Click it and Unblock the Notifications
അച്ഛന്റെ കാലില്തൊട്ട് മകന്! നിറഞ്ഞ് ചിരിച്ച് സലീം കുമാറും! വേദന പങ്കിട്ട് ചന്തു! ചിത്രങ്ങള് വൈറല്
സലീം കുമാറിന്റെ വേര്പാടിന്റെ വേദന ഇന്നും മാറിയിട്ടില്ല. ശാരീരികമായി വയ്യായ്മയൊക്കെയായിരുന്നുവെങ്കിലും, പൊതുവേദികളിലൊക്കെ ആക്ടീവായിരുന്നു അദ്ദേഹം. അപ്രതീക്ഷിത വിയോഗം അറിഞ്ഞപ്പോള് വിശ്വസിക്കാനാവുന്നില്ലെന്നായിരുന്നു എല്ലാവരും ഒരുപോലെ പറഞ്ഞത്. മലയാളികളുടെ നിത്യജീവിതത്തിന്റെ ഭാഗമാണ് അദ്ദേഹത്തിന്റെ ഡയലോഗുകള്. സലീം കുമാറിന്റെ പഴയ അഭിമുഖങ്ങളും, ഹാസ്യ രംഗങ്ങളുമൊക്കെ വീണ്ടും വൈറലായിരുന്നു. മരണത്തെക്കുറിച്ചും, മതത്തെക്കുറിച്ചും, വിശ്വാസത്തെക്കുറിച്ചും, പ്രണയവിവാഹത്തെക്കുറിച്ചും, മക്കളെക്കുറിച്ചുമൊക്കെ അദ്ദേഹം സംസാരിച്ചിരുന്നു. നീണ്ടനാളത്തെ പ്രണയത്തിനൊടുവിലായിരുന്നു വിവാഹം. എല്ലാ കാര്യങ്ങളിലും നിഴലായി സുനിത കൂടെയുള്ളതായും, അവളില്ലെങ്കില് ഞാനില്ലെന്നുമായിരുന്നു അദ്ദേഹം പറഞ്ഞത്.
മൂത്ത മകന് ചന്തു എന്ന് പേരിട്ടപ്പോള് രണ്ടാമന് ആരോമല് എന്നായിരുന്നു അദ്ദേഹം പറഞ്ഞത്. മക്കളുണ്ടാവുന്നതിന് മുന്നേ തന്നെ പേരുകളൊക്കെ തീരുമാനിച്ചിരുന്നുവെന്ന് അദ്ദേഹം വ്യക്തമാക്കിയിരുന്നു. പെണ്കുട്ടിയാണെങ്കില് ആര്ച്ചയെന്ന പേരിടുമെന്നും സലീം കുമാര് വ്യക്തമാക്കിയിരുന്നു. വയ്യാതെയായപ്പോഴും ഇടയ്ക്ക് ചില ലൊക്കേഷനുകളിലും, പരിപാടികള്ക്കുമൊക്കെ പോയിരുന്നു. അതൊക്കെ ഭാര്യയുടെ നിര്ബന്ധത്തിലാണ്. എല്ലാം നോക്കി കൂടെ അവളും വന്നിരുന്നു. മക്കള് സിനിമയില് എത്തണമെന്ന് ഞാനൊരിക്കലും ആഗ്രഹിച്ചിട്ടില്ല. എന്റെ ബാല്യകാലം അവതരിപ്പിക്കാനല്ലാതെ നിന്നെ ആര് വിളിക്കുമെന്നായിരുന്നു അദ്ദേഹം ചന്തുവിനോട് ചോദിച്ചിട്ടുള്ളത്.
മാലിക്, ലവ് ഇന് സിംഗപ്പൂര് തുടങ്ങിയ ചിത്രങ്ങളില് സലീം കുമാറിന്റെ കുട്ടിക്കാലം ചെയ്തത് ചന്തുവായിരുന്നു. അച്ഛന് എല്ലാ കാര്യങ്ങളിലും സപ്പോര്ട്ടീവാണ്. അത്ര പുലര്ച്ചയ്ക്ക് പോവുകയാണെങ്കിലും ഭക്ഷണമൊക്കെ കഴിപ്പിച്ച് യാത്രയാക്കും. ഇടയ്ക്കൊരു അഭിമുഖത്തില് ചന്തു അച്ഛനെക്കുറിച്ച് വാചാലനായിരുന്നു. അവനെന്റെ മകനല്ലേ എന്തൊക്കെ പറയുമെന്ന് അറിയാമെന്നായിരുന്നു അദ്ദേഹത്തിന്റെ കമന്റ്. ആറ് വര്ഷത്തോളമെടുത്തായിരുന്നു ലാഫിംഗ് വില്ലയുടെ പണി തീര്ത്തത്. അച്ഛന് ആഗ്രഹിച്ചത് പോലെയൊരു അന്ത്യയാത്രയായിരുന്നു മക്കള് ഒരുക്കിയത്.
അന്ത്യകര്മ്മങ്ങള് ചെയ്യാന് പോവുന്നതിനിടെ ജനങ്ങള് തിക്കിത്തിരക്കിയപ്പോള് നിങ്ങള്ക്കെന്താണ് വേണ്ടതെന്ന് ചോദിച്ച് പൊട്ടിത്തെറിക്കുകയായിരുന്നു ചന്തു. ഗാര്ഡ് ഓഫ് ഹോണര് നല്കാനായി വന്ന പോലീസുകാര്ക്ക് തോക്ക് ഉയര്ത്താന് പോലും പറ്റുന്നുണ്ടായിരുന്നില്ല. ക്യാമറകളും, മൊബൈലുകളുമൊക്കെയായി വന്ജനസാഗരമായിരുന്നു അവിടെ. മതാചാരപ്രകാരമുള്ള ചടങ്ങുകളൊന്നും തനിക്കായി ചെയ്യരുതെന്ന് സലീം കുമാര് പറഞ്ഞിരുന്നു. അസ്ഥിനിമജ്ഞനം ചെയ്യരുത്. അവസാനമായി മഞ്ഞപ്പട്ട് പുതപ്പിച്ചപ്പോള് അതുമാറ്റി കസവുമുണ്ട് പുതപ്പിക്കുകയായിരുന്നു ചന്തു. ഇട്ടിരുന്ന വേഷത്തില് തന്നെയായിരുന്നു മക്കള് അച്ഛന്റെ ചിതയ്ക്ക് തീ കൊളുത്തിയത്.
ചന്തുവിന്റെ പ്രതികരണം സോഷ്യല്മീഡിയയില് വലിയ ചര്ച്ചയായിരുന്നു. താരപുത്രനെ പിന്തുണച്ചും, രൂക്ഷമായി വിമര്ശിച്ചുമായിരുന്നു പ്രതികരണങ്ങള്. ചന്തുവിനെയും, കുടുംബത്തെയും ആശ്വസിപ്പിക്കാനായി ഇപ്പോഴും പലരും വീട്ടിലെത്തുന്നുണ്ട്. ചിലരൊക്കെ ആ വിശേഷങ്ങള് സോഷ്യല്മീഡിയയിലൂടെ പങ്കുവെക്കുന്നുമുണ്ട്. ഇപ്പോഴിതാ അച്ഛനൊപ്പമുള്ളൊരു ഫോട്ടോ പങ്കുവെച്ചിരിക്കുകയാണ് ചന്തു. അച്ഛന്റെ കാലില് പിടിച്ച് സന്തോഷത്തോടെ നോക്കുന്ന ചന്തു, മകനെ നോക്കി പുഞ്ചിരിക്കുന്ന സലീമിനെയുമാണ് ഫോട്ടോയില് കാണുന്നത്. ദുല്ഖര് സല്മാന്, കല്യാണി പ്രിയദര്ശന്, ടൊവിനോ തോമസ്, തരുണ് മൂര്ത്തി, ഷറഫുദ്ദീന്, ദീപ്തി സതി, രജിഷ വിജയന്, സൗബിന് ഷാഹിര്, ശ്രൃന്ദ, അരുണ് കുര്യന്, നിമിഷ് രവി, അപര്ണ തോമസ്, അദിതി രവി, വീണ നായര്, ഗൗതമി നായര് തുടങ്ങി നിരവധി പേരാണ് ചിത്രത്തിന് താഴെയായി സ്നേഹം അറിയിച്ചത്.
Continue with Google