സൈബര്‍ സെല്ലില്‍ വിശ്വാസമുണ്ട്; ആര്യയുടെ ഫേസ്ബുക്ക് പോസ്റ്റ് വൈറലാകുന്നു, ഇതൊരു മുന്നറിയിപ്പ്?

നമ്മുടെ സംസ്ഥാന സൈബര്‍ സെല്ല് വളരെ ശക്തമാണ്. നമ്മള്‍ അതില്‍ വിശ്വസിക്കുന്നു', എന്നാണ് ആര്യയുടെ കുറിപ്പ്. ഷോയിൽ നിന്ന് തിരിച്ചെത്തിയതിനു ശേഷമുള്ള താരത്തിന്റെ ആദ്യ ഫേസ്ബുക്ക് പോസ്റ്റാണിത്. ആര്യയെ പിന്തുണച്ച് നിരവധി പേർ രംഗത്തെത്തുന്നുണ്ട്. ഒരു കൂട്ടർ പിന്തുണയ്ക്കുമ്പോൾ മറ്റൊരു കൂട്ടർ താരത്തിനെതിരെ രൂക്ഷ വിമർശനവുമായി രംഗത്തെത്തുകയാണ്.

ബിഗ് ബോസ് ഹൗസിൽ വളരെ ശാന്തമായി കളിക്കുന്ന ആര്യയെയാണ് കണ്ടത്. എല്ലാവരുമായി നല്ല ബന്ധം വച്ചു പുലർത്താനും ആര്യ ശ്രമിച്ചിരുന്നു . ഗെയിമിനെ അതിന്റേതായ രീതിയിൽ എടുക്കുന്ന ആര്യയുടെ രീതി എതിർ ഗ്രൂപ്പ് അംഗങ്ങൾ പോലും അഭിനന്ദിച്ചിരുന്നു. ടാസ്ക്കും സൗഹൃദവും തമ്മിൽ കൂട്ടികലർത്താതെയായിരുന്നു ആര്യ ഷോയിൽ നിന്നത്. ഒന്നാം ദിവസം മുതൽ 75ാം ദിവസം വരെയുള്ള താരത്തിന്റെ ബിഗ് ബോസ് ജീവിതം എടുത്ത് പരിശോധിച്ചാൽ ഇത് വ്യക്തവുമാണ്.

തനിയ്ക്ക് പറ്റിയ തെറ്റുകൾക്ക് ക്ഷമ പറയാനും താരത്തിന് ഒരു മടിയുമില്ലായിരുന്നു. ടാസ്ക്കിനിടെ കാലിൽ പിടിച്ച സംഭവത്തിൽ എല്ലാവരുടേയും മുന്നിൽ വെച്ച് ആര്യ സുജോയോട് ക്ഷമ ചോദുക്കുകയു ചെയ്തു. 75 ദിവസത്തിനിടെ ആര്യയുടെ പേരിൽ ഉയർന്നു വന്ന ഒരോയൊര വിഷയം മാത്രമായിരുന്നു ഇത് . എന്നാൽ തെറ്റ് മനസ്സിലായതോടെ ഇത് തിരുത്താനും താരം തയ്യാറാവുകയായിരുന്നു.

ആര്യയ്ക്ക് മാത്രമല്ല ഡോക്ടർ രജിത് കുമാർ ഒഴികെയുള്ള എല്ലാ മത്സരാർഥികളും സൈബർ ആക്രമണങ്ങൾക്ക് ഇരയായിട്ടുണ്ട്. ഏറ്റവു കൂടുതൽ സൈബർ ആക്രമണം നേരിടേണ്ടി വന്നത് ആര്യയെ കൂടാതെ ഫുക്രു, മഞ്ജു, ജസ്ല, രേഷ്മ, രഘു എന്നിവർക്കാണ്. മഞ്ജു പത്രോസ്, ആർജെ രഘു, എന്നിവരുടെ കുടുംബാംഗങ്ങൾ ഇതിനെതിരെ രംഗത്തെത്തുകയും ചെയ്തിരുന്നു. കുടുംബാംഗങ്ങളെ പോലും ഇവർ വെറുതെ വിട്ടിരുന്നില്ല. ഹൗസിൽ നിന്ന പുറത്തിറങ്ങിയ ശേഷവും സൈബർ ആക്രമണം തുടർന്നു കൊണ്ടേയിരുന്നു.