'കല്യാണം കഴിഞ്ഞപ്പോൾ എല്ലാം ചാടി കേറി പറയുമായിരുന്നു, ഇപ്പോൾ ജോണിന് എന്റെ ഇഷ്ടങ്ങൾ അറിയില്ല'; ധന്യ

ഇത് സംബന്ധിച്ച് ഇരുവരും നടത്തുന്ന രസകരമായ തർക്കങ്ങളും അടങ്ങിയ വീഡിയോ ഇപ്പോൾ വൈറലാണ്. ഏഷ്യാനെറ്റ് ടെലിവിഷൻ അവാർഡിന് അവതരിപ്പിക്കാനുള്ള പ്രോ​ഗ്രാം പ്രാക്ടീസ് ചെയ്യാനെത്തിയപ്പോഴാണ് ജോൺ റിയൽ ഭാര്യയ്ക്കൊപ്പം റീൽ ഭാര്യയെ കണ്ടുമുട്ടിയത്.

ജോണിന് പ്രിയപ്പെട്ട ഭക്ഷണം, വസ്ത്രം തുടങ്ങിയവയെ കുറിച്ച് ധന്യ വാചലയായി. എന്നാൽ ധന്യയ്ക്ക് പ്രിയപ്പെട്ട ​ഭക്ഷണത്തെ കുറിച്ച് ചോദിച്ചപ്പോൾ ജോണിന് ശരിയുത്തരം പറയാൻ സാധിച്ചില്ല. റീൽ ഭാര്യ നന്ദനയ്ക്ക് പ്രിയപ്പെട്ട ഭക്ഷണം പാനി പൂരിയാണെന്ന് അധികം ആലോചിക്കാതെ ജോൺ പറഞ്ഞിരുന്നു.

കല്യാണം കഴിഞ്ഞ സമയത്ത് ജോൺ ചോദിക്കുന്നതിന് മുമ്പ് തന്നെ തന്നേക്കുറിച്ചുള്ള ചോദ്യങ്ങൾക്ക് മറുപടി പറയുമായിരുന്നുവെന്നും ധന്യ തമാശയായി പറഞ്ഞു. മൂന്ന് മാസം മാറി നിന്നപ്പോഴേക്കും ജോൺ എല്ലാം മറന്നുവെന്നും ധന്യ പറഞ്ഞു.

അടുത്തിടെയാണ് ധന്യ മേരി വർ​ഗീസ് ബി​ഗ് ബോസ് സീസൺ 4ൽ പങ്കെടുത്ത് തിരികെ എത്തിയത്. ജോൺ വളരെ സപ്പോർട്ടീവായ ഭർത്താവാണെന്നത് ദയയുടെ സെറ്റിൽ എല്ലാവർക്കും അറിയുന്ന കാര്യമാണെന്ന് നന്ദന പറഞ്ഞു. അതിനുള്ള കാരണവും നന്ദന വ്യക്തമാക്കി.

'ധന്യ ബി​ഗ് ബോസിൽ പോയശേഷം ഹെ‍ഡ്സെറ്റും ഫോണുമായി എപ്പോഴും ബി​ഗ് ബോസ് ലൈവ് കാണുമായിരുന്നു. അതും ലൊക്കേഷനിൽ വെച്ച് പോലും. പലപ്പോഴും ധന്യയ്ക്ക് പ്രശ്നം വരുമ്പോൾ ജോൺ ഇവിടിരുന്ന് ടെൻഷനടിക്കും അത്രത്തോളം സപ്പോർട്ടീവാണ്' നന്ദന പറഞ്ഞു.

'ജോൺ ബി​ഗ് ബോസിൽ ഒരിക്കലെങ്കിലും പങ്കെടുക്കണമെന്നത് എന്റെ ആ​ഗ്രഹമാണ്. അത് മറ്റൊന്നിനും വേണ്ടിയല്ല വാഷ് ചെയ്യാനും കുക്ക് ചെയ്യാനുമെല്ലാം അവിടെ ചെല്ലുമ്പോൾ ജോൺ‌ പഠിക്കും' ധന്യ പറഞ്ഞു.

ധന്യയും ജോണും ചേർന്ന് നൃത്തം അവതരിപ്പിക്കുന്നുണ്ട് ടെലിവിഷൻ അവാർഡിൽ. ബി​ഗ് ബോസ് സീസൺ ഫോറിൽ മത്സരിച്ചപ്പോൾ അഞ്ചാം സ്ഥാനമാണ് ധന്യയ്ക്ക് ലഭിച്ചത്. സേഫ് ​​ഗെയിം കളിച്ചുവെന്നതിന്റെ പേരിൽ വിമർശിക്കപ്പെട്ട വ്യക്തി കൂടിയായിരുന്നു ധന്യ.

പക്ഷെ അതി കഠിനമായ ടാസ്ക്ക് പോലും മനസാന്നിധ്യവും നിശ്ചയദാർഢ്യവും കൊണ്ട് ധന്യ വിജയിച്ചിരുന്നു. മോഡലിങ്ങിലൂടെ സിനിമയിലെത്തിയ ധന്യ നിരവധി സിനിമകളിൽ നായികയായിട്ടുണ്ട്. കാണെക്കാണയാണ് ധന്യ അഭിനയിച്ച് അവസാനം റിലീസ് ചെയ്ത സിനിമ.