'സോനു നീ നിന്റെ മനസിന്റെ വലിപ്പം വീണ്ടും തെളിയിച്ചു, ബഷീറിന്റെ സെലക്ഷൻ സൂപ്പർ'; മഷൂറയും കുഞ്ഞും വീട്ടിലെത്തി!

'ചൊവ്വാഴ്ച ‍ഡിസ്ചാർജ് ചെയ്യേണ്ട എന്ന തീരുമാനത്തിലായിരുന്നു ഞങ്ങൾ. മഷൂറയും കുഞ്ഞും ആദ്യമായി വീട്ടിലേക്ക് വരികയല്ലേ. അതിനാൽ വാക്കും ക്ലീനർ ഉപയോ​ഗിച്ച് വീട് ഒന്നുകൂടി വൃത്തിയാക്കി.'

'കുഞ്ഞിന് പൊടി അടിച്ചാൽ അലർജിയോ അസുഖങ്ങളോ പെട്ടന്ന് പിടിപെട്ടേക്കും. അതിനാലാണ് ഞാനും സോനുവും വീട് മുഴുവൻ വീണ്ടും വൃത്തിയാക്കിയത്. പിന്നെ സിസേറിയൻ കഴിഞ്ഞതിന്റെ ബുദ്ധിമുട്ടുകൾ മഷൂറയ്ക്ക് മാറി വരികയാണ്.'

'ജനിച്ച ശേഷം ആദ്യമായി കഴിഞ്ഞ ദിവസം എബ്രു ഒരുപാട് നേരം കരഞ്ഞു. അതിനാൽ‌ രാത്രി ആർക്കും ഉറങ്ങാൻ പറ്റിയില്ല. മഷൂറയും സുഹാനയുമെല്ലാം കുഞ്ഞിനെ ഉറക്കാനുള്ള ശ്രമത്തിലായിരുന്നു. ഒമ്പതാം മാസം തുടങ്ങിയപ്പോൾ മുതൽ മഷൂറ ഉറങ്ങിയിട്ടില്ല.'

'പലവിധ അസ്വസ്ഥതകൾ കാരണം എഴുന്നേറ്റ് നടക്കുകയാണ് ചെയ്തിരുന്നു. അതിനാൽ തന്നെ കഴിഞ്ഞ ദിവസം ഉറക്കം പോയപ്പോൾ മഷൂറയ്ക്ക് വലിയ ബുദ്ധിമുട്ടുണ്ടായില്ല.'

'സിസേറിയൻ ആയതിനാൽ മഷൂറയ്ക്ക് മുകളിലുള്ള അവളുടെ റൂമിലേക്ക് പോകാൻ ബുദ്ധിമുട്ടുണ്ട്. സ്റ്റെപ്പ് കയറാൻ സാധിക്കില്ല. അതുകൊണ്ട് തന്നെ സുഹാനയുടെ മുറിയിലേക്ക് മഷൂറയെ മാറ്റി താമസിപ്പിക്കുകയാണ്. പൊതുവെ സ്വന്തം മുറിവിട്ട് വേറെ എവിടേയ്ക്കും പോകാത്ത ആളാണ് മഷൂറ.'

'പിന്നെ ഇങ്ങനെയൊരു സാഹചര്യമായതുകൊണ്ട് മഷൂറ ഇങ്ങോട്ട് പറയുകയായിരുന്നു. സുഹാന സുനുവിന്റെ റൂമിലേക്ക് മാറി' എന്നെല്ലാമാണ് മഷൂറയേയും കുഞ്ഞിനേയും ഡിസ്ചാർജ് ചെയ്തതിന്റെ സന്തോഷം പങ്കുവെച്ച് ബഷീർ പറഞ്ഞത്.

തിങ്കളാഴ്ച വൈകിട്ടോടെ വീട്ടിലെത്തിയ മഷൂറയേയും കുഞ്ഞിനേയും മഞ്ഞൾ കലർത്തിയ വെള്ളം കൊണ്ട് തലയ്ക്ക് ഉഴിഞ്ഞ ശേഷമാണ് മഷൂറയുടെ ഉമ്മ സ്വീകരിച്ചത്. മഷൂറയെ സഹായിക്കാനായി ഒമ്പതാം മാസം പകുതിയായപ്പോൾ തന്നെ ഉമ്മ മാം​ഗ്ലൂരിൽ നിന്നും വന്നിരുന്നു.

മാം​ഗ്ലൂരിലെ മഷൂറയുടെ ബന്ധുക്കൾ കുഞ്ഞിനെ കാണാൻ വന്ന വീഡിയോയും ബഷീർ പങ്കുവെച്ചിരുന്നു. ആദ്യത്തെ വിവാഹത്തിൽ ബഷീറിന് രണ്ട് മക്കളാണുള്ളത്. രണ്ടാമത്തെ കുഞ്ഞ് ജനിച്ച ശേഷമാണ് മഷൂറയെ ബഷീർ വിവാഹം ചെയ്തത്.

മഷൂറ തനിക്ക് സഹോദരിയെപ്പോലെയാണെന്നാണ് സുഹാന എപ്പോഴും പറയാറുള്ളത്. ഇപ്പോഴിത മഷൂറയേയും കുഞ്ഞിനേയും ഇത്രയും പരിപാലിച്ച് സന്തോഷത്തോടെ കൊണ്ടുനടക്കുന്ന സുഹാനയെ പുകഴ്ത്തുകയാണ് ബിബി ഫാമിലി ആരാധകർ.

മഷൂറയ്ക്ക് വേണ്ടി സ്വന്തം റൂം വരെ ഒഴിഞ്ഞുകൊടുത്ത സുഹാന തന്റെ മനസിന്റെ വലിപ്പം വീണ്ടും തെളിയിച്ചു എന്നാണ് ആരാധകർ കമന്റിൽ കുറിക്കുന്ന​ത്. 'സുഹാന ഭാര്യയായും സഹോദരിയായും ഫ്രണ്ടയും ഉമ്മയായും നിങ്ങളുടെ കൂടെയുള്ളതാണ് ഈ കുടുംബത്തിന്റെ ഐശ്വര്യം.'

'പരിഭവം ഇല്ല പരാതി ഇല്ല സോനുവിന് സ്നേഹം മാത്രം, സോനു നീ നിന്റെ മനസിന്റെ വലിപ്പം വീണ്ടും തെളിയിച്ചു.... നിന്റെ റൂം നീ ഒഴിഞ്ഞ് കൊടുത്തല്ലോ..... നീ ഒരു അത്ഭുതം തന്നെ....' എന്നാണ് ആരാധകർ കുറിക്കുന്നത്.