കളളത്തരം കാണിച്ചിട്ടുണ്ടെങ്കിൽ പറയാനുള്ള ചങ്കൂറ്റം എനിക്കുണ്ട് ഫിറോസ് , ഹൗസ് അംഗങ്ങളെ ഞെട്ടിച്ച് സന്ധ്യ

കഴിഞ്ഞ ദിവസം മോഹൻലാൽ നൽകിയ ടാസ്ക്കാണ് സന്ധ്യയും ഫിറോസും തമ്മിലുള്ള വഴക്കിന്റെ കാരണം. കള്ളം പറഞ്ഞതിന് ഷോക്ക് അടിക്കുമായിരുന്നെങ്കിൽ ആ കസേരയിൽ നിന്ന് നിങ്ങൾക്ക് എഴുന്നേൽക്കാൻ കഴിയുമായിരുന്നില്ല എന്നുള്ള ഫിറോസിന്റെ വാക്കുകളാണ് സന്ധ്യയെ ചൊടിപ്പിച്ചത്. അടുക്കളയിൽ വെച്ചാണ് ഇവർ തമ്മിലുള്ള വാക്ക്വാദം നടക്കുന്നത്. നിങ്ങൾക്ക് എന്താണ് സത്യം എന്താണ് കള്ളമെന്നുള്ളതിന് ഡിഗ്രി എടുത്തിട്ട് വരുകയാണോ എന്നായിരുന്നു സന്ധ്യയുടെ മറുപടി.

എന്നാൽ അങ്ങനെ വിടാൻ ഫിറോസ് തയ്യാറായിരുന്നില്ല. വീണ്ടും പ്രകോപനപരമായ പരാമർശവുമായി ഫിറോസ് എത്തുകയായിരുന്നു. ഈ പൂച്ച കണ്ണടച്ച് പാലു കുടിക്കുമ്പോൾ അതിന്റെ വിചാരം ആരും കാണുന്നില്ല എന്നാണ്. ഞാൻ ഇവിടെ കണ്ണ് തുറന്നു കൊണ്ടാണ് നിൽക്കുന്നതെന്ന് സന്ധ്യ മറുപടി നൽകുകയായിരുന്നു. നിങ്ങൾ അറിയപ്പെടുന്ന നർത്തകിയല്ലേ ഇങ്ങനെ കള്ളം പറയാമോ എന്നും ഫിറോസ് സന്ധ്യയോട് ചോദിക്കുന്നുണ്ട്. കളളത്തരം കാണിച്ചിട്ടുണ്ടെങ്കിൽ പറയാനുള്ള ചങ്കൂറ്റം തനിക്കുണ്ടെന്നും സന്ധ്യ പറയുന്നു. ഇന്നത്തെ എപ്പിസോഡിലാണ് ഇവർ രണ്ടുപേരും ഏറ്റുമുട്ടുന്നത്.

മോഹൻലാൽ മത്സരാർഥികൾ ആക്ടീവ് ആകാൻ നൽകിയ ടാസ്ക്കാണ് ഹൗസിൽ വലിയ പ്രശ്നം സൃഷ്ടിച്ചത്. ചില മത്സരാർഥികൾ ബിഗ് ബോസ് ഹൗസിൽ ആക്ടീവ് അല്ല എന്നുളള പരാതികൾ കേൾക്കുന്നുണ്ടെന്നും അവരെ ഒന്ന് ആക്ടീവാക്കാൻ വേണ്ടിയാണ് ഈ ടാസ്ക്ക് എന്ന് പറഞ്ഞുകൊണ്ടാണ് മാന്ത്രിക കസേര ടാസ്ക്ക് നസ്‍കിയത് . ഹൗസിൽ ആക്ടീവ് അല്ലാത്ത മത്സരാർഥികളെ കസേരയിൽ വിളിച്ചിരുത്തി ചോദ്യങ്ങൾ ചോദിക്കുന്നതായിരുന്നു ടാസ്ക്ക്. ഇതിനാദ്യം സന്ധ്യ മനോജിനെയായിരുന്നു മോഹൻലാൽ വിളിച്ചത്. സന്ധ്യയോട് ഡിപംൽ, സായ് , ഫിറോസ് ഖാൻ എന്നിവർ ചോദ്യം ചോദിച്ചിരുന്നു. ഇതിന്റെ ബാക്കിയായിട്ടാണ് ഇവർ തമ്മിൽ ഏറ്റുമുട്ടിയത്.

ഫിറോസിന്റെ ചോദ്യത്തിന് കൃത്യമായ മറുപടി സന്ധ്യ കൊടുത്തിരുന്നു. ഒടുവിൽ മോഹൻലാൽ ഇടപെടുകയും ചെയ്തിരുന്നു. ആദ്യം സന്ധ്യയോട് ചോദ്യം ചോദിച്ചത് ഡിംപലാണ് സന്ധ്യാ മനോജ് ആയി തന്നെ മുഴുവനായി ബിഗ് ബോസില്‍ നില്‍ക്കാൻ പറ്റുന്നുണ്ടോയെന്നായിരുന്നു ചോദ്യം. അങ്ങനെ പറ്റുന്നില്ല എന്നായിരുന്നു സന്ധ്യാ മനോജിന്റെ ഉത്തരം. പലരാലും ഇൻഫ്ലൂൻസ് ചെയ്യപ്പെടുന്നുവെന്നും അത് മാറുമായിരിക്കുമെന്നും സന്ധ്യാ മനോജ് പറഞ്ഞു.

പിന്നീട് സായ് ആയിരുന്നു ചോദ്യംചോദിച്ചത്. ഭാഗ്യലക്ഷ്‍മിയെയും കിടിലൻ ഫിറോസിനെയും വിശ്വസിക്കുന്നുണ്ടോയെന്നായിരുന്നു സായ് വിഷ്‍ണുവിന്റെ ചോദ്യം. നിലവില്‍ അവരെ പൂര്‍ണമായുംവിശ്വസിക്കുന്നുവെന്നായിരുന്നു മറുപടി. ന്യൂട്രല്‍ പ്ലേ ചെയ്യുന്ന ആളാണ് സന്ധ്യാ മനോജ് എന്നാണ് തോന്നിയതെന്നും ഇങ്ങനെ മുഴുവനായും നില്‍ക്കാൻ കഴിയുമോയെന്ന് തോന്നുന്നുണ്ടോയെന്ന് ഋതു മന്ത്ര ചോദിച്ചു. കഴിയുന്നിടത്തോളം നില്‍ക്കുമെന്ന് സന്ധ്യ മറുപടി പറഞ്ഞിരുന്നു. കഴിഞ്ഞ ആഴ്ചയിലേത് പോലെ ശാന്തമായിരിക്കില്ല ഹൗസ്.