വസ്ത്രത്തിന് ഇറക്കം കുറഞ്ഞു, ജയറാമിന്റെ മകള്‍ക്ക് നേരെ സദാചാര ആക്രമണം! പിന്തുണ നല്‍കി സോഷ്യല്‍ മീഡിയ

പൊതുപരിപാടികളിലും അച്ഛന്റെയും അമ്മയുടെയും ഇന്റര്‍വ്യൂകളിലും ഫാമിലി ഫോട്ടോഷൂട്ടുകളിലും മാത്രമേ മാളവിക ജയറാമിനെ എല്ലാവരും കാണാറുള്ളു. കൂടുതല്‍ വെളിപ്പെടുത്തലുകള്‍ക്കൊന്നും താരുപുത്രി നില്‍ക്കാറില്ലെന്നുള്ളതാണ് വാസ്തവം. എന്നാല്‍ സോഷ്യല്‍ മീഡിയയില്‍ സജീവമായിരിക്കുന്ന ചക്കിയുടെ ഏറ്റവും പുതിയ ചിത്രങ്ങള്‍ അതിവേഗം തരംഗമായി മാറി. താന്‍ മോഡലിങ് രംഗത്തേക്ക് എത്തിയ കാര്യം സൂചിപ്പിച്ച് കൊണ്ടായിരുന്നു മാളവിക ഈ ചിത്രങ്ങള്‍ ആരാധകര്‍ക്കായി പങ്കുവെച്ചത്.

ഒരു ടെക്‌സ്റ്റൈല്‍സ് ബ്രാന്‍ഡിന്‍രെ മോഡലായിട്ടാണ് മാളവിക പ്രത്യക്ഷപ്പെട്ടിരിക്കുന്നത്. ബ്രൈഡല്‍ ബനാറസി സാരികളുടെ മോഡലായിട്ടായിരുന്നു താരപുത്രി എത്തിയത്. തന്റെ ജീവിതത്തിലെ പുതിയ മൈല്‍സ്റ്റോണിനെ കുറിച്ചുള്ള വിശേഷങ്ങള്‍ ദീപാവലി ദിനത്തിലാണ് പുറത്ത് വിട്ടത്. ഇതുവരെ ഉണ്ടായിരുന്ന ലുക്കില്‍ നിന്നും വലിയൊരു മേ്‌ക്കോവര്‍ ചക്കി നടത്തിയിട്ടുണ്ടെന്നാണ് ആരാധകര്‍ പറയുന്നത്. വൈകാതെ മാളവികയെയും സിനിമയില്‍ കാണാന്‍ കഴിയുമോ എന്ന ചോദ്യവും ആരാധകര്‍ ഉന്നയിച്ചിരുന്നു.

ചക്കിയെ കുറിച്ചുള്ള വാര്‍ത്തകള്‍ പുറത്ത് വന്നതിന് പിന്നാലെ താരപുത്രിയ്‌ക്കെതിരെ സദാചാരവാദികളുടെ ആക്രമണവും തുടങ്ങി. മാളവികയുടെ പഴയ പോസ്റ്റുകള്‍ ഓരോന്നായി കുത്തിപൊക്കിയിരിക്കുകയാണ് സോഷ്യല്‍ മീഡിയയിലെ ചില വിരുതന്മാര്‍. കഴിഞ്ഞ വര്‍ഷം സെപ്റ്റംബറില്‍ ചക്കി പോസ്റ്റ് ചെയ്ത ഒരു ചിത്രത്തിന് താഴെ കമന്റുകള്‍ കൊണ്ട് നിറഞ്ഞിരിക്കുകയാണ്. വിദേശത്ത് നിന്നോ മറ്റോ നടത്തിയെന്ന് കരുതന്ന ഒരു പരിപാടിയില്‍ പാര്‍വതിയ്‌ക്കൊപ്പം മാളവികയും പങ്കെടുത്തിരുന്നു. സാരി ഉടുത്ത് പാര്‍വതി എത്തിയപ്പോള്‍ മോഡേണ്‍ വസ്ത്രത്തിലായിരുന്നു മാളവിക.

മുട്ടിന് മുകളില്‍ ഇറക്കം കുറഞ്ഞ സ്‌കേര്‍ട്ടും അതിന് മുകളില്‍ ഓവര്‍കോട്ടുമുള്ള വസ്ത്രവുമായിരുന്നു താരപുത്രിയുടേത്. ഇതാണ് ചിലരെ പ്രകോപിച്ചത്. നല്ലൊരു അച്ഛന്റെ മകളായിട്ടും ഇങ്ങനെ നടക്കുന്നത് മോശമാണെന്നാണ് സദാചാരക്കാരുടെ ആരോപണം. അമ്മയെ കണ്ട് പഠിക്കാന്‍ ചിലര്‍ മാളവികയ്ക്ക് ഉപദേശവും നല്‍കുന്നുണ്ട്. ഒരു കൂട്ടര്‍ രൂക്ഷമായ രീതിയില്‍ വിമര്‍ശിക്കുമ്പോള്‍ മറ്റ് ചിലര്‍ പിന്തുണയുമായിട്ടെത്തി. മുഖത്ത് ആത്മവിശ്വസം ഉണ്ടെന്നും മാളവികയ്ക്ക് നന്മകള്‍ നേരുന്നതായും ചിലര്‍ കമന്റിടുന്നു.