അനിയനെ പോലെ തന്നെ ഞാന്‍ സ്‌നേഹിക്കുന്നു! ബിഗ് ബോസിലെ രജിത്തിന്റെ വീഡിയോയുമായി സുജോ

ആദ്യം ബിഗ് ബോസ് ഷോ തുടങ്ങിയ സമയത്ത് ലാലേട്ടന്‍ തന്നെ എടുത്ത് കാണിച്ച ഒരു സുഹൃത്ത് ബന്ധം സുജോയും രജിത്തും തമ്മിലുണ്ടെന്ന് ആദ്യ എപ്പിസോഡില്‍ തന്നെ കാണിച്ചിരുന്നു. അത് കഴിഞ്ഞതിന് ശേഷം ഇവിടുത്തെ ചില അന്തരീക്ഷങ്ങള്‍ സുജോയെ എന്നില്‍ നിന്ന് അകറ്റുകയും സുജോ വേറൊരു വ്യക്തിയായി മാറുകയുമൊക്കെ ചെയ്തു. അത് ലോകത്തിന് അറിയാവുന്നതാണ്. അത് കഴിഞ്ഞതിന് ശേഷം സുജോ തിരിച്ച് വന്നിട്ട് എന്നെ ക്യാപ്റ്റനാക്കാന്‍ പരിശ്രമിച്ചു.

അത് കണ്ടപ്പോള്‍ എന്റെ ഇളയ അനിയന്റെ നന്മ ഓര്‍ത്ത് അഭിമാനം തോന്നി. എനിക്ക് അങ്ങനെയൊരു അനിയന്‍ ഇല്ലാതെയായി പോയല്ലോ എന്നാണ് ചിന്തിച്ചത്. അതോര്‍ത്ത് എന്റെ സ്‌നേഹം ഞാന്‍ അവന് നല്‍കുകയാണ്. എന്നൊക്കെ രജിത് പറയുന്ന വീഡിയോ ആയിരുന്നു സുജോ പങ്കുവെച്ചത്. ഒരിക്കല്‍ മോഹന്‍ലാല്‍ വന്ന സമയത്ത് സംസാരിക്കവേ സുജോയെ കുറിച്ച് രജിത്ത് പറഞ്ഞ വാക്കുകളായിരുന്നു ഇത്. ഒപ്പം ബിഗ് ബോസിലെ മറ്റ് രംഗങ്ങളും കോര്‍ത്തിണക്കിയിരുന്നു.

ഇതിന് താഴെ രസകരമായ നിരവധി കമന്റുകളാണ് വന്ന് കൊണ്ടിരിക്കുന്നത്. സുജോയും രജിത്തും എന്റെ പ്രിയപ്പെട്ടവരാണ് സുജോയുടെ പെണ്‍സുഹൃത്ത് സഞ്ജന കമന്റിട്ടിരിക്കുകയാണ്. അത് മാത്രമല്ല രജിത് ഫാന്‍സും ഒരുപാട് കമന്റുകളുമായി വന്ന് കൊണ്ടിരിക്കുകയാണ്. രജിത്തിന് സപ്പോര്‍ട്ട് നല്‍കിയവരെ എല്ലാം വോട്ട് കൊടുത്തും അല്ലാതെയുമായി രജിത് ആര്‍മി സംരക്ഷിച്ചിരുന്നു. അവസാനമായപ്പോഴെക്കും മത്സരാര്‍ഥികളില്‍ ഒരുപാട് പേര്‍ രജിത്തിനൊപ്പം ചേര്‍ന്നിരുന്നു.

കൊറോണ കാലം വെറുതേ കളയണ്ട! കിടിലന്‍ കഥ അയച്ചാല്‍ സിനിമയാക്കാമെന്ന് ജൂഡ് ആന്റണി ജോസഫ്

സുജോയുടെ പോസ്റ്റിന് താഴെ പവനെ കുറിച്ച് ചോദിക്കുന്നവരും നിരവധിയാണ്. ബിഗ് ബോസിലേക്ക് വൈല്‍ഡ് കാര്‍ഡ് എന്‍ട്രിയായി എത്തിയ പവന്‍ വളരെ കുറച്ച് ദിവസം മാത്രമായിരുന്നു അവിടെ ഉണ്ടായിരുന്നത്. ഈ സമയമെല്ലാം രജിത്തിനൊപ്പമായിരുന്നു പവന്‍. രജിത്തിനെ മനസിലാക്കി അദ്ദേഹത്തിനൊപ്പം നിന്നതിന് പവനും വലിയ ആരാധക പിന്‍ബലമായിരുന്നു. പിന്നാലെ വന്ന അമൃത സുരേഷ്-അഭിരാമി എന്നിവരെല്ലാം ചേര്‍ന്ന് ഒരു ഗ്രൂപ്പ് തുടങ്ങിയിരുന്നു. തുടര്‍ന്ന് ഇവരാണ് എല്ലാ മത്സരങ്ങളും വിജയിച്ചിരുന്നത്.

ഡ്രസ് വാങ്ങിയാല്‍ പൈസ കൊടുക്കുന്നത് അച്ഛനും അമ്മയും! ബാക്കി മറുപടി കൊടുക്കേണ്ട ആവശ്യമില്ലെന്ന് സാനിയ