ദിൽഷക്ക് ബ്ലെസ്ലിലുടെ മറുപടി, എനിക്ക് വേണ്ടി തല കുനിക്കേണ്ടി വന്നവരുടെ തല ഞാൻ ഉയർത്തിവെക്കുമെന്ന് ബ്ലെസ്ലി

ദിൽഷ പോസ്റ്റ് ചെയ്ത വീഡിയോക്ക് റോബിന് ആ സമയത്ത് തന്നെ മറുപടി കൊടുത്തിരുന്നു. നീൻ്റെ തീരുമാനത്തെ താൻ ബഹുമാനിക്കുന്നു. നിൻ്റെ ഭാവിയിൽ നല്ലതൊക്കെ നടക്കട്ടെ. തൻ്റെ കൂടെ നിന്നതിനും നല്ല ഓർമ്മകൾ സമ്മാനിച്ചതിനും നന്ദി പറഞ്ഞ് ഡോക്ടകർ ഇൻസ്റ്റയിൽ പോസ്റ്റ് ഇട്ടിരുന്നു. എന്നാൽ ആ സമയത്ത് ബ്ലെസ്ലിയുടെ മറുപടി ഒന്നും ലഭിച്ചിരുന്നില്ല.

പക്ഷെ ശനിയാഴ്ച രാത്രി ബ്ലെസ്ലി സോഷ്യൽ മീഡിയയിൽ ലൈവ് വന്നിരുന്നു. തൻ്റെ ആരാധകരോട് കുറച്ച് നേരം സംസാരിക്കുകയും അവർ ആവശ്യപ്പെട്ട പാട്ടൊക്കെ പാടി നൽകിയിരുന്നു. അതിന് ശേഷം തനിക്കെതിരെ വന്ന കോൺട്രോവേർസി കാര്യങ്ങളെക്കുറിച്ചാണ് ബ്ലെസ്ലി സംസാരിച്ചത്. എല്ലാ കാര്യങ്ങൾക്കും താൻ മറുപടി പറയും അതിൻ്റെ പണിപ്പുരയിലാണ് ഇപ്പോൾ താനെന്നും ബ്ലെസ്ലി പറഞ്ഞു.

എനിക്കെതിരെ വന്ന തെറ്റായ അലി​ഗേഷൻസിനൊക്കെ അന്ന് മറുപടി പറയും. വീഡിയോ ആയിട്ടാണ് വരുന്നത്. ബി​ഗ് ബോസ് ഹൗസിൻ്റെ 24*7 സ്ട്രീമിങ്ങിൽ നിന്ന് കുറച്ച് കൂടി വീഡിയോസ് കിട്ടാൻ ഉണ്ട്. അത് കഴിഞ്ഞ് നിങ്ങൾക്ക് മുന്നിലേക്ക് വരുമെന്നും ബ്ലെസ്ലി പറഞ്ഞു, എനിക്ക് വേണ്ടി തന്നെ സ്നേഹിക്കുന്നവർ ചില സ്ഥലങ്ങളിൽ തലകുനിക്കേണ്ടി വന്നിട്ടുണ്ട്. എന്നാൽ ആ തല താൻ നേരെ വെക്കുമെന്നാണ് ബ്ലെസ്ലി ലൈവിലൂടെ പറഞ്ഞത്.

താൻ മനസിൽ പോലും ചിന്തിക്കാത്ത കുറച്ച് കാര്യങ്ങളിലാണ് താൻ ബി​ഗ് ബോസ് ഹൗസിലായിരുന്നപ്പോൾ പുറത്ത് പ്രചരിച്ചത്. താൻ സത്യം പുറത്ത് കൊണ്ട് വരുമെന്നും തനിക്കെതിരെ പറഞ്ഞവർക്ക് എല്ലാം കൃത്യമായി മറുപടി പറയുമെന്നും ബ്ലെസ്ലി പറഞ്ഞു. തന്നെ സ്നേഹിക്കുന്ന എല്ലാ ആളുകളെയും കാണാൻ എല്ലാ ജില്ലകളിലും എത്താൻ ശ്രമിക്കുമെന്ന് ആരാധകരോട് പറഞ്ഞു.

ലൈവിലെത്തിയപ്പോൾ ചിലർ കമൻ്റ് ചെയ്തു മുടിയും താടിയുമെക്കൊ വെട്ടണം എന്ന്, അതിനും മറുപടി പറഞ്ഞിരുന്നു ബ്ലെസ്ലി, താൻ വലിയ പ്രൗജക്ടിൻ്റെ ഭാ​ഗമാകാൻ പോവുകയാണ്, അതിൽ ഈ ലുക്കാണ് വേണ്ടത് എന്നാണ് എന്നെ ബന്ധപ്പെട്ടവർക്ക് വാക്ക് കൊടുത്തു, അതുകൊണ്ടാണ് മുടി വെട്ടാത്തത് എന്ന് പറഞ്ഞു. പുതിയി പ്രൊജക്ടിൻ്റെ കൂടുതൽ വിശേഷങ്ങൾ ഒന്നും പറഞ്ഞില്ല. അത് വഴിയെ അറിയിക്കാമെന്നും ഉടനെ രണ്ട് പാട്ടുകൾ റിലീസ് ആകുമെന്നും താരം പറഞ്ഞു.

മറ്റ് രാജ്യങ്ങളിൽ ഉള്ള വലിയ ബാൻഡ് മ്യുൂസിക്ക് ഉള്ളത് പോലെ നമ്മുടെ ഇവിടെയും എത്ര കഷ്ടപ്പെട്ടിട്ടാണെങ്കിലു അങ്ങനെയൊരു ബാൻഡ് കൊണ്ട് വരും. പിന്നെ തന്നെ സ്നേഹിക്കുന്നവർക്ക് എല്ലാവർക്കും നന്ദി പറഞ്ഞാണ് ലൈവിൽ നിന്ന് പോയത്. ബ്ലെസ്ലിയോടൊപ്പം അപർണ്ണ മൾബറിയും ലൈവിൽ ഉണ്ടായിരുന്നു.