'എന്റെ ബർത്ത് ഡെ ബോയ്ക്ക് ഇന്ന് പതിനെട്ട് വയസ് തികഞ്ഞു'; ​ഗോപി സുന്ദറിന് രസകരമായ പിറന്നാൾ ആശംസകളുമായി അമൃത!

​ഗോപി സുന്ദറും അമൃത സുരേഷും ഒന്നിച്ചുള്ള ജീവിതം ആരംഭിച്ചിട്ട് ഒരു വർഷം പൂർത്തിയായി. പെട്ടന്നൊരു ദിവസം അമൃതയും ​ഗോപി സുന്ദറും കപ്പിൾ ഫോട്ടോ പങ്കുവെച്ച് തങ്ങൾ പ്രണയത്തിലാണെന്ന് അറിയിക്കുകയായിരുന്നു.

അന്ന് അത് എല്ലാവർക്കും വലിയൊരു സർപ്രൈസായിരുന്നു. കാരണം അമൃതയുമായി പ്രണയം തുടങ്ങും മുമ്പ് ​ഗോപി സുന്ദർ ​ഗായിക അഭയ ഹിരൺമയിയുമായി പ്രണയത്തിലായിരുന്നു. പിന്നീടാണ് ​ഗോപി സുന്ദർ അഭയയുമൊത്തുള്ള ലിവിങ് ടു​ഗെതർ ജീവിതം അവസാനിപ്പിച്ചുവെന്ന് ആരാധകർക്ക് മനസിലാകുന്നത്.

പതിനാല് വർഷത്തോളം നീണ്ട ലിവിങ് റിലേഷൻഷിപ്പ് അവസാനിപ്പിച്ച ശേഷമാണ് അമൃതയുമായി പ്രണയത്തിലായത്. ബാലയുമായി പിരിഞ്ഞ ശേഷം പത്ത് വർഷത്തോളമായി അമൃത സിം​​ഗിളായി ജീവിക്കുകയായിരുന്നു. മറ്റൊരാളുമായി ഇനി പ്രണയമോ വിവാ​‌ഹമോ ഉണ്ടാകുമോയെന്നൊക്കെയുള്ള ചോ​ദ്യങ്ങളോട് പലപ്പോഴും അമൃത പ്രതികരിച്ചിട്ടില്ല.

വളരെ ചെറുപ്പമായിരുന്നപ്പോഴാണ് അമൃത ബാലയെ വിവാ​ഹം ചെയ്തത്. അതും പ്രണയ വിവാഹമായിരുന്നു. ശേഷം ഇരുവർക്കും ഒരു മകൾ പിറന്നു. മകൾക്ക് ഒരു വയസ് പിന്നിട്ടപ്പോഴേക്കും ബാലയുമായി അമൃത വേർപിരി‍ഞ്ഞു.

പിന്നീട് ഇരുവരും വിവാഹ​മോചിതരായി. അമൃതയ്ക്കൊപ്പമാണ് മകൾ പാപ്പു വളരുന്നത്. വളരെ നാളുകൾക്ക് ശേഷം അടുത്തിടെയാണ് മകളെ ബാല കണ്ടത്. പാപ്പുവിനെ തനിക്ക് എപ്പോഴും മിസ് ചെയ്യാറുണ്ടെന്ന് ബാല പലപ്പോഴും അഭിമുഖങ്ങളിൽ പറഞ്ഞിട്ടുണ്ട്. ​ഗോപി സുന്ദറുമായും മകൾക്ക് നല്ലൊരു ബോണ്ടുണ്ടെന്നാണ് അമൃത മുമ്പ് പറഞ്ഞിട്ടുള്ളത്. മകളുടെ സമ്മതം കിട്ടിയ ശേഷമാണ് ​ഗോപി സുന്ദറിനെ ജീവിതത്തിലേക്ക് ക്ഷണിച്ചതെന്നും അമൃത പറഞ്ഞിട്ടുണ്ട്. ​

ഗോപി സുന്ദറുമായി പ്രണയത്തിലായ ശേഷം പാട്ടും യാത്രകളുമായി തിരക്കിലാണ് അമൃത സുരേഷ്. ഇപ്പോഴിത ​ഗോപി സുന്ദറിന്റെ പിറന്നാൾ ദിനത്തിൽ അമൃത പങ്കുവെച്ച സോഷ്യൽമീഡിയ പോസ്റ്റാണ് വൈറലാകുന്നത്.

'എന്റെ ബർത്ത് ഡെ ബോയ്ക്ക് ഇന്ന് പതിനെട്ട് വയസ് തികഞ്ഞു', എന്നാണ് ​ഗോപി സുന്ദറിനെ കെട്ടിപിടിച്ച് നിൽക്കുന്ന ചിത്രം പങ്കുവെച്ച് അമൃത കുറിച്ചത്. അമൃതയുടെ സോഷ്യൽമീഡിയ പോസ്റ്റ് പ്രത്യക്ഷപ്പെട്ടതോടെ നിരവധി പേർ ആശംസകളുമായി എത്തി. അടുത്തിടെയാണ് ഇരുവരും ഒരുമിച്ച് ജീവിതം ആരംഭിച്ചതിന്റെ ഒന്നാം വാർഷികം ആഘോഷിച്ചത്.

നാൽപ്പത്തിയാറ് വയസുണ്ട് ​ഗോപി സുന്ദറിന്. 2001ൽ പ്രിയ എന്ന യുവതിയുമായി ​ഗോപി സുന്ദറിന്റെ വിവാഹം കഴിഞ്ഞതാണ്. ആ ബന്ധത്തിൽ രണ്ട് ആൺമക്കളും ​ഗോപി സുന്ദറിനുണ്ട്. വിവാഹിതനായി കുടുംബ ജീവിതം നയിച്ചുകൊണ്ടിരിക്കുമ്പോൾ തന്നെയാണ് അഭയ ഹിരൺമയിയുമായി ​ഗോപി സുന്ദർ ലിവിങ് റിലേഷൻഷിപ്പ് ആരംഭിക്കുന്നത്.

പതിയെ ഭാര്യയെ ഉപേക്ഷിച്ച് അഭയ ഹിരൺമയിക്കൊപ്പം ചേർന്നു. ഒന്നര വർഷം മുമ്പ് വരെ ​ഗോപി സുന്ദറിനൊപ്പം സിനിമയുമായി ബന്ധപ്പെട്ട പരിപാടികളിലും അവാർഡ് നിശകളിലും അഭയ ഹിരൺമയി സജീവ സാന്നിധ്യമായിരുന്നു. ​ഗോപി സുന്ദർ പോയശേഷം സിം​ഗിൾ ലൈഫ് നയിക്കുകയാണ് അഭയ. വിവാഹിതനായ ഒരാളെ പ്രണയിച്ചതിന്റെ പേരിൽ അഭയ ഹിരൺമയിക്കും വലിയ രീതിയിൽ സൈബർ ആക്രമണം നേരിടേണ്ടി വന്നിട്ടുണ്ട്.

അമൃത സുരേഷ് തന്റെ ഇനിയുള്ള ജീവിതം ​ഗോപി സുന്ദറിനൊപ്പമാണെന്ന് അറിയിച്ചപ്പോഴും സൈബർ ആക്രമണമുണ്ടായിരുന്നു. അമൃതയുടെ സഹോദരിയും അമ്മയും സുഹൃത്തുക്കളുമെല്ലാം ​ഗോപി സുന്ദറുമായുള്ള പ്രണയത്തിന് സപ്പോർട്ടാണ്. അടുത്തിടെ അമൃതയുടെ അച്ഛൻ സുരേഷ് മരിച്ചപ്പോൾ എല്ലാ കാര്യങ്ങളും നോക്കി നടത്തിയത് ​ഗോപി സുന്ദറായിരുന്നു.

അമൃതയും ​ഗോപി സുന്ദറും വിവാഹിതരായോ എന്നതിൽ വ്യക്തതയില്ല. ഹസ്ബെന്റ് എന്നാണ് ​ഗോപി സുന്ദറിനെ കുറിച്ചുള്ള കാര്യങ്ങൾ പറയുമ്പോൾ അമൃത അഭിസംബോധന ചെയ്യാറുള്ളത്.