'അച്ഛന്റെ വളരെക്കാലത്തെ സ്വപ്നമാണ്, ഒരുപാട് പ്ലാനിങ്ങുകളുണ്ട്, ഞങ്ങളുടെ ഇഷ്ടമാണ് അച്ഛന് പ്രധാനം'; പേളി മാണി

പേളിക്കും ശ്രീനിഷിനും ഉള്ളതുപോലെ ആരാധകർ ഇപ്പോൾ നിലയ്ക്കുമുണ്ട്. തന്റെ വിശേഷങ്ങളെല്ലാം പേളിയും ശ്രീനിഷും സോഷ്യൽമീഡിയ വഴിയാണ് പങ്കുവെക്കാറുള്ളത്. ഇപ്പോഴിത ശ്രീനിഷിന്റെ അച്ഛന്റെ വളരെ നാളുകളായുള്ള ഒരു സ്വപ്നത്തെ കുറിച്ച് പങ്കുവെച്ച് എത്തിയിരിക്കുകയാണ് പേളി മാണി.

പേളിയും കുടുംബവും കഴിഞ്ഞ കുറച്ച് ദിവസങ്ങളായി ശ്രീനിഷിന്റെ പാലക്കാടുള്ള തറവാട് വീട്ടിലായിരുന്നു. പേളിയും ശ്രീനിഷും നിലയുമെല്ലാം വന്നതറിഞ്ഞ് ശ്രീനിഷിന്റെ അച്ഛനും അമ്മയും ചെന്നൈയിൽ നിന്നും എത്തിയിരുന്നു.

കഴിഞ്ഞ കുറച്ച് ദിവസങ്ങളായി പാലക്കാട് സ്പെഷ്യൽ വ്ലോ​ഗുകളാണ് പേളി പങ്കുവെക്കുന്നത്. കുറെ മാസങ്ങൾക്ക് ശേഷമാണ് പാലക്കാടേയ്ക്ക് ശ്രീനിഷും പേളിയും നിലയ്ക്കൊപ്പം എത്തിയത്. ശ്രീനിഷിന്റെ അച്ഛന് ചെന്നൈയിൽ സ്വന്തമായി ഫ്ലാറ്റുണ്ട്.

പക്ഷെ സ്വന്തം നാടായ പാലക്കാട് ഒരു വീട് വേണം എന്നത് അച്ഛന്റെ സ്വപ്നമായിരുന്നത്രെ. വീട് പണി പാലക്കാട് പുരോ​ഗമിച്ചുകൊണ്ടിരിക്കുകയാണ്. പേളിയും ശ്രീനിഷുമെല്ലാം പണി നടക്കുന്ന വീട് കാണായി പോയതിന്റെ ദൃശ്യങ്ങളും വീഡിയോയിൽ ഉൾപ്പെടുത്തിയിട്ടുണ്ട്.

'അച്ഛന് വളരെ നാളുകളായുള്ള ആ​ഗ്രഹമാണ് സ്വന്തം നാട്ടിൽ വീട് വേണമെന്നത്. ഇവിടെ വീട് പണിയുന്നുണ്ടെന്ന് അറിയാമായിരുന്നുവെങ്കിലും ആദ്യമായാണ് ഞങ്ങൾ ഇത് കാണാൻ വരുന്നത്.'

'അച്ഛന്റെ ഡ്രീം ഹോമാണ് ഇത്. മുഴുവൻ പണിയും പൂർത്തീകരിച്ച് പാല് കാച്ചൽ നടത്തുമ്പോൾ വീട് മൊത്തമായി ഞാൻ നിങ്ങൾക്ക് കാണിച്ച് തരാം. അച്ഛൻ എന്റേയും ശ്രീനിഷിന്റേയും ചേച്ചിയുടെ മക്കളുടേയും വരെ അഭിപ്രായം ചോദിച്ചാണ് വീടിന്റെ ഓരോ പണിയും ചെയ്യുന്നത്.'

'ഞങ്ങൾ ഓരോരുത്തരും തെരഞ്ഞെടുത്ത ചോയിസ് വെച്ചാണ് വീട് പണി നടക്കുന്നത്' പേളി വീഡിയോയിൽ പറഞ്ഞു. പേളിയുടെ സഹോദരി റെയ്ച്ചലും ഭർത്താവ് റൂബനും കുഞ്ഞും പേളിയുടെ ഡാഡിയുമെല്ലാം പാലക്കാട് വന്നിരുന്നു.

പാലക്കാടെ മുത്തശ്ശിക്ക് റെയ്ച്ചലിന്റെ കുഞ്ഞിനെ കാണണമെന്ന് ആ​ഗ്രഹ​മായിരുന്നുവെന്നും അതിനാലാണ് റെയ്ച്ചലും റൂബനും വന്നതെന്നും വീ‍ഡിയോയിൽ പേളി പറഞ്ഞു. നെൽപാടം കാണാനും ആസ്വദിക്കാനും പോയതിന്റെ വിശേഷങ്ങളും പേളി പങ്കുവെച്ചിട്ടുണ്ട്.

വീഡിയോ വൈറലായതോടെ നിരവധി പേർ കമന്റ്സുമായി എത്തി. പഴയ തലമുറയ്ക്ക് മാത്രം പരിചയം ഉള്ള ഇത്തരം നാട്ടിൻപുറത്തെ കാഴചകളും അനുഭവങ്ങളും പുതിയ തലമുറയിലെ നില കുട്ടിക്ക് കൊടുത്ത പേളി ചേച്ചിക്ക് കയ്യടി... ഇത് കണ്ടപ്പോൾ ഒരുപാട് സന്തോഷം തോന്നുന്നു,

സെലബ്രിറ്റി ജാഡകൾ തൊട്ട് തീണ്ടിയിട്ടില്ലാത്ത ഏറ്റവും സിമ്പിളായ ഫാമിലിയാണ് പേളിയുടേത് എന്നെല്ലാമാണ് കമന്റുകൾ വരുന്നത്.