ഇവരാണ് എൻ്റെ വീടിൻ്റെ ഐശ്വര്യം, വീട്ടിലെ പുതിയ അതിഥിയെ പരിചയപ്പെടുത്തി ബഷീർ ബഷി

ബഷീറിൻ്റെ വീഡിയോയിലൂടെ പുതിയ കാർ വാങ്ങിയ വിശേഷവും 1234 എന്ന നമ്പർ ലേലത്തിൽ വാങ്ങിയതും വാർത്തയായിരുന്നു. ആ കാർ ഏതാണെന്ന് പ്രേക്ഷകരെ പരിചയപ്പെടുത്തിയിരിക്കുകയാണ് പുതിയ വീഡിയോയിലൂടെ. കുടുംബത്തിലെ എല്ലാവരും കാർ വാങ്ങാനായി ഷോറൂമിൽ പോയിരുന്നു.

മഷൂറയുടെ പപ്പയും മമ്മയും ഉൾപ്പെടെയുള്ളവരാണ് പുതിയ വണ്ടി വാങ്ങാൻ ഷോറൂമിൽ എത്തിയത്. വാഹനം കൈമാറുന്നതിന് മുമ്പ് രണ്ട് ഭാര്യമാരാണ് എൻ്റെ വീടിൻ്റെ ഐശ്വര്യം എന്ന് ബഷീർ വീഡിയോയിലൂടെ പറഞ്ഞു. രണ്ട് ഭാര്യമാരും ഒരുപോലെയുള്ള ചുരിദാർ ധരിച്ചാണ് എത്തിയത്.

ബഷീറിന്റെ പുതിയ കാർ ഏതാണെന്ന് അറിയാൻ അരാധകരിൽ പലർക്കും ആകാംഷയുണ്ടായിരുന്നു. പുതിയ വീഡിയോയിലൂടെ ആ ആകാംഷക്കൊരു തീരുമാനം ആയി. ഫോർച്യൂണർ ലെജന്റ് ആണ് ബഷീറിൻ്റെ പുതിയ കാർ. കാറിന്റെ കീ വാങ്ങി ഇളയ മകൻ സൈഗുവിനാണ് ആദ്യം ബഷീർ നൽകുന്നത്. പിന്നീട് ഓരോരുത്തർക്ക് ആയി കൈ മാറുകയായിരുന്നു. ഭാര്യമാരിൽ ആർക്കാവും കീ ആദ്യം നൽകുന്നത് എന്ന് ചിലർക്കെങ്കിലും അറിയാൻ കൗതുകമായിരിക്കും. എന്നാൽ സോനുവും മഷൂറയും ഒരുമിച്ചാണ് കാറിൻ്റെ താക്കോൽ വാങ്ങിയത്.

ഇനി അങ്ങോട്ടുള്ള ഞങ്ങളുടെ വീഡിയോയിൽ പുതിയ കാറും ഉണ്ടാവും. ഫാമിലി ടൂറും എല്ലാം ഇനി ഇതിലാണ്. പുതിയ കുഞ്ഞ് വാവ വന്നാൽ അയാളുടെ യാത്രയും ഇതിൽ തന്നെയാവും. കൂടാതെ കൂട്ടുകാർക്കൊപ്പമുള്ള ഔട്ടിങും ഉണ്ടാവും, ബഷീർ അറിയിച്ചു.

കാറിന് ലക്കി നമ്പർ സ്വന്തമാക്കിയ വീഡിയോ ബഷീർ പങ്കുവെച്ചിരുന്നു. 1234 എന്ന ഫാൻസി നമ്പരാണ് ബഷീർ തിരഞ്ഞെടുത്തത്. ഓൺലൈനിലൂടെയാണ് താരം ലേലത്തിൽ പങ്കെടുത്തത്. എല്ലാ പ്രാവശ്യവും ഓപ്പോസിറ്റ് വിളിക്കാനായി ഒരാളേ ഉണ്ടാവാറുള്ളൂ. ഇത്തവണ രണ്ടുപേരുണ്ട്. അതുകൊണ്ട് ലേലം വിളി കുറച്ച് ടൈറ്റാണ്. 2020 ലും 2021 ലും ലേലം വിളിയിലൂടെയാണ് ഇതേ ഫാൻസി നമ്പർ സ്വന്തമാക്കിയത്.

Recommended Video

ഒടുവില്‍ അമ്മയാകാന്‍ മഷൂറയും, സന്തോഷം കൊണ്ട് തുള്ളിച്ചാടി സുഹാന

ഈ പ്രാവശ്യം ലേലം കൈയ്യിൽ നിന്നും പോവാൻ ചാൻസുണ്ടെന്ന സംശയം ബഷീറിന് ഉണ്ടായിരുന്നു. എന്നാൽ ഇത് നമുക്ക് തന്നെ കിട്ടുമെന്നാണ് മഷൂറ വിശ്വസിച്ചത്. 15000 രൂപയിൽ തുടങ്ങിയ ലേലം അവസാനിച്ചത് 85000 ലായിരുന്നു. അങ്ങനെ മൂന്നാം തവണയും തന്റെ ലക്കി നമ്പർ തന്നെ സ്വന്തമാക്കിയ സന്തോഷം ബഷീറിനൊപ്പം ഭാര്യമാരും പങ്കുവെച്ചു.