ദിലീപിനൊപ്പം മഹാലക്ഷ്മി! അച്ഛനെപ്പോലെ തന്നെ മകളുമെന്ന് ആരാധകര്‍! ചിത്രം വൈറലാവുന്നു!

മഹാലക്ഷ്മിയും ദിലീപും

പുതിയ സിനിമയ്ക്കായി വ്യത്യസ്തമായ മേക്കോവറാണ് ദിലീപ് നടത്തിയത്. കേശു ഈ വീടിന്‍റെ നാഥനെന്ന ചിത്രത്തിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്. നാദിര്‍ഷ സംവിധാനം ചെയ്യുന്ന സിനിമയുടെ ചിത്രീകരണം പുരോഗമിച്ച് വരികയാണ്. സിനിമയുടെ പോസ്റ്ററുകളെല്ലാം വൈറലായി മാറിയിരുന്നു. ഈ സിനിമയ്ക്കായി ദിലീപ് മൊട്ടയടിച്ചിരുന്നു. ദിലീപിന് അരികിലിരിക്കുന്ന മഹാലക്ഷ്മിയുടെ ചിത്രമാണ് കഴിഞ്ഞ ദിവസം പുറത്തുവന്നത്. ദിലീപ് ഓണ്‍ലൈന്‍ ഫേസ്ബുക്ക് പേജിലായിരുന്നു ഫോട്ടോ പോസ്റ്റ് ചെയ്തത്.

അച്ഛനെപ്പോലെ

അച്ഛനെപ്പോലെയാണല്ലോ മകള്‍ എന്നുള്ള കമന്‍റുകളും ഫോട്ടോയ്ക്ക് കീഴിലുണ്ട്. കാവ്യ മാധവനെവിടെയെന്നായിരുന്നു ചിലരുടെ ചോദ്യം. വിവാഹത്തോടെ സിനിമയില്‍ നിന്നും ഇടവേളയെടുത്ത കാവ്യ മാധവന്റെ തിരിച്ചുവരവിനായി കാത്തിരിക്കുകയാണ് ആരാധകര്‍. കുടുംബ ജീവിതവുമായി മുന്നേറാനാണ് തന്‍റെ തീരുമാനമെന്നായിരുന്നു താരം പറഞ്ഞത്. സിനിമയില്‍ സജീവമല്ലെങ്കിലും ഇടയ്ക്ക് പൊതുപരിപാടികളിലും മറ്റുമായി താരമെത്താറുണ്ട്.

പേരിന് പിന്നില്‍

മീനാക്ഷിക്ക് പിന്നാലെയെത്തിയ മകള്‍ക്ക് മഹാലക്ഷ്മിയെന്ന പേരായിരുന്നു ദിലീപ് നല്‍കിയത്. ഈ പേരിന് പിന്നിലെ കാരണത്തെക്കുറിച്ച് ഇരുവരും തുറന്നുപറഞ്ഞിരുന്നു. വിജയദശമി ദിനത്തിലായിരുന്നു മകള്‍ ജനിച്ചത്. അതിനാലാണ് ഈ പേര് നല്‍കിയതെന്ന് ഇവര്‍ പറഞ്ഞിരുന്നു. സിനിമാലോകത്തുനിന്നും നിരവധി പേരായിരുന്നു പിറന്നാളാഘോഷത്തില്‍ പങ്കെടുത്തത്.

പുതിയ സിനിമ

ദിലീപും നാദിര്‍ഷയും എന്നാണ് ഒരു സിനിമയ്ക്കായി ഒരുമിക്കുന്നതെന്ന തരത്തിലുള്ള ചോദ്യങ്ങളും ഇതിനിടയില്‍ ഉയര്‍ന്നുവന്നിരുന്നു. നീണ്ടനാളത്തെ കാത്തിരിപ്പിനൊടുവിലായാണ് കേശു ഈ വീടിന്‍റെ നാഥനായി ഇരുവരും ഒരുമിച്ചത്. ഉര്‍വശിയാണ് ചിത്രത്തിലെ നായിക. കരിയറില്‍ ഇന്നുവരെ അവതരിപ്പിക്കാത്ത തരത്തിലുള്ള കഥാപാത്രവുമായാണ് ദിലീപ് എത്തുന്നത്.