'ഞാൻ ഇവിടുത്തെ ജന്മിയായിരിക്കും'; ​ഇത് ആർക്കും ലഭിക്കാത്ത സൗഭാ​ഗ്യം, റോബിന്റെ 5 കോടിയുടെ വില്ലയുടെ വിശേഷം!

ഉദ്ഘാടനവും അഭിമുഖവും പരിപാടികളും കഴിഞ്ഞ് ഇപ്പോഴും വിശ്രമിക്കാൻ റോബിന് സമയം കിട്ടാറില്ല. അതിനിടയിൽ അടുത്തിടെ റോബിന് ലഭിച്ച ഏറ്റവും വില കൂടിയ സമ്മാനമാണ് ​ഗൾഫിൽ പണി പുരോ​ഗമിക്കുന്ന അഞ്ച് കോടിയുടെ ഇല്ലം മോഡൽ വില്ല.

വില്ലയുടെ പണികൾ കഴിഞ്ഞ ദിവസമാണ് ആരംഭിച്ചത്. റോബിൻ തന്നെയാണ് തറക്കല്ലിടൽ ചടങ്ങ് നിർവഹിച്ചത്. റോബിൻ ബ്രാൻഡ് അംബാസിഡർ ആയിട്ടുള്ള യാക്കൂബ് ​ഗ്രൂപ്പ്സാണ് റോബിന് വേണ്ടി ഇല്ലം മോഡൽ വില്ല അഞ്ച് കോടി മുടക്കി നിർമിക്കുന്നത്.

കമ്പനിയുടെ എന്റെ ​ഗ്രാമം എന്ന ഇനിഷേറ്റീവിന്റെ ഭാ​ഗമായാണ് റോബിനും ആഡംബര വില്ല ഒരുങ്ങുന്നത്. ന്യൂ ഇയറിനോട് അനുബന്ധിച്ച് അജ്മാൻ‌ സന്ദർശിച്ച റോബിൻ തന്റെ വില്ലയുടെ ജോലികൾ വിലയിരുത്താനും പോയിരുന്നു.

എട്ട് ഏക്കറോളം സ്ഥലം വാങ്ങിയാണ് യാക്കൂബ് ​ഗ്രൂപ്പ്സ് അജ്മാനിൽ എന്റെ ​ഗ്രാമം പദ്ധതി നടപ്പിലാക്കുന്നത്. പദ്ധതിയെ കുറിച്ചും റോബിനെ ബ്രാൻഡ് അംബാസിഡറായി തെരഞ്ഞെടുത്തതിന് പിന്നിലെ കാരണം യാക്കൂബ് ​ഗ്രൂപ്പ് പ്രതിനിധി പുതിയ വീ‍ഡിയോയിൽ വിവരിക്കുന്നുണ്ട്.

Also Read: മദ്യപാനം, പ്രൊപ്പോസൽ; മഞ്ജുവിന്റെ രീതി അറിയാതെ തമിഴ് അഭിമുഖത്തിൽ ചോദ്യങ്ങൾ; നടി നൽകിയ മറുപടി

'അങ്ങാടി, വായനശാല, കുളം, കേരളത്തിലേതിന് സമാനമായ വീടുകൾ എന്നിവയെല്ലാം എന്റെ ​ഗ്രാം പദ്ധതിയുടെ ഭാ​ഗമാണ്. ഉപ്പ് തൊട്ട് കർപ്പൂരം വരെ ലഭിക്കും. നാല് ഫാമുകളിലൊന്നിലാണ് റോബിന്റെ കോടികളുടെ ഇല്ലം ഒരുങ്ങുന്നത്.'

'കേരളത്തിൽ തന്നെ തരം​ഗമായിട്ടുള്ള യൂത്ത് യങ് ചാർമിങ് ഡോ.റോബിൻ രാധാകൃഷ്ണനാണ് ബ്രാൻഡ് അംബാസിഡർ. റോബിനെ ബി​ഗ് ബോസിൽ നിന്നും പുറത്താക്കിയത് നല്ലതായിട്ടാണ് തോന്നിയത്. അതിന് ശേഷം റോബിന് വെച്ചടി കയറ്റമാണ്. ജനങ്ങൾക്കും റോബിനെ ഇഷ്ടമാണ്.'

'തറവാടിത്തമുള്ള ആളിനാണ് ഞങ്ങൾ ഇല്ലം പണിത് നൽകുന്നത്. റോബിൻ ഇവിടെ ഒരു ജന്മിയെപ്പോലെയായിരിക്കും. റോബിന്റെ പേരിലാണ് ഈ ഇല്ലം ഇനി അറിയപ്പെടാൻ പോകുന്നത്. കുടുംബസമേതമോ അല്ലാതെയോ റോബിൻ എപ്പോൾ വന്നാലും ഇവിടെ താമസിക്കാൻ സാധിക്കും.'

'യാക്കൂബ് ​ഗ്രൂപ്പിന്റെ സ്നേഹമായാണ് ഈ ഇല്ലം റോബിന് നൽ‌കുന്നത്. എല്ലാത്തിലും റോബിന്റെ സാന്നിധ്യമുണ്ടാകണം എന്നതുകൊണ്ടാണ് റോബിനെ തറക്കല്ലിടലിന് കൊണ്ടുവന്നത്.'

'മനുഷ്യത്വം അതിന്റെ ഏറ്റവും മൂർധന്യാവസ്ഥയിൽ റോബിനിൽ കാണാൻ സാധിച്ചു. എല്ലാവരിലേക്കും ഇറങ്ങി ചെല്ലാനുള്ള മനസ് റോബിനുണ്ട്. മൂന്ന് മാസത്തിനുള്ളിൽ ഇല്ലത്തിന്റെ പണി പൂർത്തിയാകും' യാക്കൂബ് ​ഗ്രൂപ്പിന്റെ പ്രതിനിധി പറഞ്ഞു.

'സന്തോഷം റോബിനും പങ്കിട്ടു. മനുഷ്യത്വവും സ്നേഹവും കൊണ്ട് ഞാൻ ഇവിടെ ജന്മിയായിരിക്കും. ആ ഒരു ഉദ്ദേശമാണ് എനിക്കുള്ളത്. യുഎഇയിൽ ഒരു വില്ല സ്വപ്നത്തിൽ പോലും ഉണ്ടായിരുന്നില്ല' റോബിൻ പറഞ്ഞു.