കാവ്യയുമായുള്ള വിവാഹം അപ്രതീക്ഷിതമെന്ന് ദിലീപ്! മഞ്ജുവുമായി പിരിയാന്‍ കാരണങ്ങളുണ്ട്! വീണ്ടും വൈറല്‍

മഞ്ജുവുമായുള്ള വിവാഹമോചനം

കാവ്യ കാരണമാണ് ആദ്യഭാര്യയിൽ നിന്നും ദിലീപ് വിവാഹമോചനം നേടിയതെന്ന തരത്തിലുള്ള റിപ്പോര്‍ട്ടുകള്‍ പ്രചരിച്ചിരുന്നു. അഥ് ശരിയല്ലെന്നായിരുന്നു ദീലീപ് പറഞ്ഞത്. മഞ്ജുവും താനും ഭാര്യാഭർത്താക്കന്മാർ എന്നതിനേക്കാൾ എന്തും തുറന്നു സംസാരിക്കാൻ കഴിയുന്ന കൂട്ടുകാരെപ്പോലെയായിരുന്നു. കാവ്യ കാരണമാണ് ജീവിതം പോയെങ്കിൽ അതിലേക്ക് കൂടുതൽ അടുക്കുന്നത് തീക്കളിയാണ്. താൻ പിന്നെയതിലേക്ക് പോകില്ലായിരുന്നുവെന്നായിരുന്നു താരം പറഞ്ഞത്.

Recommended Video

കണ്ണഞ്ചിപ്പിക്കുന്ന ലുക്കില്‍ കാവ്യ മാധവന്‍ | Filmibeat Malayalam

വിവാഹമോചനത്തിന് ശേഷം

വിവാഹമോചനം നേടിയ ശേഷം ഒട്ടേറെ സമ്മർദ്ദം അനുഭവിച്ചിരുന്നു. വഴക്കിട്ടവരും പരിഭവം കാണിച്ചവരും ആരും ഒപ്പമുണ്ടായിരുന്നില്ല. പ്രായപൂർത്തിയായ മകൾ വളർന്നു വരുന്നതിൽ ആശങ്കയുണ്ടായിരുന്നു. ഷൂട്ടിംഗ് എറണാകുളത്തേക്കായി പരിമിതപ്പെടുത്തി. സുഹൃത്തുക്കളുടെയും ബന്ധുക്കളുടെയും നിർബന്ധപ്രകാരമാണ് കാവ്യയെ വിവാഹം ചെയ്തതെന്നും ദിലീപ് പറയുന്നു.

മീനാക്ഷിയുടെ ചോദ്യം

അച്ഛൻ എപ്പോഴാ വീട്ടിൽ വരുന്നതെന്ന ചോദ്യം മകൾ മീനാക്ഷിയിൽ നിന്നും ഉണ്ടായിക്കൊണ്ടേയിരുന്നു. ആ ചോദ്യം കേൾക്കുമ്പോൾ ലൊക്കേഷനിൽ നിൽക്കാനാവില്ല. സഹോദരി രണ്ടു വർഷത്തോളം അവരുടെ വീടുപേക്ഷിച്ചു കുടുംബവുമായി ദിലീപിന്റെ വീട്ടിലേക്കു താമസം മാറ്റേണ്ടി വന്നു. തനിക്ക് വേണ്ടി പലരും ബുദ്ധിമുട്ടുന്നത് പ്രയാസമുണ്ടാക്കിയെന്നും ദിലീപ് പറയുന്നു.

കാവ്യ മാധവന്‍ വിവാഹമോചിത

അതേസമയം വിവാഹവും വിവാഹമോചനവുമായി കാവ്യ മറുഭാഗത്തുണ്ടായിരുന്നു. കാവ്യയുടെ വിവാഹജീവിതം തകരാൻ കാരണം താനെന്നു പലരും പറഞ്ഞ് പരത്തിയെന്നും ദിലീപ്. മൂന്നര വർഷം അമ്മയും മകളും മാത്രമുള്ള ജീവിതമായിരുന്നു തനിക്ക് . ഇനിയൊരു കല്യാണം ശരിയാവില്ല എന്ന ചിന്തയിലായിരുന്നു. എല്ലാവരും നിർബന്ധിച്ചപ്പോൾ മകളോട് പറഞ്ഞുവെന്നും ദിലീപ് പറഞ്ഞിരുന്നു.

മകളും സമ്മതിച്ചു

കാവ്യയുമായുള്ള വിവാഹത്തിന് മകള്‍ സമ്മതിച്ചിരുന്നുവെന്നും ദിലീപ് പറഞ്ഞിരുന്നു. ചന്ദ്രനുദിക്കുന്ന ദിക്കിൽ ഒന്നിച്ചഭിനയിക്കും മുൻപേ കാവ്യയെ അറിയാം. ഇഷ്‌ടമാണ്‌. പക്ഷെ അതിനെ പ്രണയമെന്ന് വിളിക്കാനില്ലായിരുന്നു. തനിക്ക് മംമ്തയെ, നയൻതാരയെ, നവ്യയെ, നിത്യയെ ഒക്കെ ഇഷ്‌ടമാണ്‌ പക്ഷെ അത് പ്രണയമല്ല. കാവ്യ അനുഭവിക്കുന്ന പ്രശ്നമെല്ലാം കണ്ടുകൊണ്ടു നിൽക്കുകയുമാണ്. ശരിയെന്ന് തോന്നിയതനുസരിച്ച് കാവ്യയെ വിവാഹം ചെയ്യാൻ തീരുമാനിച്ചു.

അമ്മയുടെ ചോദ്യം

ദിലീപ്- കാവ്യ വിവാഹത്തില്‍ കാവ്യയുടെ അമ്മയായ ശ്യാമളയ്ക്ക് ആദ്യം താല്‍പര്യമുണ്ടായിരുന്നില്ല. വേറെ ആലോചനകള്‍ നടക്കുന്നുണ്ടെന്ന മറുപടിയായിരുന്നു നല്‍കിയത്. ദിലീപിന്‍റെ ജീവിതത്തിലെ തകര്‍ച്ചയ്ക്ക് കാരണം കാവ്യയാണെന്ന് പലരും പറരയുന്നുണ്ടെന്ന് വിവാഹം അത് ശരിവെക്കുമെന്നുമായിരുന്നു അവര്‍ പറഞ്ഞത്. തന്‍റെ പേരില്‍ ബലിയാടായ കാവ്യയെ വിവാഹം ചെയ്യുന്നുവെന്നായിരുന്നു ദിലീപ് പറഞ്ഞത്. വിവാഹത്തെക്കുറിച്ച് താന്‍ ആദ്യം പറഞ്ഞത് മമ്മൂട്ടിയോടാണെന്നും ദിലീപ് വെളിപ്പെടുത്തിയിരുന്നു.