന്ദിച്ചാണ് കമന്റുകളിലേറെയും വന്നിരിക്കുന്നത്. ബഷീറിന്റെ ഏകദേശം ഏഴോളം ചാനലുകൾ ആണ് സോഷ്യൽ മീഡിയ വഴി ഫാൻസിനെ കൂട്ടുന്നത്. മോഡലായി തിളങ്ങി നിന്ന ബഷീർ ബഷി ബിഗ് ബോസിൽ എത്തിയതോടെയാണ് കേരളം അംഗീകരിക്കുന്നത്. പറയാനുള്ളത് കൃത്യമായി പറഞ്ഞുകൊണ്ട് 85 ദിവസമാണ് ബഷീർ ബിഗ് ബോസിൽ നിന്നത്.