മകളും കുടുംബവും എന്നെ ഇറക്കി വിട്ടില്ല; അവളുടെ ജന്മദിനത്തില്‍ തന്നെ ആഗ്രഹിച്ചത് നേടി, സന്തോഷം പങ്കുവെച്ച് ആര്യ

'18/02/2023 എന്റെ ജീവിതത്തിലെ ഏറ്റവും മികച്ചതും മറക്കാനാവാത്തതുമായ ദിവസങ്ങളില്‍ ഒന്നായി ഇതിനാല്‍ അടയാളപ്പെടുത്തിയിരിക്കുന്നു. എല്ലാ വര്‍ഷവും ഫെബ്രുവരി പതിനെട്ട് എനിക്ക് സ്‌പെഷ്യലാണ്. കാരണം എന്റെ കുഞ്ഞിന്റെ ജന്മദിനമാണന്ന്. അവളാണെന്റെ എന്റെ ജീവനാഡിയെന്ന് എനിക്കറിയാം. അതെ.. അത് അവളാണ്.

ഇടയ്ക്ക് ജീവിതത്തിലെ ഏറ്റവും ദയനീയമായ ചില സാഹചര്യങ്ങളിലൂടെ ഞാന്‍ കടന്ന് പോയി, ഓരോ തവണയും അത് അവള്‍ക്ക് വേണ്ടിയായിരുന്നു. അവള്‍ക്കായി മാത്രമാണ് ഞാന്‍ അതെല്ലാം മറികടന്ന് ജീവിക്കാന്‍ തീരുമാനിച്ചത്',.

'അതുകൊണ്ട് അവളെക്കാള്‍ കൂടുതല്‍ ഈ ദിവസം കൂടുതല്‍ ആഘോഷിക്കാന്‍ ഞാന്‍ അര്‍ഹയാണെന്ന് പറയും. എന്റെ കുഞ്ഞിന് 11 വയസ്സ് തികഞ്ഞു, മാത്രമല്ല ഒരു സുന്ദരിയായ മനുഷ്യനായി വളരുന്നു. എല്ലാ വര്‍ഷവും പോലെ ഈ വര്‍ഷവും ഈ ദിവസവും ഞങ്ങള്‍ എല്ലാവരും ഒത്തുചേര്‍ന്നു. എന്നാല്‍ ഇത്തവണ രണ്ട് കാരണങ്ങളുണ്ടായിരുന്നു. കൊച്ചിയില്‍ kanchivaram.in എന്ന ഞങ്ങളുടെ സ്റ്റോറിന്റെ ഉദ്ഘാടനത്തോടൊപ്പം അവളുടെ ജന്മദിനവും ഒന്നിച്ചായിരുന്നു'.

'എന്റെ മകളുടെ ജന്മദിനത്തിന്റെ അതേ ദിവസം തന്നെ സ്റ്റോര്‍ സമാരംഭിക്കണമെന്ന് ഞാന്‍ ആഗ്രഹിച്ചു. കൂടാതെ അവളെ കൊണ്ട് ഔദ്യോഗിക ഉദ്ഘാടനം നടത്തണമെന്നും ഞാന്‍ ആഗ്രഹിച്ചു. ഞാന്‍ ആഗ്രഹിച്ചതുപോലെ എല്ലാം സംഭവിച്ചു. അതിനൊപ്പം എന്റെ സുന്ദരമായ കുടുംബത്തില്‍ നിന്നുള്ള എല്ലാവരുടെയും സ്‌നേഹവും പിന്തുണയും കൊണ്ട് മാത്രമാണ് (നിങ്ങളൊക്കെ എനിക്ക് ആരാണെന്ന് നിങ്ങള്‍ക്കറിയാം)'.

'ഈ ആളുകള്‍ എന്റെ എല്ലാ മോശം അവസ്ഥയിലെല്ലാം എനിക്ക് പിന്നില്‍ പാറ പോലെ നിന്നവരാണ്. എവിടെ ആയിരുന്നാലും അവരെല്ലാം എന്നോടൊപ്പം ഉണ്ടായിരിക്കണമെന്ന് ഞാന്‍ ആഗ്രഹിച്ചപ്പോഴെല്ലാം എനിക്കൊപ്പം നിന്നിട്ടുണ്ട്.

എന്റെ ചില പ്രധാനപ്പെട്ട ആളുകളെ എനിക്ക് നഷ്ടമായെങ്കിലും എന്റെയീ കുടുംബം അവിടെ ഉണ്ടായിരുന്നു. സത്യസന്ധമായി ഞാനതില്‍ മറ്റൊന്നും ആഗ്രഹിച്ചില്ല. ഓരോ തവണയും ഞാന്‍ ടാര്‍ഗെറ്റ് ചെയ്യപ്പെട്ടു. ദുരുപയോഗം ചെയ്യപ്പെട്ടു, വഞ്ചിക്കപ്പെട്ടു, അപ്പോഴൊക്കെ ഭയങ്കരമായി തകര്‍ന്ന് പോയിരുന്നു'.

'പക്ഷേ ഞാനൊരിക്കലും ഒന്നും നഷ്ടപ്പെടുത്താന്‍ തയ്യാറായിരുന്നില്ല. എന്റെ മകളും എന്റെ കുടുംബവും എന്നെ ഇറക്കി വിടാന്‍ തയ്യാറായില്ല. ഓരോ തവണയും അവരെന്നെ മുന്നിലേക്ക് വലിച്ചെത്തിച്ച് കൊണ്ടിരുന്നു. എന്നെ കൂടുതല്‍ ശക്തയാക്കി. ഇവിടെ ഞാന്‍ എന്റെ ജീവിത ലക്ഷ്യങ്ങള്‍ ഒന്നിന് പുറകെ ഒന്നായി പിന്തുടരുകയാണ്. എന്റെ കുഞ്ഞ് ഖുഷിയോടും എന്റെ സുന്ദരമായ കുടുംബത്തോടും ഞാന്‍ കടപ്പെട്ടിരിക്കുന്നു'.

'നിങ്ങള്‍ എനിക്ക് നല്‍കുന്ന സമൃദ്ധമായ സ്‌നേഹവും കരുതലും പിന്തുണയും ഉള്ള ഈ ലോകത്ത് മറ്റൊന്നും എനിക്ക് പ്രധാനമല്ല. എല്ലായിപ്പോഴും ഒപ്പം ഉണ്ടായിരുന്നതിന് നിങ്ങള്‍ ഓരോരുത്തര്‍ക്കും നന്ദി. ഒപ്പം ഞാന്‍ നിങ്ങളെ വളരെയധികം സ്‌നേഹിക്കുന്നു',.. എന്നുമാണ് ആര്യ പങ്കുവെച്ച പോസ്റ്റിലൂടെ പറയുന്നത്. ഒപ്പം മകള്‍ ഖുഷിയ്ക്ക് ജന്മദിനത്തിന്റെ ആശംസകളും നടി അറിയിച്ചിരിക്കുകയാണ്.