രണ്ടാം സ്ഥാനം നേടിയിട്ടും സായി ആക്ടീവാകാത്തത് എന്താണ്? ബിഗ് ബോസ് താരത്തെ തിരക്കി നെറ്റിസണ്‍സ്‌

അതേസമയം ഫൈനല്‍ സമയത്ത് സായി വിഷ്ണുവിന് ബറോസില്‍ അവസരം ലഭിച്ച വാര്‍ത്ത എല്ലാവരെയും സന്തോഷത്തിലാഴ്ത്തിയിരുന്നു. സെലിബ്രിറ്റി അല്ലാത്ത, സാധാരണക്കാരനായ ഒരു മല്‍സരാര്‍ത്ഥിയായിട്ടാണ് സായി വിഷ്ണു ഷോയില്‍ എത്തിയത്. ഓസ്‌കര്‍ മോഹവുമായിട്ടാണ് ബിഗ് ബോസിലേക്ക് സായിയുടെ വരവ്. എന്നാല്‍ ഷോയുടെ തുടക്കത്തില്‍ മിക്കവരും എഴുതി തളളിയ മല്‍സരാര്‍ത്ഥിയാണ് സായി വിഷ്ണു.

മോശം പ്രകടനവും സ്വഭാവവുമൊക്കെയാണ് സായിയെ ഷോയുടെ ആദ്യ പകുതിയില്‍ ബാധിച്ചത്. എന്നാല്‍ സ്വഭാവത്തില്‍ മാറ്റങ്ങള്‍ വരുത്തിയുളള സായിയുടെ പിന്നീടുളള മുന്നേറ്റത്തിന് പ്രേക്ഷക പ്രശംസകള്‍ ലഭിച്ചു. ഞങ്ങള്‍ക്ക് പറയാനുളളതാണ് സായി പറഞ്ഞതെന്ന് താരത്തെ കുറിച്ച് മിക്കവരും അഭിപ്രായപ്പെട്ടു. ബിഗ് ബോസ് അവസാന ഘട്ടത്തില്‍ എത്തിയ സമയത്ത് പ്രേക്ഷക പിന്തുണയുടെ കാര്യത്തില്‍ മണിക്കുട്ടനൊപ്പം മുന്നിലായിരുന്നു സായി.

ആ സമയത്ത് തന്നെ സായി ഷോയുടെ ആദ്യ സ്ഥാനങ്ങളില്‍ എത്തുമെന്ന് പലരും പ്രവചിച്ചിരുന്നു. ബിഗ് ബോസ് വോട്ടിംഗ് കഴിഞ്ഞപ്പോഴും ഫിനാലെയില്‍ സായി രണ്ടാം സ്ഥാനത്ത് എത്തുമെന്ന് പലരും പ്രവചനങ്ങള്‍ നടത്തി. ബിഗ് ബോസ് 3യില്‍ രണ്ടാം സ്ഥാനം നേടി അഭിമാനകരമായ നേട്ടം തന്നെയാണ് സായി സ്വന്തമാക്കിയത്. എന്നാല്‍ സായി വിഷ്ണു ഇപ്പോഴും സോഷ്യല്‍ മീഡിയയില്‍ ആക്ടീവാകാത്തത് പലരെയും ചൊടിപ്പിക്കുന്നുണ്ട്.

Recommended Video

എയർപോർട്ടിൽ ബിഗ്‌ബോസ് ട്രോഫി പൊക്കി വീശുന്ന മണിക്കുട്ടനെ കണ്ടോ

ഫിനാലെ സമയത്ത് സഹമല്‍സരാര്‍ത്ഥികളാണ് സായിക്കൊപ്പമുളള ചിത്രങ്ങള്‍ പങ്കുവെച്ചത്. സായിക്ക് പുറമെ താരത്തിന്‌റെ ആരാധകരെയും ഇപ്പോള്‍ സോഷ്യല്‍ മീഡിയയില്‍ അധികം കാണാറില്ല. രണ്ടാം സ്ഥാനം നേടിയതിന്‌റെ സന്തോഷമോ, പ്രേക്ഷകര്‍ക്ക് നന്ദി അറിയിച്ചോ ഒന്നും ഫിനാലെയ്ക്ക് ശേഷം സായി എത്തിയിട്ടില്ല. അതേസമയം ഉടന്‍ തന്നെ സായിയും ആരാധകരും സമൂഹ മാധ്യമങ്ങളില്‍ വീണ്ടും ആക്ടീവാകുമെന്നാണ് മറ്റ് മല്‍സരാര്‍ത്ഥികളുടെ ആരാധകര്‍ പ്രതീക്ഷിക്കുന്നത്. ഒപ്പം ബറോസിലെ സായി വിഷ്ണുവിന്‌റെ പ്രകടനം കാണാനും കാത്തിരിക്കുകയാണ് ആരാധകര്‍. മോഹന്‍ലാലിനൊപ്പം പ്രാധാന്യമുളള ഒരു കഥാപാത്രം തന്നെയാണ് സായി അവതരിപ്പിക്കുന്നത് എന്നാണ് റിപ്പോര്‍ട്ടുകള്‍ വന്നത്. മോഹന്‍ലാലിന്‌റെ ആദ്യ സംവിധാന സംരംഭത്തില്‍ പൃഥ്വിരാജും പ്രധാന വേഷത്തില്‍ എത്തുന്നുണ്ട്.