'ആദ്യത്തെ വീഡിയോ കോൾ'; ടോം ആന്റ് ജെറി വീണ്ടും ഒന്നിച്ചപ്പോൾ‌, വൈറലായി റോബിന്റേയും ജാസ്മിന്റേയും വീഡിയോ!

ഹൗസിൽ ചെന്ന് രണ്ടാഴ്ചക്കുള്ളിൽ തന്നെ റോബിന് പുറത്ത് ഫാൻസ് ​ഗ്രൂപ്പുകളും മറ്റും ഉണ്ടായി തുടങ്ങി. ഹൗസിലായിരിക്കുമ്പോൾ റോബിന്റെ ഏറ്റവും വലിയ എതിരാളി ജാസ്മിനായിരുന്നു. റോബിനെ ഏറ്റവും കൂടുതൽ വിമർശിച്ചിരുന്നതും എലിമിനേഷനിലേക്ക് നോമിനേറ്റ് ചെയ്തതും ജാസ്മിനാ‌യിരുന്നു.

റോബിനുമായി നിരന്തരം ഏറ്റുമുട്ടുന്നവെന്നതിന്റെ പേരിലാണ് ജാസ്മിന് ഹൗസിന് പുറത്ത് ഹേറ്റേഴ്സുണ്ടായതും. ജാസ്മിനും റിയാസും കൂടി ഒത്തൊരുമിച്ച് പ്രവർ‌ത്തിച്ചപ്പോഴാണ് റോബിൻ ഹൗസിന് പുറത്തായത്. ജാസ്മിനും റോബിനും തമ്മിലുള്ള വഴക്ക് ഇരുവരുടേയും ആർമികൾ തമ്മിലുമുണ്ടായിരുന്നു.

ഒരു വീക്ക്ലി ടാസ്ക്കിനിടെ പരസ്പരം മത്സരിക്കുമ്പോൾ ജാസ്മിനും റോബിനും റിയാസും വാക്ക് തർക്കത്തിലേർപ്പെട്ടു. ഇതിന്റെ ഭാ​ഗമായിട്ടാണ് റോബിന് റിയാസിനെ ഉപദ്രവിക്കേണ്ടി വന്നത്.

റോബിനെ ഹൗസിലെ നിയമങ്ങൾ തെറ്റിച്ചതിന്റെ പേരിൽ ബി​ഗ് ബോസ് പുറത്താക്കി വൈകാതെ ജാസ്മിനും സ്വയം ഷോ ക്വിറ്റ് ചെയ്ത് പുറത്തുപോയി. റോബിൻ ചിലപ്പോൾ തിരികെ മത്സരത്തിലേക്ക് വരുമെന്ന് മനസിലാക്കിയപ്പോഴാണ് ജാസ്മിൻ ഷോയിൽ നിന്നും സ്വയം ക്വിറ്റ് ചെയ്ത് പോയത്. പുറത്തിറങ്ങിയ ശേഷം റോബിൻ ദിൽഷയേയും ജാസ്മിൻ റിയാസിനെയുമാണ് സപ്പോർട്ട് ചെയ്തത്.

ഷോ അവസാനിച്ച ശേഷം ജാസ്മിനും റോബിനും പിണക്കവും ദേഷ്യവും മറന്ന് സൗഹൃ​​ദത്തിലായിരുന്നു. ഇപ്പോഴിത ആദ്യമായി ജാസ്മിനെ വീഡിയോ കോൾ ചെയ്ത് സംസാരിച്ച സന്തോഷം പങ്കുവെച്ച് എത്തിയിരിക്കുകയാണ് റോബിൻ. വീഡിയോ കോളിനിടെ തന്റെ പ്രിയപ്പെട്ട വളർത്ത് നായക്കുട്ടി സിയാലോയെയും റോബിന് കാണിച്ചുകൊടുക്കുന്നുണ്ട് ജാസ്മിൻ.

ഇരുവരും തമാശകളും സന്തോഷവും പങ്കുവെച്ച് ചിരിക്കുന്നതും വീ‍ഡിയോയിൽ കാണാം. വീഡിയോ വൈറലായതോടെ നിരവധി പേരാണ് കമന്റുകളുമായി എത്തിയത്. 'നിങ്ങൾ ഇല്ലാതെ ബി​ഗ് ബോസ് ഇല്ല... നിങ്ങൾ ടോം ആന്റ് ജെറിയെപ്പോലെയാണ്, ജാസ്മിനോട് ചെയ്തത് പോലെ ദിലുവുമായുള്ള പ്രശ്നം പറഞ്ഞ് തീർത്തുകൂടെ.'

'നിങ്ങൾ എന്നും സുഹൃത്തുക്കളായി ഇരിക്കൂ', തുടങ്ങിയ കമന്റുകളാണ് പ്രേക്ഷകർ കുറിച്ചത്. ജിമ്മും വർക്കൗട്ടും എല്ലാമായി ജാസ്മിൻ ബാം​ഗ്ലൂരിൽ തിരക്കിലാണ്. റോബിൻ തന്റെ കരിയറും അഭിനയവുമെല്ലാമായി മുന്നോട്ട് പോവുകയാണ്.

താരമിപ്പോൾ കൊച്ചിയിൽ ഫ്ലാറ്റെടുത്ത് താമസിക്കുകയാണ്. അടുത്തിടെ താൻ വിവാഹിതനാകാൻ പോവുകയാണെന്ന് റോബിൻ അറിയിച്ചിരുന്നു. ആരതി പൊടിയാണ് റോബിന്റെ വധു. ഇപ്പോൾ റോബിന്റെ ഇൻസ്റ്റയിൽ നിറഞ്ഞ് നിൽക്കുന്നതും ആരതി പൊടിയാണ്.