മാസ് കാണിക്കാൻ ദിൽഷയ്ക്കുമറിയാം; പെരുമ്പാവൂരിനെ ഇളക്കി മറിച്ച് ബിഗ് ബോസ് താരത്തിൻ്റെ എൻട്രി

ബി​ഗ് ബോസിൽ നിന്ന് ഇറങ്ങിയതിന് ശേഷം ഉദ്ഘാടനങ്ങളും ഫോട്ടോഷൂട്ടും ടിവി പ്രോ​ഗ്രാമുകളിലായി തിരക്കിലാണ് ദിൽഷ, വ്യത്യസ്ത രീതിയിലുള്ള ദിൽഷയുടെ ഫോട്ടോ ഷൂട്ട് ചിത്രങ്ങൾ നിമിഷനേരം കൊണ്ട് വൈറലാവുകയും ചെയ്യാറുണ്ട്. സോഷ്യൽ മീഡിയയിൽ സജീവമായ താരം തൻ്റെ പുതിയ വിശേഷങ്ങൾ എല്ലാം തന്നെ ആരാധകരുമായി പങ്കുവെക്കാറുമുണ്ട്. സമൂഹ മാധ്യമങ്ങളിൽ ഇപ്പോൾ ശ്രദ്ധ നേടുന്നത് പെരുമ്പാവൂരിൽ ദിൽഷക്ക് കിട്ടിയ സ്വീകരണമാണ്. ഇത്രയും നാൾ ഉദ്ഘാടനങ്ങൾക്ക് പോയിട്ടുണ്ടെങ്കിലും ഇന്ന് ലഭിച്ച സ്വീകരണം എടുത്ത് പറയേണ്ടതാണ്.

പെരുമ്പാവൂരിലേക്ക് ദിൽഷയെ കാണാൻ ജനസാ​ഗരമാണ് അവിടേക്ക് ഒഴുകി എത്തിയത്. ദിൽഷക്കൊപ്പം അവതാരകയായ ലക്ഷ്മിയും ഉണ്ടായിരുന്നു. കുഞ്ഞ് കുട്ടികളെ കളിപ്പിച്ചും ആരാധകരോടൊപ്പം സെൽഫി എടുത്തുമാണ് ദിൽഷ അവിടെ നിന്നും പോയത്. താങ്ക്യു പെരുമ്പാവൂർ എന്ന് പറഞ്ഞ് ദിൽഷ തന്നെയാണ് വീഡിയോ സമൂഹ മാധ്യമങ്ങളിൽ പോസ്റ്റ് ചെയ്തത്. ഈ വീഡിയോ ദിൽഷയുടെ ആരാധകരും ഏറ്റെടുത്തിട്ടുണ്ട്. ജനങ്ങൾ ദിൽഷയെ സ്നേഹിക്കാൻ തുടങ്ങി എന്നാണ് സോഷ്യൽ മീഡിയയിലെ ആരാധകർ പറയുന്നത്.

ഷോ തുടങ്ങിയത് മുതലുണ്ടായിരുന്ന പ്രവചനങ്ങളൊക്കെ കാറ്റിൽ പറത്തുന്നതാണ് ഈ സീസണിലൂടെ കാണാൻ കഴിഞ്ഞത്. ശക്തരായ നിരവധി മത്സരാർഥികൾ ഉണ്ടാങ്കിലും അവരിൽ നിന്നും ഭാഗ്യം തേടി എത്തിയത് ദിൽഷ പ്രസന്നനെയാണ്. മുൻപ് ലൗവ് ട്രാക്ക് ആണെന്ന് ആരോപണം ദിൽഷയ്ക്കെതിരെ വന്നെങ്കിലും ഗംഭീരമായി കളിക്കാൻ സാധിച്ചിരുന്നു. ആദ്യമായി ഫിനാലെയിലേക്ക് എൻട്രി ലഭിച്ച ദിൽഷ വീടിനകത്ത് ഒരുവിധം എല്ലാ ടാസ്ക്കുകളും വിജയിച്ചിരുന്ന ആളാണ്.

കോഴിക്കോടുകാരിയാണ് കൊയിലാണ്ടിക്കാരിയാണ് എന്ന് പറയുന്നത് എന്നെ സംബന്ധിച്ച് വലിയ അഭിമാനമുള്ള കാര്യമാണ്. ഭയങ്കര സ്നേഹമുള്ള കുറേ ആളുകളുള്ള നാടാണ് അത്. വേറെ ഒരിടത്ത് നിന്ന് ആരെങ്കിലും വന്നാൽ അവരെ എങ്ങനെ സ്വീകരിക്കണം, അവർക്ക് എന്തെലാം ചെയ്തുകൊടുക്കണം എന്നതിലെല്ലാം പ്രത്യേക ശ്രദ്ധയായിരിക്കുമെന്നും ദിൽഷ പ്രസന്നൻ പറയുന്നു