ഭർത്താവ് മരിച്ചാലും സൺ ഗ്ലാസ് നിർബന്ധം; മാക്സി ഇട്ട് നെഞ്ച് തല്ലി കരയണമായിരുന്നോ?, ഇതാണോ സാക്ഷര കേരളം; ചർച്ച!

വ്യക്തമായ അറിവില്ലെങ്കിലും സിജെ റോയ് എന്ന പേരും ആ മുഖവും ഒരു വട്ടമെങ്കിലും കാണാത്ത മലയാളികൾ ഉണ്ടാവില്ല. പ്രത്യേകിച്ച് ടെലിവിഷൻ റിയാലിറ്റി ഷോകളുടെ ആസ്വദകരായിട്ടുള്ളവർ. കോൺഫിഡന്റ് ​ഗ്രൂപ്പ് എന്ന ബ്രാന്റ് നെയിമും മലയാളികൾക്ക് പരിചിതമാണ്. ഇന്ത്യയിലും ഗൾഫ് മേഖലയിലും അറിയപ്പെടുന്ന റിയൽ എസ്റ്റേറ്റ് സംരംഭമായ കോൺഫിഡന്റ് ഗ്രൂപ്പിന്റെ ചെയർമാനായ റോയ് മിനിസ്ക്രീനിലെ റിയാലിറ്റി ഷോകൾക്ക് വേണ്ടി മാത്രമല്ല പല ബി​ഗ് ബജറ്റ് സിനിമകൾക്ക് വേണ്ടി പണം മുടക്കിയിട്ടുണ്ട്.

നിരവധി ജീവകാരുണ്യപ്രവർത്തനങ്ങളുമായും റോയ് സജീവമായിരുന്നു. അങ്ങനൊരാൾ ജീവനൊടുക്കി എന്ന വാർത്ത മലയാളികളെ എന്നല്ല സിജെ റോയ് എന്ന ബിസിനസ് ടൈക്കൂണിനെ അറിയാവുന്നവർക്കെല്ലാം ആ​ഘാതമായിരുന്നു.

കഴിഞ്ഞ ദിവസം ഇൻകം ടാക്സ് ഉദ്യോഗസ്ഥരുടെ റെയ്ഡ് റോയിയയുടെ സ്ഥാപനങ്ങളിൽ നടക്കുന്നതിന് ഇടയാണ് സ്വയം നിറയൊഴിച്ച് അദ്ദേഹം ജീവിതം അവസാനിപ്പിച്ചത്. സംസ്കാര ചടങ്ങുകൾ കുടുംബാം​ഗങ്ങളുടേയും സുഹൃത്തുക്കളുടേയും സഹപ്രവർത്തകരുടേയും സാന്നിധ്യത്തിൽ ഇന്ന് ബെം​ഗളൂരിവിൽ നടന്നു.

സെന്റ് ജോസഫ് പള്ളിയിൽ‌ സംസ്കാര ശുശ്രൂഷകൾ നടത്തിയശേഷം അദ്ദേഹത്തിന് ഏറെ പ്രിയപ്പെട്ട ബെനാർഘട്ട റോഡിലെ നേച്ചർ കാസ്റ്റ്കേഡിൽ സംസ്കരിച്ചു. സാമൂഹിക-സാംസ്കാരിക രം​ഗത്ത് നിന്നുള്ളവരെല്ലാം റോയ്ക്ക് അന്തിമോപചാരം അർപ്പിക്കാൻ എത്തിയിരുന്നു. സംസകാര ചടങ്ങുകളുടെ വീഡിയോകൾ സോഷ്യൽമീഡിയയിൽ പ്രചരിക്കുന്നുണ്ട്. അതിൽ റോയിയുടെ ഭാര്യ ലിനി റോയിയുടെ വീഡിയോയാണ് ഇപ്പോൾ ചർച്ചയാകുന്നത്.

ഭർത്താവിന്റെ സംസ്കാര ചടങ്ങുകളിൽ ലിനി സൺ​ ​ഗ്ലാസ് ധരിച്ച് പങ്കെടുത്തു എന്നതായിരുന്നു ഒരു വിഭാ​ഗം ആളുകൾ അവരെ വിമർശിക്കാൻ കാരണം. റെയ്ഡ് നടക്കുന്ന സമയത്ത് ലിനിയും മക്കളും വിദേശത്തായിരുന്നു. റോയിയയുടെ മരണ വാർത്ത അറിഞ്ഞാണ് ബെം​ഗളൂരുവിലേക്ക് കഴിഞ്ഞ ദിവസം എത്തിയത്. റോയിയുടെ മൃതദേഹം ബന്നാർഘട്ടയിലെ റിസോർട്ടിൽ പൊതുദർശനത്തിന് വെച്ചപ്പോൾ മക്കളുടെ കൈപിടിച്ച് ലിനി നടന്ന് വരുന്ന ​​ദൃശ്യങ്ങൾ വൈറലായിരുന്നു.

ആ വീഡിയോയിൽ ലിനി കൂളിങ് ​ഗ്ലാസ് ധരിച്ചതിനേയാണ് ഒരു വിഭാ​ഗം ആളുകൾ വിമർശിച്ചത്. ഭർത്താവ് മരിച്ചാലും കൂളിങ് ഗ്ലാസ് നിർബന്ധം, മരണത്തിൽ പോലും ആഡംബരം കാണിക്കാതിരിക്കാൻ പറ്റുന്നില്ലല്ലോ ഇവർക്ക്, കെട്ടിയോൻ മരിച്ചാലും വേണ്ടില്ല കൂളിങ് വേണം എന്ന ചിന്താ​ഗതിയാണോ എന്ന തരത്തിലായിരുന്നു കമന്റുകൾ.

ലിനിക്ക് എതിരെ നെ​ഗറ്റീവ് കമന്റുകൾ പെരുകിയപ്പോൾ കുറച്ച് ആളുകൾ ലിനിക്കായി സംസാരിച്ച് എത്തി. ക്രിസ്ത്യൻ പാശ്ചാത്യ ശവസംസ്കാര പാരമ്പര്യത്തിന്റെ ഭാഗമാണ് കറുപ്പ് വസ്ത്രം ധരിക്കുക എന്നത്. കണ്ണുകളുടെ സംരക്ഷണത്തിനാണ് സൺഗ്ലാസുകൾ. ഇനിയെങ്കിലും ചിന്താ​ഗതിയിൽ മാറ്റം വരുത്തൂ. ഇതാണോ സാക്ഷര കേരളം എന്നായിരുന്നു ഒരാളുടെ കമന്റ്.‍ ആ സ്ത്രീ മാക്സി ഇട്ട് നെഞ്ച് തല്ലി കരയണമായിരുന്നു എന്നാണോ?.

പരമ കഷ്ട്ടം തന്നെ കമന്റ്‌ ബോക്സ്‌. ചിലർക്ക് എല്ലാത്തിലും കുറ്റം കണ്ട് പിടിക്കണം... അത് മരണവീട്ടിൽ ആയാൽ പോലും. വിവരമില്ലായ്മ അലങ്കാരമാക്കുന്ന സ്വയം പ്രഖ്യാപിത മലയാളികൾ, സൺ ​ഗ്ലാസ് ഷോ കാണിക്കാൻ മാത്രം വെയ്ക്കുന്നതാണെന്ന് പറയുന്നവരോട് നമ്മൾ എന്ത് പറയാനാ. ആ സ്ത്രീയുള്ള മറ്റ് വീഡിയോകൾ പരിശോധിക്കൂ. അവരുടെ കണ്ണിന്റെ ഇപ്പോഴത്തെ അവസ്ഥ എന്താണെന്ന് മനസിലാക്കൂ.

ആ ഒരു ബുദ്ധിമുട്ട് കാരണമായിരിക്കാം അവരിപ്പോൾ അത് യൂസ് ചെയ്തത് തന്നെ. നെഗറ്റീവ് മാത്രം കണ്ടുപിടിക്കുന്നവരോട് എന്ത് പറയാനാണ്. പണമുള്ളവരുടെ ലൈഫ് സ്റ്റൈല്‍ വേറെയാണ്. അവരുടെ വേഷം തന്നെ ശ്രദ്ധിക്കൂ. കണ്ണ് കടിയുള്ളവർക്ക് ഒന്നും മനസിലാക്കാൻ കഴിയില്ലെന്നാണ് ലിനിയെ അനുകൂലിച്ച് എത്തിയവർ കുറിച്ചത്.