സിനിമയിൽ വിജയിക്കാൻ കഴിവ് മാത്രം പോരാ ! ഏറ്റവും ആവശ്യം അതാണ്, തുറന്ന് പറഞ്ഞ് ആര്യ

നമുക്ക് സിനിമയിൽ വിജയിക്കണമെങ്കിൽ കഴിവ് മാത്രം പോരാ എന്നാണ് നടി പറയുന്നത്. അതിന് അൽപം ഭാഗ്യം കൂടി വേണം. അതില്ലെങ്കിൽ പറഞ്ഞിട്ട് കാര്യമില്ല. കഴിവുളള ഒരുപാട് പേർ വർഷങ്ങളായി നല്ല വേഷങ്ങൾ ലഭിക്കാൻ തീവ്രമായി പ്രയത്നിച്ച് ഇപ്പോഴും എങ്ങും എത്താതെ നിൽപ്പുണ്ട്. കൂടാത എത്രയോ നടി-നടന്മാർ ഒരു പ്രയത്നവുമില്ലാതെ ഭാഗ്യ കൊണ്ട് മാത്രം സിനിമയിൽ ഇപ്പോഴും നിലനിൽക്കുന്നുണ്ട്.

സിനിമയിൽ കഴിവ് എന്നത് രണ്ടാമതാണ്. ഭാഗ്യം എന്നത് ആദ്യ ഘടകവുമാണെന്ന് ആര്യ പറയുന്നു. ഒരു സംവിധായകനോ തിരക്കഥാകൃത്തോ ചിന്തിക്കുമ്പോൾ ഈ കഥാപാത്രം ആ നടി ചെയ്താൽ നന്നായിരിക്കും എന്നുള്ള തോന്നലുണ്ടാകും. അങ്ങനെയുള്ള തോന്നലുകളിലേയ്ക്ക് നമ്മുടെ പേര് വരുക എന്നതാണ് ഭാഗ്യം. അത് എന്നെ സംബന്ധിച്ചടത്തോളം വളരെ കുറവാണ്. വളരെ കുറച്ച് ചിത്രങ്ങൾ മാത്രമേ ഞാൻ ഇതുവരെ ചെയ്തിട്ടുള്ളൂ. അതിന് തനിയ്ക്ക് പരാതിയില്ലെന്നും ആര്യ അഭിമുഖത്തിൽ പറയുന്നു.

Recommended Video

രജിത്തിനെക്കുറിച്ച് ആര്യയുടെ തുറന്നുപറച്ചില്‍ വൈറല്‍ | FilmiBeat Malayalm

തനിയ്ക്ക് നായികയാകണം എന്നുളള ആഗ്രഹമില്ല. മറിച്ച് എന്നും പ്രേക്ഷകരുടെ മനസ്സിൽ നിലനിൽക്കുന്ന കുറച്ച് കഥാപാത്രങ്ങൾ ചെയ്താൽ മതി. കോമഡി എന്നതിലേയ്ക്ക് ഒതുങ്ങാതെ കഥാമൂല്യമുളള കഥാപാത്രങ്ങൾ ചെയ്യണമെന്നാണ് ആഗ്രഹം. നല്ലതിനായി കാത്തിരിക്കുന്നു എന്നും ആര്യ അഭിമുഖത്തിൽ പറഞ്ഞു

ബഡായി ബംഗ്ലാവിൽ കോമഡി പറയുന്ന ആര്യയെയാണ് താൻ കണ്ടത്. വലിയൊരു ശതാമാനം ആളുകളും താൻ രമേഷ് പിഷാരടിയുടെ ഭാര്യയാണെന്നാണ് കരുതിയിരുന്നത്. അങ്ങനെ വിചാരിക്കുന്ന പ്രേക്ഷകരെ ഒരിക്കലും തെറ്റ് പറയാൻ കഴിയില്ല. കാരണം ആ ഷോ യഥാർഥമാണെന്ന് പ്രേക്ഷകർ കരുതിയത് കൊണ്ടാണത്. അത് അഭിനേതാവ് എന്ന നിലയിൽ നമ്മുടെ വിജയ കൂടിയാണത്. ബിഗ് ബോസിൽ എത്തിയപ്പോൾ പ്രേക്ഷകർ എന്റെ യഥാർഥ മുഖം കണ്ടു. പ്രതികരിക്കേണ്ടടത്ത് ഉടനടി പ്രതികരിക്കുന്ന ഒരാളാണ്. എന്നാൽ തന്റെ സ്വഭാവം പലർക്കും ഉൾക്കൊള്ളാനായില്ലെന്നും ആര്യ പറയുന്നു.