സംയുക്തയ്ക്കൊപ്പം അഭിനയിക്കാനായി ആരും വിളിച്ചില്ല! വെളിപ്പെടുത്തലുമായി ബിജു മേനോന്‍

വിവാഹത്തോടെ അഭിനയം നിര്‍ത്തുന്ന നായികമാരുടെ ഇടയിലേക്ക് സംയുക്ത വര്‍മ്മയും ഇടംപിടിക്കുകയായിരുന്നു. പല നായികമാരും പിന്നീട് തിരിച്ചെത്തിയിരുന്നുവെങ്കിലും സംയുക്ത ഇന്നുവരെ എത്തിയിരുന്നില്ല. ഇതേക്കുറിച്ചാണ് ആരാധകര്‍ എപ്പോഴും ചോദിച്ചുകൊണ്ടിരിക്കുന്നത്. സ്വന്തം തീരുമാനമാണ് സംയുക്തയുടേതെന്നും അഭിനയിക്കരുതെന്ന് താനൊരിക്കലും പറഞ്ഞിരുന്നില്ലെന്നും ബിജു മേനോന്‍ പറയുന്നു. പങ്കെടുക്കുന്ന പരിപാടികളിലെല്ലാം താന്‍ നേരിട്ടുകൊണ്ടിരിക്കുന്ന ചോദ്യമാണിത്.

വിവാഹശേഷം ആരും തങ്ങളെ ഒരുമിച്ച് അ്ഭിനയിക്കാന്‍ വിളിച്ചിരുന്നില്ലെന്ന് ബിജു മേനോന്‍ പറയുന്നു. അടുത്തിടെ നല്‍കിയ അഭിമുഖത്തിനിടയിലായിരുന്നു അദ്ദേഹം ഇതേക്കുറിച്ച് വ്യക്തമാക്കിയത്. കാഴ്ച, കഥ പറയുമ്പോള്‍ തുടങ്ങിയ സിനിമകളിലേക്ക് സംയുക്തയെ വിളിച്ചിരുന്നു. എന്നാല്‍ വിവാഹശേഷം ഒരുമിച്ചൊരു ചിത്രത്തിലേക്കും തങ്ങളെ വിളിച്ചിട്ടില്ല. ഫാമിലി പാക്കേജ് ഇതുവരെ വന്നിട്ടില്ല.

മഴ, മേഘമല്‍ഹാര്‍ , മധുരനൊമ്പരക്കാറ്റ് തുടങ്ങിയ സിനിമകള്‍ ചിത്രീകരിക്കുമ്പോള്‍ ക്യാമറയ്ക്ക് മുന്നില്‍ മാത്രമല്ല യഥാര്‍ത്ഥ ജീവിതത്തിലും ഇരുവരും പ്രണയിക്കുകയായിരുന്നു. തുടക്കത്തിലെ എതിര്‍പ്പുകളെ അനുകൂലമാക്കി മാറ്റി ഇരുവരും വിവാഹിതരാവുകയും ചെയ്തു. സിനിമയിലെ അതേ കെമിസ്ട്രി തന്നെ ഇവര്‍ ജീവിതത്തിലും നിലനിര്‍ത്തുന്നത്.

യോഗാ പഠനവുമായി ബന്ധപ്പെട്ട തിരക്കിലാണ് സംയു്കത വര്‍മ്മ.യോഗ ചെയ്യുന്ന താരത്തിന്റെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായിരുന്നു. യോഗയില്‍ ഉപരി പഠനം നടത്തി ഓരോ ലെവലും കഴിഞ്ഞ് മുന്നേറുമ്പോഴും ഒരിക്കല്‍പ്പോലും തന്നെ യോഗ ചെയ്യാന്‍ സംയുക്ത നിര്‍ബന്ധിച്ചിട്ടില്ലെന്ന് ബിജു മേനോന്‍ പറഞ്ഞിരുന്നു, തന്റെ അലസതയെക്കുറിച്ച് കൃത്യമായി അറിയാവുന്നതിനാലാണ് നിര്‍ബന്ധിക്കാത്തത്
പൊതുവെ മടിയനെന്ന ചീത്തപ്പേര് തനിക്കുണ്ട്. മമ്മൂക്കയാണ് ഈ അലങ്കാരം ആദ്യമായി ചാര്‍ത്തിത്തന്നതെന്നും താരം നേരത്തെ പറഞ്ഞിരുന്നു.

ഇനി ഒരുമിച്ച് അഭിനയിക്കുന്നത് അത്ര സുഖമായിരിക്കില്ല. പ്രധാനപ്പെട്ട ഡയലോഗുകളൊക്കെ പറയുമ്പോള്‍ മുഖത്ത് നോക്കിയാല്‍ ചിരി വരും. എന്‍ഗേജ്‌മെന്റ് കഴിഞ്ഞതിന് ശേഷമായിരുന്നു മേഘമല്‍ഹാറില്‍ അഭിനയിച്ചത്. ആ സിനിമ ഇപ്പോള്‍ കാണുമ്പോള്‍ ഉടന്‍ തന്നെ ചാനല് മാറ്റും. സ്വന്തം അഭിനയം കാണുമ്പോഴാണ് ബോറായി തോന്നുന്നതെന്നും ബിജു മേനോന്‍ നേരത്തെ പറഞ്ഞിരുന്നു.

സത്യന്‍ അന്തിക്കാട് സംവിധാനം ചെയ്ത വീണ്ടും ചില വീട്ടുകാര്യങ്ങളിലൂടെയാണ് സംയുക്ത വര്‍മ്മ തുടക്കം കുറിച്ചത്. ശാലീനതയുമായെത്തിയ ഭാവനയെ പ്രേക്ഷകര്‍ ഇരുകൈയ്യും നീട്ടി സ്വീകരിച്ചിരുന്നു. പിന്നീടങ്ങോട്ട് നിരവധി സിനിമകളിലാണ് താരം അഭിനയിച്ചത്. താരം അഭിനയിച്ച ചിത്രങ്ങളിലെല്ലാം മനോഹരമായ ഗാനങ്ങളുമുണ്ടായിരുന്നു.