ഭാവി വധുവിനൊപ്പം ബി​ഗ് ബോസ് താരം റോബിന്റെ ആദ്യ ഓണം, ആരതി ഡിസൈൻ ചെയ്ത വസ്ത്രത്തിൽ തിളങ്ങി താരം!

ഹൗസിനുള്ളിൽ‍ പ്രവേശിച്ച് രണ്ടാഴ്ചക്കുള്ളിൽ തന്നെ റോബിൻ‍ ആരാധകരെ സമ്പാദിച്ച് തുടങ്ങിയിരുന്നു. ബി​ഗ് ബോസിൽ‍ നിന്നും പുറത്തിറങ്ങിയ ശേഷം റോബിന് ആരാധകർ കൂടിയതല്ലാതെ കുറഞ്ഞിട്ടില്ല. ഹൗസിൽ നിന്നും പുറത്ത് വന്നശേഷം നിരവധി സിനിമാ അവസരങ്ങളും റോബിന് ലഭിച്ചിട്ടുണ്ട്.

ഈ വരുന്ന ഒക്ടോബറോടെ താൻ കമ്മിറ്റ് ചെയ്ത സിനിമകളുടെ വർക്കുകൾ ആരംഭിക്കുമെന്ന് അടുത്തിടെ റോബിൻ അറിയിച്ചിരുന്നു. അതേസസമയം റോബിൻ‍ അടുത്തിടെ തന്റെ വിവാഹം ഫെബ്രുവരിയിലുണ്ടാകുമെന്നും അറിയിച്ചിരുന്നു.

കട്ടൻ വിത്ത് ഇമ്മട്ടി പരിപാടിക്കിടെ പരിചയപ്പെട്ട നടിയും മോഡലും ഫാഷൻ ഡിസൈനറും ബിസിനസ് വുമണുമായ ആരതി പൊടിയാണ് റോബിന്റെ ഭാവി വധു.

ഇരുവരും കഴിഞ്ഞ കുറച്ച് നാളുകളായി പ്രണയത്തിലാണ്. താനാണ് ആരതിയെ പ്രപ്പോസ് ചെയ്തതെന്ന് അടുത്തിടെ റോബിൻ വെളിപ്പെടുത്തിയിരുന്നു. ബി​ഗ് ബോസ് ഹൗസിലായിരിക്കുമ്പോൾ‍ ദിൽഷ പ്രസന്നനോട് തനിക്ക് പ്രണയമുള്ളതായി റോബിൻ വെളിപ്പെടുത്തിയിരുന്നു.

എന്നാൽ മത്സരം കഴിഞ്ഞ് പുറത്ത് വന്നശേഷം ഇരുവരും സൗഹൃദം വരെ അവസാനിപ്പിച്ചു. ഇപ്പോൾ‍ താനും ദിൽഷയും തമ്മിൽ യാതൊരുവിധ സൗഹൃദവും പുലർത്തുന്നില്ലെന്നും റോബിൻ വ്യക്തമാക്കിയിരുന്നു.

ഇപ്പോഴിത തിരുവോണ ദിനത്തിൽ ഭാവി വധു ആരതിക്കാപ്പം ഓണം സ്പെഷ്യൽ കപ്പിൾ ഫോട്ടോയുമായി എത്തിയിരിക്കുകയാണ് റോബിൻ രാധാകൃഷ്ണൻ‍. പൊന്നോണ ആശംസകൾ നേർന്നുകൊണ്ടാണ് റോബിൻ ആരതിക്കൊപ്പമുള്ള ഫോട്ടോ പങ്കുവെച്ചിരിക്കുന്നത്.

ഇരുവരുടേയും കപ്പിൾ ഫോട്ടോ ഇപ്പോൾ വൈറലാണ്. 'വന്നടാ... കപ്പിൾ പിക്ക് വന്നു, ഇപ്പോഴാണ് ഹാപ്പി ഓണം ആയത്, ഫോട്ടോയ്ക്കായി ഞങ്ങൾ വെയിറ്റിങായിരുന്നു' തുടങ്ങി നിരവധി ആരാധക കമന്റുകളാണ് താരങ്ങളുടെ ഫോട്ടോയ്ക്ക് വരുന്നത് ഒരു മണിക്കൂറിനുള്ളിൽ ഒരു ലക്ഷത്തിലധികം ലൈക്കുകൾ ഫോട്ടോയ്ക്ക് ലഭിച്ചു.

അതേസമയം റോബിന്‍റെ സിനിമാ അരങ്ങേറ്റം പ്രമുഖ നിര്‍മ്മാതാവ് സന്തോഷ്.ടി.കുരുവിള നിര്‍മ്മിക്കുന്ന ചിത്രത്തിലൂടെയാണ്.

അനൗണ്‍സ്മെന്‍റ് പോസ്റ്റര്‍ പങ്കുവെച്ചുകൊണ്ട് ജൂണ്‍ അവസാനം മോഹന്‍ലാല്‍ ആണ് റോബിന്‍റെ സിനിമാ അരങ്ങേറ്റം പ്രഖ്യാപിച്ചത്. സന്തോഷ്.ടി.കുരുവിളയുടെ 14-ാമത്തെ ചലച്ചിത്ര സംരംഭമാണ് ഇത്. നാലോളം സിനിമകൾ താൻ കമ്മിറ്റ് ചെയ്തിട്ടുണ്ടെന്നാണ് റോബിൻ പറഞ്ഞത്.

ഡോക്ടർ, മോട്ടിവേഷണൽ സ്പീക്കർ തുടങ്ങിയ ടാ​ഗ് ലൈനുകളോടെ ബി​ഗ് ബോസ് ഹൗസിൽ എത്തിയ റോബിൻ തന്റെ സ്വപ്നങ്ങൾ ഓരോന്നായി നേടിയെടുക്കുകയാണ് ഇപ്പോൾ.

ചെറുപ്പത്തിൽ മാർക്ക് കുറഞ്ഞതിന്റെ പേരിൽ പോകേണ്ടി വന്ന സ്കൂളിൽ വീണ്ടും ചീഫ് ​ഗസ്റ്റായി ചെന്ന സന്തോഷം പങ്കുവെച്ചുള്ള റോബിന്റെ വീഡിയോയും അടുത്തിടെ വൈറലായിരുന്നു.