'വാപ്പ വൈരാ​ഗ്യം തീർത്തതാണെന്ന് മമ്മൂക്കയ്ക്ക് മനസിലായി, എന്തോ കുഴപ്പമുണ്ടെന്നെന്ന് അവർക്കും തോന്നി'; ബ്ലെസ്ലി

'സിനിമ ഏതാണെന്ന് വെളിപ്പെടുത്താൻ ഇപ്പോൾ സാധിക്കില്ല. മമ്മൂക്ക തന്നെ പറഞ്ഞിട്ടുണ്ട് സിനിമയ്ക്ക് നമ്മളെ ആവശ്യമില്ല നമുക്ക് സിനിമയെയാണ് ആവശ്യമെന്ന്. അതുകൊണ്ട് അവസരം നമ്മൾ ചോദിക്കണം. ആ ആ​ഗ്രഹത്തിന്റെ പുറത്താണ് എല്ലാ നടന്മാരേയും കാണാൻ പോയത്.'

'മമ്മൂക്ക എന്ന വ്യക്തി പിന്നെ ഒരാളെ ഇഷ്ടപ്പെട്ട് കഴിഞ്ഞാൽ പിന്നെ അയാളെ കൈവിടില്ല. മമ്മൂക്ക പല താരങ്ങളേയും നേരിട്ട് റെക്കമന്റ് ചെയ്യാറുണ്ട്. ബി​ഗ് ബോസിലെ ഫെയിം ഉള്ളപ്പോൾ മമ്മൂക്കയുടെ അടുത്ത് എനിക്ക് എന്നെ പരിചയപ്പെടുത്താൻ അഡ്രസുണ്ട്.'

'അതുകൊണ്ടാണ് അദ്ദേഹത്തെ കാണാൻ പോയത്. ജോർജേട്ടൻ വഴിയാണ് പോയത്. ഞാൻ‌ മമ്മൂക്കയെ കാണാൻ വെയിറ്റ് ചെയ്യുവായിരുന്നു. അപ്പോൾ ജോർജേട്ടൻ പോയി മമ്മൂക്കയോട് പറഞ്ഞു. ബി​ഗ് ബോസിൽ നിന്ന് ഒരു പയ്യൻ കാണാൻ വന്നിട്ടുണ്ടെന്ന്.'

'ഉടൻ അദ്ദേ​ഹം പറഞ്ഞു.... എനിക്കറിയാം... നമ്മുടെ പയ്യനല്ലേ... അവനെ കേറ്റി വിട് എന്ന്. അവിടെയുള്ളവരാണ് ഇക്കാര്യം എന്നോട് പറഞ്ഞത്. അദ്ദേഹത്തെപ്പോലൊരാൾ അങ്ങനെ പറഞ്ഞുവെന്ന് അറിഞ്ഞത് ‌സന്തോഷം നൽകി.'

'ഞാൻ എന്റെ മുഴുവൻ പേര് ഒറ്റ വട്ടമാണ് മമ്മൂക്കയോട് പറഞ്ഞത്. ആ ഒറ്റ പ്രാവശ്യം കൊണ്ട് അദ്ദേഹം അത് പഠിച്ച് തിരിച്ച് എന്നെ വിളിക്കുകയും ചെയ്തു. സാധാരണ ആരും അങ്ങനെ പെട്ടന്ന് എന്റെ പേര് കറക്ടായി പറയാറില്ല. മമ്മൂക്ക പക്ഷെ പറഞ്ഞു.'

'എന്നിട്ട് എന്നോട് ചോദിക്കുകയും ചെയ്തു വാപ്പ ആരോടോ ഉള്ള വൈരാ​ഗ്യത്തിനാണ് ഈ പേരിട്ടത് അല്ലേ... എന്ന്... സത്യമാണ്. ആരും എന്നെ ഇരട്ടപ്പേര് വിളിക്കരുതെന്ന് വാപ്പയ്ക്ക് നിർബന്ധമുണ്ടായിരുന്നു. ലാഭം പ്രതീക്ഷിച്ച് ഞാൻ ഒന്നും ചെയ്യാറില്ല. എനിക്ക് ബിസിനസ് അറിയില്ല.'

'എനിക്ക് നഷ്ടപ്പെടാൻ ഒന്നുമില്ലായിരുന്നു. എനിക്ക് ടോക്സിക്ക് ഫാൻസില്ല. ​ലാം​ഗ്വേജിന് അതീതമായി വളരണമെന്നാണ് ആ​ഗ്രഹം. സ്വയം മനസിലാക്കി വേണം മുന്നോട്ട് പോകാൻ. കാരണം മെന്റേഴ്സില്ല.'

'റിയൽ ലൈഫിലും ഇടയ്ക്കിടെ സിനിമ ഡയലോ​ഗുകൾ സംഭാഷണത്തിൽ കേറി വരാറുണ്ട്. ഞാൻ പണ്ട് ട്രോളനായിരുന്നു. ‌എനിക്ക് പെട്ടന്നൊരു ദിവസമാണ് ബി​ഗ് ബോസിലേക്ക് വിളി വന്നത്.'

'ഫേക്കാണോ റിയൽ ആണോയെന്ന് പോലും അറിയാതെ ഞാൻ സൂം കോൾ അറ്റന്റ് ചെയ്ത് എന്തൊക്കയോ സംസാരിച്ചു. എന്റെ സംസാരം കേട്ട് ബി​ഗ് ബോസ് ടീമും എനിക്ക് എന്തോ കുഴപ്പമുണ്ടെന്ന് കരുതി.'

'അവർ അത് എന്നോട് പറഞ്ഞിട്ടുമുണ്ട്. അവർ റിസ്ക്കെടുത്താണ് എന്നെ ഹൗസിലേക്ക് കേറ്റി വിട്ടത്. സ്ത്രീധനത്തെ കുറിച്ച് ഹൗസിൽ പറഞ്ഞത് പൊട്ടത്തരമാണെന്ന് എനിക്ക് അപർണ ചേച്ചി പറഞ്ഞപ്പോഴാണ് മനസിലായത്' ബ്ലെസ്ലി പറഞ്ഞു.