'ജീവൻ പോയിട്ട് രണ്ടാമത് വന്ന ഫീലാണ്, കുഞ്ഞിന്റെ മുഖം കാണുമ്പോഴാണ് വേദന മറക്കുന്നത്, ഇതല്ല ഞാൻ'; മഷൂറ പറയുന്നു

ഇപ്പോഴിത തങ്ങളുടെ കുഞ്ഞിനൊപ്പമുള്ള രണ്ടാം ദിവസത്തെ വിശേഷം പങ്കുവെച്ച് എത്തിയിരിക്കുകയാണ് മഷൂറയും ബഷീറും. വേദനയും വെച്ച് പതിയെ നടന്ന് തുടങ്ങിയെന്നും അതോടെ വേദനയ്ക്ക് ചെറിയ കുറവ് വന്നുവെന്നും പുതിയ വീഡിയോയിൽ മഷൂറ പറയുന്നുണ്ട്.

കുഞ്ഞിന്റെ മുഖം കാണുമ്പോഴാണ് സന്തോഷം വരുന്നതെന്നും അവനെ ഓർത്താണ് താൻ വേദനകൾ സഹിച്ച് എഴുന്നേറ്റ് ‌നടക്കുന്നതെന്നും പറഞ്ഞ് മഷൂറ കരയുന്നതും പുതിയ വീഡിയോയിൽ കാണാം.

'കട്ടിലിൽ നിന്നും എഴുന്നേറ്റ് നടക്കാൻ തുടങ്ങി. ജീവൻ പോയിട്ട് രണ്ടാമത് വന്ന ഫീലാണ്. ആദ്യം നടന്നപ്പോൾ ഒരുപാട് വേദനയുണ്ടായിരുന്നു. പിന്നെ ഓക്കെയായി. ഇപ്പോൾ നടക്കാൻ ശ്രമിക്കുന്നുണ്ട്. എന്റെ ആദ്യത്തെ അനുഭവമാണ്. വളരെ ഡൗൺ ആകുമ്പോഴും ഞാൻ നോക്കുന്നത് കുഞ്ഞിന്റെ മുഖത്തേക്കാണ്.'

'സിസേറിയൻ കഴിഞ്ഞ ശേഷം ഞാൻ ഒരേ കിടപ്പായിരുന്നു. കുഞ്ഞിന്റെ മുഖം കണ്ടപ്പോൾ‌ കിട്ടിയ സന്തോഷം വെച്ചാണ് വേ​ദന സഹിച്ച് ഞാൻ എഴുന്നേറ്റ് നടന്നത്. എന്റെ മമ്മ എന്നെ മോട്ടിവേറ്റ് ചെയ്തത് കുഞ്ഞിന്റെ മുഖത്തേക്ക് നോക്കുവെന്ന് പറഞ്ഞാണ്.'

'ഞാൻ എല്ലാം ചെയ്യുന്നത് എന്റെ മകന് വേണ്ടിയാണ്. അവൻ എന്നെ പോലെയല്ല. ഭയങ്കര പാവമാണ്. എബ്രുവിന് വേണ്ടിയാണ് ഇപ്പോൾ ഞാൻ‌ ഭക്ഷണം കഴിക്കുന്നത്. സ്റ്റിച്ചിന്റെ നല്ല വേദനയുണ്ട്. എന്റെ മൂഡ് വല്ലാതെ മാറുന്നുണ്ട്. ഇതല്ല ഞാൻ.'

'ഞാൻ തിരിച്ച് വരും' മഷൂറ പറഞ്ഞു. മഷൂറ വീണ്ടും പവറായിയെന്നും തങ്ങളുടെ വീഡിയോസിനെല്ലാം മില്യൺ മില്യൺ വ്യൂസാണ് ലഭിക്കുന്നതെന്നും ബഷീർ വളരെ സന്തോഷത്തോടെ പുതിയ വീഡിയോയിൽ പറയുന്നുണ്ട്. എപ്പോഴും സുനുവാണ് എബ്രുവിനെ എടുക്കുന്നതെന്നും ബഷീർ വീഡിയോയിൽ പറഞ്ഞു.

മൂന്ന് കുഞ്ഞുങ്ങളുടെ തള്ളയാണ് താനെന്നും അതിന്റെ തിരക്കിലാണെന്നും അതുകൊണ്ട് എഡിറ്റിങ് പഠിക്കാൻ സമയമില്ലെന്നും എന്താണ് എഡിറ്റിങ് പഠിക്കാത്തതെന്ന് ബഷീർ ചോദിച്ചപ്പോൾ തമാശ കലർത്തി സോനു പറയുന്നതും വീഡിയോയിൽ കാണാം.

മഷൂറയ്ക്ക് ആവശ്യമുള്ള പോഷക​ഗുണങ്ങൾ നൽകുന്ന ഭക്ഷണമാണ് ഇപ്പോൾ നൽകുന്നതെന്നും ബഷീർ പുതിയ വീഡിയോയിൽ പറ‍ഞ്ഞു. കസിൻസ് അടക്കം നിരവധി പേർ മഷൂറയേയും കു‍ഞ്ഞിനേയും കാണാനായി ആശുപത്രിയിലേക്ക് വന്നതിന്റെ വിശേഷങ്ങളും ബഷീർ പുതിയ വീഡിയോയിൽ പങ്കുവെച്ചിട്ടുണ്ട്.

'എത്ര നെഗറ്റീവ് പറഞ്ഞലും സോനുവിന്റെ മനസിന്റെ വലിപ്പം മറ്റാർക്കും ഇല്ല. എല്ലാർക്കും ദൈവം ദീർഘായുസ് നൽകട്ടെ, ആദ്യമൊക്കെ കരുതിയത് ഇവരൊക്കെ സ്നേഹമുണ്ടെന്ന് അഭിനയിക്കുന്നതാണെന്നാണ്.'

'പക്ഷെ ഇവർക്ക് പരസ്പരം ഉള്ളത് ആത്മാർത്ഥ സ്നേഹം ആണെന്ന് മനസിലായി. ഇപ്പോൾ ഈ ഫാമിലിയെ ഒരുപാടിഷ്ടമാണ്' എന്നെല്ലമാണ് ബഷീറിന്റെ പുതിയ വീഡിയോയ്ക്ക് വന്ന കമന്റുകൾ.