'നയന്‍താരയും അനൂപും നായകനും നായികയും'; ആ വൈറല്‍ ചിത്രത്തിന് പിന്നിലെ കഥ വെളിപ്പെടുത്തി നടന്‍

'ഏയ് വെറുതേ ഒരു ആഗ്രഹം പറഞ്ഞതാണ്. എയര്‍പോര്‍ട്ടില്‍ വെച്ച് വളരെ അപ്രതീക്ഷിതമായിട്ടാണ് നയന്‍താരയേയും വിഘ്‌നേഷിനേയും കണ്ടത്'... അനൂപ് കൃഷ്ണന്‍ പറയുന്നു.

'ഭാര്യാപിതാവിനെ യാത്രയാക്കാന്‍ വേണ്ടി എയര്‍പോര്‍ട്ടില്‍ എത്തിയതാണ്. അവിടെ വെച്ചാണ് കണ്ടത്. അങ്ങോട്ട് ചെന്ന് സ്വയം പരിചയപ്പെടുകയായിരുന്നു. ആദ്യം വിഘ്‌നേഷ് ശിവനോടും പിന്നീട് നയന്‍താരയോടും സംസാരിച്ചു. എന്റെ മുഖം പരിചയമുണ്ടെന്ന് നയന്‍താര പറഞ്ഞു. അത് ചിലപ്പോള്‍ കാഷ്വലായി പറഞ്ഞതാവാം'; അനൂപ് കൃഷ്ണന്‍ കൂട്ടിച്ചേര്‍ത്തു.

'വഴിപാടുകള്‍ നടത്താന്‍ വേണ്ടിയാണ് നയന്‍സും വിക്കിയും കേരളത്തില്‍ എത്തിയത്. എന്നോടും ഐശ്വര്യയേടും വളരെ കാര്യമായിട്ടാണ് സംസാരിച്ചത്. നയന്‍സ് അധികം സംസാരിക്കാറൊന്നുമില്ലെന്നാണ് കേട്ടിരുന്നത്. എന്നല്‍ തങ്ങളോട് അങ്ങനെയൊന്നും ആയിരുന്നില്ല. വളരെ താല്‍പര്യത്തോടെയാണ് സംസാരിച്ചത്. അതുപോലെ തന്നെ വിഘ്‌നേഷ് വളരെ കൂളാണ്'; താരങ്ങളെ കണ്ട വിശേഷം പങ്കുവെച്ച് കൊണ്ട് അനൂപ് പറഞ്ഞു.

ഒരു ഫോട്ടോ ചോദിച്ചപ്പോള്‍ സന്തോഷത്തോടെ ഒപ്പം നിന്ന് ഫോട്ടോയ്ക്ക് പോസ് ചെയ്തുവെന്നും നടന്‍ കൂട്ടച്ചേര്‍ത്തു. ഭാര്യ ഐശ്വര്യ നയന്‍താരയുടെ വലിയ ഫാന്‍ ആണെന്ന് പറഞ്ഞ് കൊണ്ടാണ് വൈറല്‍ ചിത്രത്തിന പിന്നിലെ കഥ പറഞ്ഞ് നിര്‍ത്തിയത്.

' We Are The Couple' എന്ന ക്യാപ്ഷനോടെയാണ് വിക്കിയ്ക്കും നയന്‍താരയ്ക്കുമൊപ്പമുളള ചത്രം നടന്‍ അനൂപ് കൃഷ്ണന്‍ ഇന്‍സ്റ്റഗ്രാമില്‍ പങ്കുവെച്ചത്. എന്നാല്‍ കൂടുതല്‍ വിവരങ്ങളൊന്നും അനൂപ് കുറിച്ചിരുന്നില്ല. വളരെ പെട്ടെന്ന് തന്നെ ചിത്രം സോഷ്യല്‍ മീഡിയയില്‍ ഇടംപിടിക്കുകയും ചെയ്തു. അനൂപും നയനും തമ്മിലുളള ബന്ധം തിരക്കി കൊണ്ട് നിരവധി പേര്‍ രംഗത്ത് എത്തിയിരുന്നു. .

വിവാഹം കഴിഞ്ഞതിന്റെ തൊട്ട് പിന്നാലെയാണ് നയനു വിക്കിയും കേരളത്തില്‍ എത്തിയത്. തുടര്‍ന്ന് ആലപ്പുഴയിലെ ചെട്ടിക്കുളങ്ങര ക്ഷേത്രത്തിലും ദർശനം നടത്തിയിരുന്നു. കടുത്ത ഈശ്വര വിശ്വാസികളായ ഇവര്‍ തിരുപ്പതി സന്ദർശനത്തിന് ശേഷമാണ് കേരളത്തില്‍ എത്തിയത്.

മലയാള സിനിമയില്‍ അധികം സജീവമല്ലെങ്കിലും കേരളവുമായി വളരെ അടുത്ത ബന്ധമാണ് നയന്‍സിനും വിക്കിക്കുമുള്ളത്. മാതാപിതാക്കളെ കാണാന്‍ നയന്‍സ് കേരളത്തില്‍ എത്താറുണ്ട്.

Recommended Video

Dhyan Sreenivasan On Nayanthara Wedding | നയൻതാരയുടെ കല്യാണത്തെ കുറിച്ച് ധ്യാൻ ശ്രീനിവാസൻ

2022 ജൂണ്‍ 9 നായിരുന്നു നയന്‍താരയുടേയും വിഘ്‌നേഷ് ശിവന്റേയും വിവാഹം. നീണ്ടകാലത്തെ പ്രണയത്തിന് ശേഷമാണ് ഇരുവരും വിവാഹിതരായത്. 2015 പുറത്ത് ഇറങ്ങിയ 'നാനും റൗഡി താന്‍' എന്ന വിക്കിയുടെ ആദ്യത്തെ സിനിമ സെറ്റില്‍ വെച്ചാണ് ഇരുവരും അടുക്കുന്നത്. ആദ്യം തങ്ങളുടെ പ്രണയം തുറന്ന് സമ്മതിച്ചിരുന്നില്ല. എന്നാല്‍ ഗോസിപ്പ് കോളങ്ങളില്‍ വാര്‍ത്തകള്‍ നിറഞ്ഞതോടെ പ്രണയം തുറന്ന് സമ്മതിക്കുകയായിരുന്നു.