മോഹൻലാലിനെ കുറിച്ചും മമ്മൂട്ടിയെ കുറിച്ചും കൊച്ചിൻ ഹനീഫ അന്ന് പറഞ്ഞത്, വൈറലായി നടന്റെ വാക്കുകൾ

മലയാളസിനിമയുടെ വസന്തകാലമാണ് ഇപ്പോൾ നടക്കുന്നതെന്ന് കൊച്ചിൻ ഹനീഫ പറയുന്നത്.. മലയാളത്തിൽ മമ്മൂട്ടിയും മോഹൻലാലും സർഗപ്രതിഭകളാണ്. സിനിമയുടെ രണ്ട് കണ്ണുകളാണെന്ന് തന്നെ പറയാം. യുവതാരങ്ങളായ സിദ്ദീഖ്, ജഗദീഷ്, മുകേഷ്, സൈനുദ്ദീന്‍, ജയറാം എന്നിവര്‍ അപാര കഴിവുകളുള്ളവരാണ്. അതൊരു ഭാഗ്യമാണ്. ഇനിയും ഇത്തരത്തിലുള്ള താരങ്ങള്‍ മലയാളത്തില്‍ പിറവിയെടുക്കും. കൊച്ചിന്‍ ഹനീഫ അഭിമുഖത്തിൽ പറഞ്ഞു.

മലയാള സിനിമയിലെ നടിമാരെയ കുറിച്ചും അദ്ദേഹം അഭിമുഖത്തിൽ പറഞ്ഞു. മറ്റു ഭാഷകളെ അപേക്ഷിച്ച് മലയാളത്തില്‍ നായികാകഥാപാത്രങ്ങള്‍ കുറവാണെന്നാണ് നടൻ പറയുന്നു. മലയാളത്തിൽ ആകെക്കൂടി ഉര്‍വ്വശിയെ കൊണ്ട് തൃപ്തിപ്പെടുകയാണ്. മറ്റുള്ള ഭാഷകളിൽ പുതുമുഖ നടിമാർ എത്തുന്നുണ്ട്. എന്നാൽ മലയാളത്തെ സംബന്ധിച്ച് വളരെ കുറവാണെന്നു നടൻ അഭിമുഖത്തിൽ പറയുന്നു.

വീഡിയോ കാസറ്റുകളുടെ വരവ് തിയേറ്ററുകളെ ബാധിക്കുമെന്നും കൊച്ചിൻ ഹനീഫ പറയുന്നു. വീട്ടിലിരുന്നു സിനിമ കാണാനുള്ള അവസരം ലഭിക്കുമ്പോഴൾ ഒരു ശതമാനം നഷ്ടമാകുമെന്നും നടൻ അഭിമുഖത്തിൽ പറയുന്നു. കൂടാതെ മലയാള സിനിമയിലെ ഗാനങ്ങളെ കുറിച്ചും കൊച്ചിൻ ഹനീഫ തന്റെ നിവപാട് വ്യക്തമാക്കുന്നുണ്ട്. മലയാള സിനിമയിൽ ആദ്യ പാട്ടുകൾ കുറവായിരുന്നു എന്നും എന്നാൽ കൂടുന്നുണ്ടെന്നും നടൻ വ്യക്തമാക്കുന്നു.

കലാഭവൻ കോമഡി ട്രൂപ്പിൽ നിന്നാണ് കൊച്ചിൻ ഹനീഫ സിനിമയിൽ എത്തുന്നത്. തുടക്കത്തിൽ വില്ലൻ കഥാപാത്രത്തിൽ തിളങ്ങിയ താരം പിന്നീട് കോമഡിയിലേയ്ക്ക് ചുവട് മാറുകയായിരുന്നു. മികച്ച ഒരു നടനെയായിരുന്നു മലയാള സിനിമയ്ക്ക് ലഭിച്ചത്. പഞ്ചാബി ഹൗസും സിഐഡി മൂസയുമൊക്കെ ഇന്നും പ്രേക്ഷകരുടെ ഇടയിൽ ശ്രദ്ധിക്കപ്പെടുന്നുണ്ട്. അഭിനേതാവ് എന്നതി ഉപരി സംവിധായകൻ കൂടിയാണ് അദ്ദേഹം. മമ്മൂട്ടിയുടെ കരിയറിൽ തന്നെ സൂപ്പർ ഹിറ്റായ ചിത്രം വത്സല്യം സംവിധാനം ചെയ്തത് നടനായിരുന്നു. 20 ലധികം സിനിമകൾ നടൻ സംവിധാനം ചെയ്തിട്ടുണ്ട്. ദിലീപ് ചിത്രമായ ബോഡിദാർഡിലായിരുന്നു നടൻ ഏറ്റവും ഒടുവിൽ അഭിനയിച്ചത്.