ഈ സിനിമകളില്‍ കാവ്യയും ദിലീപും ഒന്നിക്കാതിരുന്നത് എന്തായിരുന്നു... 5 സിനിമകള്‍ ഇതാ

ഡാര്‍ലിങ് ഡാര്‍ലിങ് (2000)

ദിലീപ് നെഗറ്റീവ് വേഷത്തിലെത്തിയ ചിത്രമാണ് ഡാര്‍ലിങ് ഡാര്‍ലിങ്. കാവ്യ അവതരിപ്പിയ്ക്കുന്ന പദ്മജ എന്ന കഥാപാത്രത്തെ ദിലീപ് (കാര്‍ത്തിക്) പ്രണയിക്കുന്നുണ്ടെങ്കിലും പദ്മജ പ്രണയിക്കുന്നത് കൊച്ചുകുറുപ്പി(വിനീത്)നെയാണ്. കാവ്യയും വിനീതുമാണ് ചിത്രത്തിലെ നായികാ നായകന്മാര്‍.

ദോസ്ത് (2001)

2001 ല്‍ പുറത്തിറങ്ങിയ ദോസ്ത് എന്ന ചിത്രത്തില്‍ ദിലീപിന്റെ സഹോദരിയായിട്ടാണ് കാവ്യ മാധവന്‍ എത്തിയത്. കുഞ്ചാക്കോ ബോബനാണ് ചിത്രത്തില്‍ കാവ്യയുടെ കാമുകന്റെ വേഷത്തില്‍ അഭിനയിച്ചത്.

പെരുമഴക്കാലം (2004)

കമല്‍ സംവിധാനം ചെയ്ത പെരുമഴക്കാലം എന്ന ചിത്രത്തില്‍ കാവ്യ മാധവനും മീര ജാസ്മിനും തകര്‍ത്തഭിനയിക്കുകയായിരുന്നു. രണ്ട് സ്ത്രീകളുടെ കഥയാണ് ചിത്രം. മീര ജാസ്മിന്റെ ഭര്‍ത്താവായിട്ടാണ് ദിലീപ് ചിത്രത്തിലെതതിയത്. കാവ്യയുടെ നായകനായി വിനീത് അഭിനയിച്ചു.

ട്വന്റി 20 (2008)

മലയാളത്തിലെ എല്ലാ താരങ്ങളും ഒന്നിച്ച ചിത്രമാണ് ട്വന്റി 20. ദിലീപ് നിര്‍മിച്ച ചിത്രത്തില്‍ വളരെ പ്രധാനപ്പെട്ട കഥാപാത്രത്തെയാണ് താരം അവതരിപ്പിച്ചത്. എന്നാല്‍ കാവ്യ വളരെ ചെറിയൊരു വേഷത്തില്‍ അതിഥി താരമായി എത്തുകയായിരുന്നു. മോഹന്‍ലാലിന്റെ പെങ്ങളായി അഭിനയിക്കുന്ന നാടക നടിയാണ് ചിത്രത്തില്‍ കാവ്യ. ഭാവനയാണ് ദിലീപിന്റെ ജോഡിയായി അഭിനയിച്ചത്

ചൈന ടൗണ്‍ (2011)

ദിലീപ്, ജയറാം, മോഹന്‍ലാല്‍ എന്നിവരെ കേന്ദ്ര കഥാപാത്രങ്ങളാക്കി റാഫി - മെക്കാര്‍ട്ടിന്‍ സംവിധാനം ചെയ്ത ചിത്രമാണ് ചൈന ടൗണ്‍. ചിത്രത്തിലെ കേന്ദ്ര നായികയായി എത്തിയ കാവ്യ മോഹന്‍ലാലിന്റെ ജോഡിയായിട്ടാണ് അഭിനയിച്ചത്.