ബി​ഗ് ബോസ് കഴിഞ്ഞ് ഒരുവർഷത്തിന് ശേഷം കണ്ടുമുട്ടി സായ് വിഷ്ണുവും മണിക്കുട്ടനും

ഇവരുടെ വിഷയത്തിൽ മറ്റു മത്സരാർത്ഥികൾക്ക് ഇടപെടാൻ പോലും കഴിഞ്ഞിരുന്നില്ല. പിന്നീട് ലാലേട്ടൻ വരുന്ന ദിവസം വരെ മറ്റ് മത്സരാർത്ഥികൾ കാത്തിരുന്നു. എന്താണ് പ്രശ്‌നമെന്ന് അദ്ദേഹം രണ്ടു പേരോടുമായി ചോദിച്ചു. ക്യാപ്റ്റനെന്ന നിലയില്‍ മണിക്കുട്ടന്റെ നിലപാടുകളേയും മറ്റുമാണ് സായ് വിമര്‍ശിച്ചത്. എന്തെങ്കിലും പ്രശ്‌നമുണ്ടെങ്കില്‍ ക്യാപ്റ്റനോട് പറഞ്ഞാല്‍ മതിയെന്ന് പറഞ്ഞത് തനിക്ക് അംഗീകരിക്കാന്‍ സാധിക്കുന്നതായിരുന്നില്ല. അഭിപ്രായ സ്വാതന്ത്ര്യമുണ്ടെന്ന് വിശ്വസിക്കുന്ന വ്യക്തിയാണ് താനെന്നും സായ് പറഞ്ഞു. പിന്നാലെ മറുപടിയുമായി മണിക്കുട്ടന്‍ എത്തി.

'ക്യാപ്റ്റനെന്ന നിലയില്‍ താന്‍ സംസാരിച്ച് പരിഹരിച്ച വിഷയമായിരുന്നു. എന്നാല്‍ സായ് അന്ന് വെല്ലുവിളിയായിട്ടാണ് സംസാരിച്ചത്. അന്ന് റേഷന്‍ തീര്‍ന്ന ദിവസമായിരുന്നുവെന്നും മണിക്കുട്ടന്‍ പറഞ്ഞു. ഇവിടെ നടന്ന തീരുമാനങ്ങള്‍ അറിയിച്ചിരുന്നുവെന്നും പേഴ്‌സണലായിട്ടുള്ള വിഷയങ്ങള്‍ പേഴ്‌സണലായി തീര്‍ക്കാനാണ് പറഞ്ഞത്. ക്യാപ്റ്റനെന്ന നിലയില്‍ വെല്ലുവിളിയെ പേഴ്‌സണലായി തന്നെയെടുക്കു'മെന്നും മണിക്കുട്ടന്‍ പറഞ്ഞു.

എന്തായാലും ബി​ഗ് ബോസിൽവെച്ച് തമ്മിൽതല്ലിയാണ് പോയത്. ആ പിണക്കം അങ്ങനെ തന്നെ എന്ന് കരുതിയിരിക്കുകയാണ് ആരാധകരും . എന്നാൽ ആരാധകരുടെ ആ ചിന്തയെ തകിടം മറിച്ചു കൊണ്ട് സായ് വിഷ്ണുവും മണിക്കുട്ടനും ഒരുമിച്ച് എത്തിയിരിക്കുകയാണ് സായിയുടെ യൂട്യൂബ് ചാനലിലൂടെ. ഉൃഇരുവരും ഒരു ബോട്ടിൽ ഒരുമിച്ച് സംസാരിക്കുന്നതിൻ്റെ വിശേഷങ്ങളാണ് വീഡിയോയിൽ.

മണിക്കുട്ടനെ സായ് വിഷ്ണു കിഡ്നാപ്പ് ചെയ്തുവെന്ന ക്യാപ്ഷൻ നൽകിയാണ് സായ് വീഡിയോ പങ്കുവെച്ചിരിക്കുന്നത്. ഷോയിൽ നിന്ന് ഇറങ്ങിയ ശേഷം ഞങ്ങൾ തമ്മിൽ പ്രശ്നങ്ങൾ ഒന്നും ഇല്ലായിരുന്നു. തമ്മിൽ പരസ്പരം ഫോണിലൂടെ കോൺടാക്ട് ഉണ്ടായിരുന്നു, വീഡിയോയിലൂടെ ഇരുവരും പറഞ്ഞു.

ബി​ഗ് ബോസിൽ വെച്ച് അല്ല ഞാൻ മണിക്കുട്ടനെ ആദ്യമായി കാണുന്നത്. മറ്റൊരു പരിപാടിക്കിടെയാണ് അന്ന് കണ്ടപ്പോൾ മണുക്കുട്ടനെ വിളിക്കുകയും ചെയ്തു. പക്ഷെ മണിക്കുട്ടന് അന്ന് ഭയങ്കര ജാഡയായിരുന്നുവെന്നും സായ് പറഞ്ഞു. കുറേ തവണ മണിക്കുട്ടൻ്റെ പേര് പറഞ്ഞ് വിളിച്ചെങ്കിലും മണിക്കുട്ടൻ ഒന്ന് നോക്കിയില്ല. ഭയങ്കര ജാഡയായിരുന്നു. ഇതിന് മറുപടിയായി മണിക്കുട്ടൻ പറഞ്ഞത് വെള്ളി ഞായർ ദിവസങ്ങളിൽ എനിക്ക് കുറച്ച് ജാഡ കൂടുതലാണെന്നാണ്'.

നിരവധി കമൻ്റുകളാണ് വീഡിയോയ്ക്ക് താഴെ വന്നിട്ടുള്ളത്. ബി​ഗ് ബോസിന് ശേഷം ഇരുവരും നല്ല സൗഹൃദം കാത്തുസൂക്ഷിക്കുന്നത് കാണുന്നതിൽ സന്തോഷമുണ്ട്. ഒരു വർഷത്തിന് ശേഷം വീണ്ടും ഇതുപോലെ ഒരുമിച്ച് എത്തിയതിൽ സന്തോഷം ഉണ്ടെന്നും താരം പറയുന്നു.