ദേവനെ മലയാള സിനിമയില്‍ നിന്നും പുറത്താക്കിയതിന് പിന്നില്‍ സൂപ്പര്‍ താരങ്ങള്‍? നടുക്കുന്ന വെളിപ്പെടുത്തല്‍!

ദേവനെന്ന താരം

വില്ലനായും നായകനായും നിറഞ്ഞുനിന്നിരുന്ന താരമായിരുന്നു ദേവന്‍. പാര്‍വതിയോടൊപ്പം അഭിനയിച്ച മിന്നാമിനുങ്ങിന് നുറുങ്ങുവെട്ടം എന്ന സിനിമയും അതിലെ മെല്ലെ മെല്ലെ എന്ന ഗാനവും ഇന്നും പ്രേക്ഷകര്‍ ഓര്‍ത്തിരിക്കുന്നുണ്ട്. പ്രണയനായകനായി നിറഞ്ഞുനിന്നതിന് പിന്നാലെയാണ് വില്ലത്തരത്തിലേക്ക് നീങ്ങിയത്. മോഹന്‍ലാലിന്റെയും മമ്മൂട്ടിയുടെയും വില്ലനായാണ് പിന്നീട് അദ്ദേഹമെത്തിയത്. വില്ലന്‍ വേഷത്തില്‍ തുടക്കം കുറിച്ചപ്പോഴും മികച്ച സ്വീകാര്യതയാണ് ഈ താരത്തിന് ലഭിച്ചത്.

മലയാളത്തില്‍ നിന്നും അപ്രത്യക്ഷമായി

ഒരുകാലത്ത് മലയാള സിനിമയില്‍ നിറഞ്ഞുനിന്നിരുന്നുവെങ്കിലും പിന്നീട് അദ്ദേഹം അന്യഭാഷകളിലേക്ക് ചേക്കേറുകയായിരുന്നു. തമിഴിലും തെലുങ്കിലും സജീവമായ താരത്തെ പിന്നീട് മലയാളത്തില്‍ കാണാതെയായി ഇതോടെയാണ് അദ്ദേഹത്തിന്റെ അപ്രത്യക്ഷമാവലിനെക്കുറിച്ച് ആരാധകര്‍ സംശയം ഉന്നയിച്ച് തുടങ്ങിയത്. ഗൃഹലക്ഷ്മിക്ക് നല്‍കിയ അഭിമുഖത്തിനിടയിലാണ് അദ്ദേഹം ഇക്കാര്യത്തെക്കുറിച്ച് വ്യക്തമാക്കിയത്.

നായകന്‍മാരുടെ തീരുമാനം

ഇന്നിപ്പോള്‍ സഹനടനായും വില്ലനായും ആരൊക്കെ വരണമെന്ന കാര്യത്തില്‍ തീരുമാനമെടുക്കുന്നത് നായകന്‍മാരാണ്. വേണ്ടത്ര അവസരങ്ങള്‍ ലഭിക്കാത്തിനെത്തുടര്‍ന്നാണ് താന്‍ അന്യഭാഷകളില്‍ ചേക്കേറിയതെന്നും അദ്ദേഹം പറയുന്നു. വിജയരാഘവന്‍ വേണോ, ദേവന്‍ വേണോ എന്നൊക്കെ തീരുമാനിക്കുന്നത് നായകന്‍മാരാണ്. ഇത്തരം കാര്യത്തില്‍ താരങ്ങള്‍ ഇടപെടുന്ന രീതിയോട് തനിക്ക് താല്‍പര്യമില്ലെന്നും ദേവന്‍ പറയുന്നു.

താരപദവികളോട് താല്‍പര്യമില്ല

സിനിമയില്‍ സൂപ്പര്‍താരപദവികള്‍ നല്‍കുന്നതിനോട് താല്‍പര്യമില്ലെന്ന് അദ്ദേഹം വളരെ മുന്‍പ് തന്നെ വ്യക്തമാക്കിയിരുന്നു. സൂപ്പര്‍താരങ്ങളുടെ നിഴലില്‍ ജീവിക്കുന്ന സംവിധായകരെ വിമര്‍ശിച്ച് അദ്ദേഹം മുന്‍പ് രംഗത്തെത്തിയിരുന്നു. സിനിമ വിജയിക്കുന്നതിനായി ഏത് രീതിയും അവലംബിക്കുന്നതിനെയുമൊക്കെ അദ്ദേഹം മുന്‍പ് രൂക്ഷമായി വിമര്‍ശിച്ചിരുന്നു.