മഞ്ജു വാര്യരുടെ ബോളിവുഡ് ലുക്കാണോ ഇത്, ചർച്ചയായി നടിയുടെ പുതിയ ചിത്രം

ഇപ്പോൾ സോഷ്യൽ മീഡിയയിൽ വൈറലാകുന്നത് മഞ്ജു വാര്യരുടെ ഏറ്റവും പുതിയ ചിത്രമാണ്. ലേഡി സൂപ്പർ സ്റ്റാറിന്റെ പുതിയ ലുക്ക് കണ്ട് ഞെട്ടി നിൽക്കുകയാണ് ആരാധകരും സിനിമാ ലോകവും. മോളിവുഡിലെ ലേഡി മമ്മൂട്ടി എന്നാണ് മഞ്ജുവിനെ അറിയപ്പെടുന്നത്. മഞ്ജു വാര്യർ തന്നെയാണ് പുതിയ ചിത്രം പങ്കുവെച്ചിരിക്കുന്നത്.ലൈഫ് ഹാപ്പൻസ്, ലാഫ്റ്റർ ഹെൽപ്സ്, ആൻഡ് കോഫി ടൂ...എന്ന് കുറിച്ച് കൊണ്ടാണ് ചിത്രം പങ്കുവെച്ചിരിക്കുപന്നത്.

ആരാധകരെക്കാളും സിനിമ താരങ്ങളാണ് മഞ്ജുവിന് കമന്റുമായി രംഗത്തെത്തിയിരിക്കുന്നത്. ഉഗ്രൻ കമന്റുകളാണ് ചിത്രത്തിന് ലഭിച്ചിരിക്കുന്നത്. ലവ് റിയാക്ഷനുകളുമായി അജുവും ഐഷുവും ശ്രിന്ദയും സഞ്ജുവും സരയുവും മാളവികയുമൊക്കെ എത്തിയിട്ടുണ്ട്. റിവേഴ്സിങ് ഏയ്ജ് എന്ന കമന്‍റുമായി റേബയും ദേ വേറൊരു കോഫി ഫാനെന്ന് അശ്വിൻ കുമാറും ഐ ലൗ യു വേഗം തിരിച്ചു വാ എന്ന് പൂര്‍ണ്ണിമയും ചിത്രത്തിന് താഴെ കുറിച്ചിട്ടുണ്ട്. ബോളിവുഡ് താരം വിദ്യ ബാലനും ചിത്രത്തിന് കമന്റുമായി എത്തിയിട്ടുണ്ട്.

ബോളിവുഡിൽ അരങ്ങേറ്റത്തിനായി ഒരുങ്ങുകയാണ് മഞ്ജു വാര്യർ. മാധവനോടൊപ്പമാണ് മഞ്ജുവിന്റെ ആദ്യ ബോളിവുഡ് ചിത്രം. ചിത്രത്തിന്റെ പേരോ മറ്റ് വിവരങ്ങളൊ ഇതുവരെ പുറത്തു വിട്ടിട്ടില്ല ചിത്രത്തിനായിട്ടാണോ ഈ മേക്കോവറെന്നാണ് ആരാധകർ ചോദിക്കുന്നത്. നിരവധി ചിത്രങ്ങൾ മലയാളത്തിൽ മഞ്ജുവാര്യരുടേതായി ഒരുങ്ങുന്നുണ്ട്.

അറബിക്കടലിന്‍റെ സിംഹം', 'ജാക്ക് ആൻഡ് ജിൽ', കയറ്റം, ചതുർമുഖം, ലളിതം സുന്ദരം, പടവെട്ട്, മേരി ആവാസ് സുനോ തുടങ്ങി നിരവധി സിനിമകളാണ് മഞ്ജുവിന്‍റേതായി ഒരുങ്ങുന്നത് പ്രീസ്റ്റാണ് ഏറ്റവും ഒടുവിൽ പുറത്തിറങ്ങിയ മഞ്ജുവിന്റെ ചിത്രം. മെഗാസ്റ്റാർ മമ്മൂട്ടിക്കൊപ്പമായിരുന്നു മഞ്ജു ചിത്രത്തിലെത്തിയത്. ഇരുവരും ഒന്നിച്ച് അഭിനയിക്കുന്ന ആദ്യത്തെ ചിത്രമായിരുന്നു ഇത്. മികച്ച പ്രേക്ഷകാഭിപ്രായം നേടി ചിത്രം മുന്നേറുകയാണ്. ലോക്ക് ഡൗണിന് ശേഷം ആദ്യം തിയേറ്ററുകളിൽ എത്തുന്ന ആദ്യത്തെ മഞ്ജു വാര്യർ ചിത്രമാണിത്.