പ്രണവ് കടലിലേയ്ക്ക് എടുത്ത് ചാടി, ജെറ്റ്സ്കിയിൽ നിന്ന് കടലിന്റെ അടിയിലേക്ക് പോയി, ഞെട്ടിപ്പോയി

''എങ്കിൽ എന്നോട് പറ'' എന്ന ടോക്ക് ഷോയിലാണ് താരപുത്രന്റെ പ്രകടനം കണ്ട് പേടിച്ചതിനെ കുറിച്ച് അരുൺ ഗോപി പറയുന്നത്. ഷൂട്ടിങ്ങിനിടയിലെ പ്രണവ് മോഹൻലാലിനെ കുറിച്ചുള്ള മറക്കാനാവാത്ത സംഭവം ചോദിച്ചപ്പോഴായിരുന്നു ഭയപ്പെട്ട നിമിഷത്തെ കുറിച്ച് അരുൺ ഗോാപി പറഞ്ഞത്. സംവിധായകന്റെ വാക്കുകൾ ഇങ്ങനെ...

കടലിൽ ചിത്രീകരിച്ച രംഗമായിരുന്നു അത്. ജെറ്റ്സ്കി വേഗത്തിൽ ഓടിച്ച് വന്നിട്ട് അതിൽ നിന്ന് എടുത്ത് ചാടുന്നതായിരുന്നു സീൻ. വളരെ സിമ്പിളായിട്ടാണ് ഞാൻ അദ്ദേഹത്തിനോട് ചാടാൻ പറഞ്ഞത്. എന്നാൽ പ്രണവ് സ്പീഡിന് ജെറ്റ്സ്കിയിൽ വന്നിട്ട് കറങ്ങി അടിച്ച് കടലിലേയ്ക്ക് ഒറ്റ ചാട്ടമായിരുന്നു. ശരിക്കും ഞങ്ങളെല്ലാവരും ഞെട്ടിപ്പോയി. എന്നാൽ പുള്ളി ശരിക്കും കൂളായിട്ട് കയറി വരുകയായിരുന്നു. തനിക്ക് ഇപ്പോഴും അതൊരു ഷോക്ക് ആണ്; സംവിധായകൻ പറയുന്നു

ഇത്തരത്തിലുള്ള മറ്റൊരു സംഭവവും അരുൺ ഗോപി പറയുന്നുണ്ട്. തീവണ്ടിയുടെ മുകളിൽ നിന്നുള്ള ഫൈറ്റ് രംഗമായിരുന്നു അത്. തെങ്കാശ്ശിയിലാണ് സിനിമ ഷൂട്ട് ചെയ്തത്. ഓടുന്ന തീവണ്ടിയുടെ മുകളിൽ നിന്നാണ് ഫൈറ്റ് സീൻ എടുക്കുന്നത്. ഒരു ടണലുണ്ട്. തീവണ്ടിക്ക് പോകാനുള്ള സ്പെയിസ് മാത്രമേയുള്ളൂ. ടണൽ എത്തുമ്പോൾ പ്രണവ് കുനിയണം. അല്ലെങ്കിൽ തല ടണലിൽ തട്ടും. പ്രണവിനോടൊപ്പം ഫുൾ ഫൈറ്റേഴ്സുമുണ്ട്. ടണൽ എത്തുമ്പോൾ മാത്രമേ പ്രണവ് കുനിയുകയുള്ളൂ. ശരിക്കും പേടിച്ച നിമിഷമായിരുന്നു . പ്രാർഥനയോടെയായിരുന്നു അവിടെ അന്ന് ഞാൻ നിന്നത്. ഈ രണ്ട് നിമിഷങ്ങളും ജീവിതത്തിൽ ഒരിക്കലും മറക്കില്ലെന്നും സംവിധായകൻ പറയുന്നു

Recommended Video

Complete Actor Mohanlal Biography | മോഹൻലാൽ ജീവചരിത്രം | FilmiBeat Malayalam

സിനിമയിലെ ആ തീവണ്ടിയിലുള്ള വൈറൽ രംഗത്തെ കുറിച്ചും സംവിധായകൻ പറയുന്നുണ്ട്. ട്രൂപ്പിനെ വെച്ച് ചെയ്യാമെന്ന് പറഞ്ഞിട്ടും പ്രണവ് അത് കേട്ടില്ല. തെങ്കാശ്ശിയിലെ വലിയെ പാലത്തിന് താഴെ കൂടിയാണ് തീവണ്ടി പോകുന്നത്. ഭയങ്കര താഴ്ചയിലാണ് ആ പാലം. പ്രണവിനെ തീവണ്ടിയിൽ നിന്ന് തള്ളിയിടാനായി ആളുകൾ ചവിട്ടുന്നുമുണ്ട്. വളരെ കൂളായിട്ടാണ് ഈ സീനും പ്രണവ് ചെയ്തത്. ഒടുവിൽ തെങ്കാശ്ശിയിലെ ഷൂട്ട് കഴിഞ്ഞ് എങ്ങനെയെങ്കിലും വന്നാൽ മതിയെന്നായിരുന്നു തനിക്കെന്ന് സംവിധായകൻ പ്രണവിനോടൊപ്പമുള്ള ഓർമ പങ്കുവെച്ച് കൊണ്ട് പറഞ്ഞു. അത്രയും പേടിച്ചാണ് ഷൂട്ട് ചെയ്തതെന്നും താരം പറയുന്നുണ്ട്.