ഒടുവില്‍ കളക്ഷനില്‍ ആദി തന്നെ ജയിച്ചു! ജയസൂര്യ ക്യാപ്റ്റനുമായി പിന്നാലെയുണ്ട്; ആര് ജയിക്കും?

ക്യാപ്റ്റന്‍

പ്രശസ്ത ഫുട്‌ബോളാറായിരുന്ന വിപി സത്യന്റെ ജീവിതകഥയെ ആസ്പദമാക്കി നിര്‍മ്മിച്ച ക്യാപ്റ്റന്‍ ഫെബ്രുവരി 9 നായിരുന്നു തിയറ്ററുകളിലേക്ക് എത്തിയത്. ജയസൂര്യ നായകനായി അഭിനയിച്ച സിനിമയുടെ തുടക്കം തന്നെ മോശമാക്കിയില്ലെന്ന് പറയാം. കേരളത്തില്‍ മാത്രം 100 തിയറ്ററുകള്‍ക്ക് മുകളിലായിരുന്നു സിനിമയ്ക്ക് പ്രദര്‍ശനം ലഭിച്ചിരുന്നത്. എന്നാല്‍ ബോക്‌സ് ഓഫീസിനെ കുലുക്കാന്‍ മറ്റൊരു ജയസൂര്യ വിസ്മയം തന്നെയാണ് ക്യാപ്റ്റന്‍.

ആദി

പ്രണവ് മോഹന്‍ലാല്‍ നായകനായി അരങ്ങേറ്റം കുറിച്ച ആദി ജനുവരി 26 നായിരുന്നു റിലീസ് ചെയ്തത്. ശേഷം ഒരുപാട് സിനിമകള്‍ പ്രദര്‍ശനത്തിനെത്തിയെങ്കിലും ഇന്നും സിനിമയ്ക്ക് മികച്ച പിന്തുണയാണ് ലഭിക്കുന്നത്. ഈ വര്‍ഷത്തെ ആദ്യത്തെ ബ്ലോക്ക്ബസ്റ്റര്‍ സിനിമയായിട്ടാണ് ആദി വിലയിരുത്തുന്നത്.

ആമി

മാധവിക്കുട്ടിയുടെ ജീവിതകഥയുമായെത്തിയ ആമിയ്ക്കും മികച്ച പ്രതികരണമാണ് ലഭിക്കുന്നത്. കമല്‍ സംവിധാനം ചെയ്ത സിനിമയില്‍ മഞ്ജു വാര്യരായിരുന്നു നായിക. സിനിമ ഇപ്പോഴും മോശമില്ലാത്ത പ്രകടനം തന്നെയാണ് കാഴ്ചവെക്കുന്നത്. ബോക്‌സ് ഓഫീസില്‍ അവറേജിനും മുകളിലാണ് സിനിമയുടെ സ്ഥാനം.

ഹേയ് ജൂഡ്

ഫെബ്രുവരിയില്‍ റിലീസിനെത്തിയ ആദ്യത്തെ സിനിമയായിരുന്നു ഹേയ് ജൂഡ്. നിവിന്‍ പോളിയുടെ കരിയറിലെ തന്നെ ഏറ്റവും ഫീല്‍ ഗുഡ് എന്നഭിപ്രായം വന്ന സിനിമ ഇപ്പോഴും പ്രദര്‍ശനം തുടരുകയാണ്. മെല്ലെയാണ് സിനിമയുടെ തുടക്കമെങ്കില്‍ പിന്നീട് മള്‍ട്ടിപ്ലെക്‌സിലടക്കം മികച്ച് നില്‍ക്കുകയാണ്.

റോസപ്പൂ

ബിജു മേനോന്‍ നീരജ് മാധവ് കൂട്ടുകെട്ടിലെത്തിയ മറ്റൊരു കോമഡി സിനിമയായിരുന്നു റോസപ്പൂ. സ്ഥിരം ബിജു മേനോന്‍ ചിത്രങ്ങളെ പോലെ ആരാധകര്‍ കരുതിയിരുന്നെങ്കിലും ബോക്‌സ് ഓഫീസില്‍ പ്രതീക്ഷിച്ച പോലെ ഹിറ്റാവാന്‍ സിനിമയ്ക്ക് കഴിഞ്ഞിരുന്നില്ല.