സ്വന്തം മൂല്യം തിരിച്ചറിയുക, സ്വയം തിരിച്ചറിയുക; പുതിയ ചിത്രവുമായി ബിഗ് ബോസ് താരം സൂരജ്

ബി​ഗ് ബോസിന് ശേഷം സമൂഹ മാധ്യമങ്ങളിൽ സജീവമാണ് താരം. ഫോട്ടോഷൂട്ട് ചിത്രങ്ങളും വീഡിയോസും ആരാധകരുമായി പങ്കുവെക്കാറുമുണ്ട്. ഇൻസ്റ്റ​ഗ്രാമിലൂടെ പങ്കുവെച്ച ഒരു ചിത്രവും അതിന് നൽകിയിരിക്കുന്ന കുറിപ്പുമാണ് സമൂഹ മാധ്യമങ്ങളിൽ ഇപ്പോൾ വൈറലായി മാറിയിരിക്കുന്നത്. 'നിങ്ങൾ നിങ്ങളെ തിരിച്ചറിയുക, ഒപ്പം നിങ്ങളുടെ മൂല്യത്തെയും തിരിച്ചറിയുക' എന്ന അടിക്കുറിപ്പാണ് ചിത്രത്തിനൊപ്പം സൂരജ് കുറിച്ചിരിക്കുന്നത്.

ബിഗ് ബോസിലെ ഏറ്റവും മികച്ച മത്സരാർത്ഥികളിൽ ഒരാളായിരുന്നു സൂരജ്. വീട്ടിലെ പല പ്രശ്‌നങ്ങളിലും സൂരജ് ഇടപെടുന്നത് നിഷ്പക്ഷമായാണ്. ഇതാണ് സൂരജിനെ പ്രേക്ഷകർക്കിടയിൽ കൂടുതൽ സ്വീകാര്യനാക്കിയത്.

പഠനകാലത്ത് കലോത്സവ വേദികളിലും സൂരജ് തിളങ്ങിയിട്ടുണ്ട്. കലാഭവൻ മണിയ്‌ക്കൊപ്പം മഴവിൽ മനോരമയിൽ സംപ്രേക്ഷണം ചെയ്‍തിരുന്ന 'സിനിമ ചിരിമ' എന്ന കോമഡി പ്രോഗ്രാമിലും സുരാജ് വെഞ്ഞാറമൂടിനൊപ്പം കോമഡി നൈറ്റ്‌സിലും എത്തിയതോടെയാണ് അദ്ദേഹത്തിന്റെ കലാജീവിതത്തിൽ വഴിത്തിരിവുണ്ടായത്.

'ചാർളി' എന്ന ദുൽഖർ ചിത്രത്തിലൂടെയാണ് സൂരജിൻറെ സിനിമയിലേക്കുള്ള അരങ്ങേറ്റം. ഇതിലെ പാർവ്വതിയുടെ മുറി വൃത്തിയാക്കാൻ എത്തുന്ന പയ്യൻറെ റോൾ ഏറെ ശ്രദ്ധിക്കപ്പെട്ടിരുന്നു. 2019ൽ പുറത്തിറങ്ങിയ ആൻഡ്രോയ്‍ഡ് കുഞ്ഞപ്പനാണ് സൂരജിൻറെ കരിയറിലെ ഏറ്റവും മികച്ച വേഷം എന്ന് പറയാം. വളരെ കഷ്‍ടപ്പാടുകൾ സഹിച്ച് ചെയ്‍ത ആ വേഷം പ്രേക്ഷകർക്കിടയിൽ ഏറെ ശ്രദ്ധിക്കപ്പെട്ടു. അതിനായി സൂരജ് അന്ന് എടുത്ത റിസ്‍കുകളും മാധ്യമങ്ങളിൽ വലിയ വാർത്തയായി വരികയും ചെയ്തു.

Recommended Video

Dr. Robin - Arathy Podi Marriage?ആരതി പൊടിയുമായ കല്യാണം ഉറപ്പിച്ചത് ലാലേട്ടന്റെ വീട്ടിലോ?

'ചാർളി', 'ഉദാഹരണം സുജാത', 'വിമാനം', 'കാപ്പിച്ചിനോ' തുടങ്ങിയ സിനിമകളിലൂടെ ശ്രദ്ധ നേടിയ താരം 'ഒരു അഡാറ് ലവ്', 'അമ്പിളി', 'ആൻഡ്രോയ്ഡ് കുഞ്ഞപ്പൻ', 'ധമാക്ക', 'എന്നോട് പറ ഐ ലവ് യൂ'ന്ന് തുടങ്ങിയ സിനിമകളിലാണ് അവസാനം അഭിനയിച്ചത്. രണ്ട് സിനിമകൾ റിലീസ് ആകാൻ ഉണ്ട്. 'ഉല്ലാസപ്പൂത്തിരികൾ', അഹാന കൃഷ്ണ നായികയായി എത്തുന്ന 'ഝാൻസി റാണി' എന്നീ സിനിമകളാണ് പുറത്തിറങ്ങാൻ ഉള്ളത്.

കൂടാതെ രണ്ട് സിനിമകളുടെ ഷൂട്ട് തുടങ്ങാൻ ഉണ്ട്. 'ആൻഡ്രോയിഡ് കുഞ്ഞപ്പൻ്റെ 2 -ാമത്തെ ഭാ​ഗം, അടുത്ത സിനിമക്ക് ഇതുവരെ പേരിട്ടില്ല', സൂരജ് പറഞ്ഞു.