സായ് വിഷ്ണുവിനെതിരെ മത്സരാർഥികൾ, ബിഗ് ബോസ് ഹൗസിൽ പടയൊരുക്കം, നോമിനേഷൻ ചർച്ച കനക്കുന്നു

എല്ലാത്തവണത്തേയും പോലെ ഫിറോസും സജ്നയും എട്ടാം വാരത്തിലേയും നേമിനേഷൻ ലിസ്റ്റിൽ ഇടം പിടിച്ചിട്ടുണ്ട്. ഏറ്റവും കൂടുതൽ വോട്ടുകൾ നേടിയിരിക്കുന്നതും ഇവർക്കാണ്. ഇവരോടൊപ്പം സായ് വിഷ്ണുവുമുണ്ട്. 7 വോട്ടുകൾ തന്നെയാണ് സായ്ക്കും ലഭിച്ചിരിക്കുന്നത്. ഇതാദ്യമായിട്ടാണ് ഇത്രയധികം വോട്ട് സായിക്ക് ലഭിച്ചിരിക്കുന്നത്. ഇത് പ്രേക്ഷകരുടെ ഇടയിൽ ചർച്ചയായിട്ടുണ്ട്. സായിയെ എല്ലാവരും കൂടി ടാർഗറ്റ് ചെയ്തു വോട്ട് ചെയ്തുവെന്നാണ് പുറത്ത് പ്രചകിക്കുന്ന റിപ്പോർട്ട്.

കിടിലൻ ഫിറോസ്, അഡോണി, റംസാൻ, സന്ധ്യ, ഡിംപൽ, അനൂപ്,നോബി എന്നിവരാണ് സായിയെ നോമിനേറ്റ് ചെയ്തത്. പലരും ഒരേ കാരണങ്ങൾ തന്നെ വ്യത്യസ്ത രീതിയിൽ പറഞ്ഞത്. ബിഗ് ബോസ് ഹൗസിലെ അടുത്ത സുഹൃത്തുക്കളായിരുന്നു സായ് , അഡോണി, റംസാൻ. ഇവരുടെ സൗഹൃദത്തിനും വിള്ളൽ വീണിട്ടുണ്ട്. വീട്ടിലുള്ള മറ്റ് അംഗങ്ങളുമായി വളരെ അടുത്ത ബന്ധമാണ് ഇവർക്ക് രണ്ട് പേർക്കുമുള്ളത്.

അഡോണിയും ഇത്തവണ നേമിനേഷനിൽ ഇടം പിടിച്ചിട്ടുണ്ട്. 4 വോട്ടുകളാണ് ലഭിച്ചിരിക്കുന്നത്. സായ്, ഋതു, സൂര്യ, സജ്ന-ഫിറോസ്, എന്നിവരാണ് അഡോണിക്ക വോട്ട് ചെയ്തിരിക്കുന്നത്. ഗ്രൂപ്പ് കളിക്കുന്നു, ഡബിൾ സ്റ്റാൻഡ് തുടങ്ങിയ കാരണങ്ങളാണ് ഉന്നയിച്ചിരിക്കുന്നത്. സന്ധ്യയ്ക്കും ഋതുവിനും നോമിനേഷൻ കിട്ടിയിട്ടുണ്ട്. മണിക്കുട്ടൻ, സജ്ന ഫിറോസ് എന്നിവരാണ് സന്ധ്യയെ നോമിനേറ്റ് ചെയ്തിരിക്കുന്നത്. അഡോണിയും അനൂപുമാണ് ഋതിവിനെ നോമിനേറ്റ് ചെയ്തിരിക്കുന്നത്.

Bigg Boss Malayalam :ഏഷ്യാനെറ്റ് രമ്യയെ കളത്തിലിറക്കിയതിന് പിന്നിലെ രഹസ്യം | FilmiBeat Malayalam

സോഷ്യൽ മീഡിയയിൽ ബിഗ് ബോസ് നോമിനേഷൻ ചർച്ച കനക്കുകയാണ്. സായ്ക്ക് പ്രേക്ഷക പിന്തുണ വർധിച്ചിട്ടുണ്ട്. അതുപോലെ തന്നെ അഡോണിക്ക് രൂക്ഷ വിമർശനമാണ് ഉയരുന്നത്. അഡോണിയ്ക്കെതിരെ ക്യാംപെയ്നുകളും നടക്കുന്നുണ്ട്. ഈ ആഴ്ച അഡോണിയെ പുറത്താക്കണമെന്നും പ്രേക്ഷക പരസ്പരം പറയുന്നുണ്ട്. ആകാംക്ഷയോടെയാണ് വാരാന്ത്യത്തിനായി പ്രേക്ഷകർ കാത്തിരിക്കുന്നത്.