ആരെയും വിശ്വസിച്ചില്ല, ദില്‍ഷ പറഞ്ഞ ആ ആളുകളില്‍ ഒരിക്കലും ഞാനില്ല: ധന്യമേരി വർഗീസ്

ശക്തരായ സ്ത്രീ മത്സരാർത്ഥികളിൽ ഒരാളായിരുന്നു ധന്യ മേരി വർഗീസ്. ഒരുകാലത്ത് സിനിമാ സീരിയൽ രംഗത്ത് സജീവമായി നിന്നിരുന്ന ധന്യ ബിഗ് ബോസിലൂടെ രണ്ടാംവരവ് നടത്തിയെന്നുതന്നെ പറയാം. കഴിഞ്ഞ ദിവസം കട്ടൻ വിത്ത് ഇമ്മിട്ടിയിൽ ധന്യ പങ്കുവെച്ച ബിഗ് ബോസ് വിശേഷങ്ങളും ജീവിതത്തെക്കുറിച്ചുള്ള കാഴ്ച്ചപ്പാടുകളും സമൂഹമാധ്യമങ്ങളിൽ ശ്രദ്ധ നേടുകയാണ്.

'ബിഗ് ബോസിൽ എത്തിയ ആദ്യ നാളുകളിൽ ആരെയും വിശ്വസിച്ചിരുന്നില്ല. എല്ലാവരെയും പേടിയും സംശയവുമായിരുന്നു. കാരണം എല്ലാവരും മത്സരത്തിൽ പങ്കെടുക്കുന്നത് ജയിക്കാൻ വേണ്ടിയാണ്. ജീവിതത്തിൽ ചില പ്രതിസന്ധികൾ നേരിട്ടതുകൊണ്ട് ആരെയും പെട്ടെന്ന് വിശ്വസിക്കരുതെന്ന പാഠം പഠിച്ചു. നമ്മൾ ഇഷ്ടപ്പെടുന്നവർ പെട്ടെന്നൊരു ദിവസം തള്ളിപ്പറയുമ്പോൾ സിഹിക്കാൻ കഴിയില്ല', ധന്യ പറയുന്നു.

'രണ്ട് ഷർട്ട് എങ്കിലും വാങ്ങി തരാൻ ദിലീപ് കെഞ്ചി'; കുടുംബകോടതി ഷൂട്ടിനിടെ ഉണ്ടായ അനുഭവം പറഞ്ഞ് നിർമാതാവ്!

'വീട്ടിൽവെച്ച് റോബിനെ ഞാനാദ്യം കണ്ടതും ഇങ്ങനെയൊക്കെയാണ്. കാരണം റോബിൻ പറയുന്നതും ചെയ്യുന്നതും സത്യം ആണോ എന്നൊന്നും അറിയില്ല. റോബിനെ പിന്നീടാണ് മനസ്സിലാക്കാൻ ശ്രമിച്ചത്. ബിഗ് ബോസിൽ എനിക്ക് വിഷമം തോന്നിയ ഒരുപാട് നിമിഷങ്ങളുണ്ടായിട്ടുണ്ട്'.

'ദിൽഷ ബിഗ് ബോസ് കിരീടം നേടുമെന്ന് എനിക്ക് ഉറപ്പായിരുന്നു. ബ്ലെസ്ലിയാണ് ജയിക്കുന്നതെങ്കിലും സന്തോഷം മാത്രമേ ഉണ്ടായിരുന്നുള്ളൂ. ദിൽഷ വിജയിച്ചതിൽ മറ്റ് മത്സരാർത്ഥികളിൽ പലർക്കും സങ്കടമുണ്ടായിരുന്നു എന്ന് പറഞ്ഞ ആളുകളിൽ ഒരിക്കലും ഞാനില്ല. കാരണം ദിൽഷയുടെ വിജയത്തിലൂടെ ബിഗ് ബോസിൽ ഒരു സ്ത്രീ വിജയിച്ചതിൽ സന്തോഷിച്ച ആളാണ് ഞാൻ. ബിഗ് ബോസ് വിന്നറാകുക എന്നത് ദിൽഷയുടെയും ആഗ്രഹമായിരുന്നു', ധന്യ വ്യക്തമാക്കി.

'സംസാരിക്കണമെന്നാവശ്യപ്പെട്ട് ബ്ലെസ്ലിക്ക് ഞാൻ മെസേജ് അയച്ചിരുന്നു, എന്റെ ഭാ​ഗത്തും തെറ്റുകളുണ്ട്'; റോബിൻ

'ബിഗ് ബോസ് ഹൗസിൽ എനിക്ക് പ്രതികരിക്കേണ്ട ഇടങ്ങളിൽ ഞാൻ പ്രതികരിച്ചിട്ടുണ്ട്. റിയാസും ഞാനും തമ്മിൽ പല വാക്ക് തർക്കങ്ങളും ഉണ്ടായി. എന്നാൽ അതെല്ലാം മത്സരത്തിൻ്റെ ഭാഗമായി സംഭവിച്ചതാണ്. അത് ഞങ്ങൾക്ക് അറിയാം. എല്ലാവരും ഇതിനെ ഒരു മത്സരമായി മാത്രം കണ്ടാൽ മതി. ബിഗ് ബോസിൽ പ്രേക്ഷകർ കാണുന്നത് മാത്രമല്ല സംഭവിക്കുന്നത്'.

'ഞങ്ങൾ മത്സരാർത്ഥികൾ തമ്മിൽ ഒരു സൗഹൃദമുണ്ട്. പരസ്പരം ഒരുപാട് സമയം ഇരുന്ന് സംസാരിക്കുകയും പ്രശ്‌നങ്ങൾ പറഞ്ഞ് തീർക്കാൻ ശ്രമിക്കുകയും ചെയ്യാറുണ്ട്', ധന്യ പറയുന്നു.

'മാട്രിമോണിയിൽ കണ്ടു ഇൻസ്റ്റ​ഗ്രാമിലൂടെ പ്രണയിച്ചു, വിനീതേട്ടൻ-ദിവ്യ ചേച്ചി ജോഡി ഇഷ്ടമാണ്'; വിശാഖിന്റെ പ്രണയം!

Recommended Video

Dilsha Opening A Giftbox She Received From A Fan | ആരാധകന്റെ സമ്മാനപെട്ടി തുറന്ന് ദിൽഷ

'എന്റെ അച്ഛൻ്റെയും അമ്മയുടേയും ആഗ്രഹമായിരുന്നു ഞാനൊരു നടിയാകുക എന്നത്. അവരാണ് എന്റെ ഭാഗ്യവും. അച്ഛന് ഹിന്ദി സിനിമകളൊക്കെ വലിയ ഇഷ്ടമാണ്. ഇനി എന്റെ ആഗ്രഹവും ഒരു ഹിന്ദി സിനിമയിൽ അഭിനയിക്കണം എന്നാണ്'.

'കുടുംബ ജീവിതത്തിന് കൂടുതൽ പ്രാധാന്യം കൊടുത്തത് കൊണ്ട് കരിയറിൽ നല്ല ബ്രേക്ക് കിട്ടി. പിന്നെ തിരികെയെത്തുന്നത് സീതാ കല്യാണം എന്ന സീരിയലിലേക്കാണ്. ഞാൻ ആഗ്രഹിക്കുന്നത് സീരിയലിൽ നിൽക്കാനല്ല. സിനിമ ചെയ്യാനാണ് ആഗ്രഹം. സിനിമയിൽ വ്യത്യസ്ത കഥാപാത്രങ്ങൾ ചെയ്യണമെന്നും മോഡലിങിലേക്ക് തിരികെ പോകണം എന്നും ആഗ്രഹമുണ്ട്', ധന്യ കൂട്ടിച്ചേർത്തു.