അമ്മയോട് വലിയ ഇഷ്ടമൊന്നുമില്ല! മാമാട്ടി കാവ്യയോട് പറയുന്നത്! ഭഭബയെക്കുറിച്ചുള്ള കമന്റിനെക്കുറിച്ചും ദിലീപ്

ഒരുകാലത്ത് മലയാള സിനിമയിലെ ഹിറ്റ് ജോഡികളായിരുന്നു ദിലീപും കാവ്യ മാധവനും. ചന്ദ്രനുദിക്കുന്ന ദിക്കില്‍ എന്ന ചിത്രത്തിലൂടെ ലാല്‍ ജോസായിരുന്നു ഇവരെ ആദ്യമായി ഒന്നിപ്പിച്ചത്. ഒന്‍പതാം ക്ലാസുകാരിയായിരുന്ന കാവ്യ ആദ്യമായി നായികയായതും ഈ ചിത്രത്തിലൂടെയായിരുന്നു. ആദ്യ സിനിമ തന്നെ ശ്രദ്ധേയമായതോടെ നിരവധി അവസരങ്ങളാണ് കാവ്യയ്ക്ക് ലഭിച്ചത്. ദിലീപുമായുള്ള സ്‌ക്രീന്‍ കെമിസ്ട്രി കരിയറില്‍ അത്രയും ഗുണകരമായി മാറുകയായിരുന്നു. ഇവരുടെ ഡേറ്റിനായി സംവിധായകര്‍ ക്യൂ നിന്നൊരു കാലമുണ്ടായിരുന്നു. സിനിമയ്ക്ക് പുറമെ സ്റ്റേജ് ഷോകളിലും സജീവമായിരുന്നു ഇരുവരും. മഞ്ജു വാര്യരുമായി വിവാഹമോചനം നേടിയ സമയം മുതല്‍ കാവ്യയും ദിലീപും പ്രണയത്തിലാണെന്ന ഗോസിപ്പുകള്‍ പ്രചരിച്ചിരുന്നു. ഇവരുടെ ബന്ധമാണ് വിവാഹമോചനത്തിലേക്ക് നയിച്ചത് എന്ന് റിപ്പോര്‍ട്ടുകളുമുണ്ടായിരുന്നു. എന്നാല്‍ മഞ്ജുവോ, ദിലീപോ വേര്‍പിരിയലിന്റെ കാരണം പരസ്യമാക്കിയിരുന്നില്ല.

ഗോസിപ്പുകള്‍ പിന്നീട് യാഥാര്‍ത്ഥ്യമായി മാറുകയായിരുന്നു. 2015 നവംബര്‍ 16നായിരുന്നു ഇവരുടെ വിവാഹം. എന്റെ പേരില്‍ ബലിയാടാക്കപ്പെട്ട പെണ്‍കുട്ടിയെ വിവാഹം ചെയ്യുന്നു എന്നായിരുന്നു ദിലീപ് പറഞ്ഞത്. മീനാക്ഷിയാണ് വീണ്ടുമൊരു വിവാഹത്തിനായി തന്നെ നിര്‍ബന്ധിച്ചത് എന്നും ദിലീപ് പറഞ്ഞിരുന്നു. 2019 ഒക്ടോബര്‍ 19നായിരുന്നു മഹാലക്ഷ്മി ജനിച്ചത്. മാമാട്ടി എന്ന മഹാലക്ഷ്മി ആരാധകര്‍ക്കും പരിചിതയാണ്. മകളുടെ വിശേഷങ്ങളും ദിലീപ് പങ്കുവെക്കാറുണ്ട്. അഭിമുഖങ്ങളിലെല്ലാം മകളെക്കുറിച്ചുള്ള ചോദ്യങ്ങളും വരാറുണ്ട്. ഭഭബ റിലീസിന് ശേഷമുള്ള അഭിമുഖത്തിലും ദിലീപ് കാവ്യയെക്കുറിച്ചും, മഹാലക്ഷ്മിയെക്കുറിച്ചും സംസാരിച്ചിരുന്നു.

Photo Credit: Dileep/ Facebook

ഷൂട്ടൊക്കെ കഴിഞ്ഞ് വീട്ടില്‍ വരുമ്പോള്‍ ഭക്ഷണം എന്താണ് വേണ്ടതെന്ന് ചോദിക്കുമ്പോള്‍ ടെന്‍ഷനാവാറുണ്ട്. പൊതുവെ ഇന്ന ഭക്ഷണം എന്നൊന്നുമില്ല എനിക്ക്. കാവ്യയാണെങ്കിലും, അനിയത്തിയാണെങ്കിലും ലഞ്ചിന് എന്താ വേണ്ടത്, ഡിന്നറിന് എന്താണ് വേണ്ടത് എന്നൊക്കെ ചോദിച്ച് വരാറുണ്ട്. തിരിച്ച് കടിക്കാത്ത എന്ത് ഭക്ഷണവും കഴിക്കുന്ന ആളാണ് ഞാന്‍ എന്നും ദിലീപ് പറയുന്നു. മൈല്‍സ്റ്റോണ്‍ മേക്കേഴ്‌സ് അഭിമുഖത്തിലായിരുന്നു കൂടുതല്‍ വിശേഷങ്ങള്‍ പങ്കുവെച്ചത്. മഹാലക്ഷ്മി വെജ് ഫുഡാണ് കൂടുതലും കഴിക്കുന്നത്. ചോറും തൈരിന്റെ ആളാണ്. ജങ്ക് ഫുഡില്‍ താല്‍പര്യമുണ്ട്. മീനാക്ഷി എല്ലാ ഭക്ഷണവും കഴിക്കാറുണ്ട്.

ഓസ്‌ട്രേലിയയില്‍ വെക്കേഷന് പോയിരിക്കുന്നതിനാല്‍ ഭഭബ കണ്ടിട്ടില്ല മഹാലക്ഷ്മി. സിനിമയുടെ ടീസര്‍ കണ്ടിട്ട് അച്ഛാ സൂപ്പര്‍ എന്നൊക്കെ പറഞ്ഞ് കെട്ടിപ്പിടിച്ചിരുന്നു. അന്ന് അവളും എന്റെ കൂടെയുണ്ടായിരുന്നു. അവളില്‍ നിന്നാണ് ആദ്യ കമന്റ് കിട്ടാറുള്ളത്. നമ്മള്‍ വേറെ ഹീറോയിനെയൊക്കെ കെട്ടിപ്പിടിക്കുന്ന സമയത്ത് പുള്ളിക്കാരി കാവ്യയ്ക്ക് ആംഗ്യം കൊണ്ട് കാണിച്ച് കൊടുക്കും. അച്ഛന് അമ്മയോട് വലിയ ഇഷ്ടമൊന്നും ഇല്ല കേട്ടോ, അങ്ങനെയൊക്കെയുള്ള പരിപാടികളാണ്. പൊസസീവ്‌നെസൊക്കെയുണ്ട്.

അങ്ങനെ ആള്‍ക്കാര്‍ വന്നാല്‍ കാവ്യയും ഞാനുമായി സിനിമ സംഭവിക്കും എന്നായിരുന്നു കാവ്യയുടെ തിരിച്ചുവരവിനെക്കുറിച്ച് സംസാരിച്ചത്. വിവാഹ ശേഷമായി കുടുംബ കാര്യങ്ങളുമായി ഒതുങ്ങുകയായിരുന്നു കാവ്യ. ഇപ്പോഴും അവസരങ്ങള്‍ വരുന്നുണ്ട്. അഭിനയിക്കുന്നതിനെക്കുറിച്ച് കാവ്യയാണ് സംസാരിക്കേണ്ടത്. ഞാനായിട്ട് അഭിപ്രായങ്ങളൊന്നും പറഞ്ഞിട്ടില്ല എന്നും ദിലീപ് പറഞ്ഞിരുന്നു. ദൈവത്തില്‍ വിശ്വസിക്കുന്ന ആളാണ് ഞാന്‍.ദൈവത്തില്‍ വിശ്വസിക്കുന്ന ആളാണ് ഞാന്‍. പ്രത്യേകിച്ച് പ്ലാനിംഗുകളൊന്നുമില്ല. ശാന്തമായിട്ട് ഇങ്ങനെയൊക്കെയങ്ങ് പോവുക എന്നാണ് ഞാന്‍ ആഗ്രഹിക്കുന്നത്. ആഗ്രഹത്തിന്റെ പുറത്താണ് ഓരോന്ന് ചെയ്യുന്നത്. മക്കള്‍ നന്നായി നോക്കണം, മക്കളുടെ മക്കള്‍ നന്നായി നോക്കണം എന്നൊക്കെ പറയുന്നത് ഒരു ലക്കാണ്. ചില സ്ഥലത്ത്, ചില ഫാമിലീസില്‍ മാത്രം കിട്ടുന്ന ഭാഗ്യമാണ് എന്നും ദിലീപ് പറഞ്ഞിരുന്നു.