Click it and Unblock the Notifications
Don't Miss!
-
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മുസ്താങ്ങിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
ചെമ്മീൻ കറി കഴിച്ചതിന് പിന്നാലെ ശ്വാസംമുട്ടൽ; വരാപ്പുഴയിൽ 46കാരൻ മരിച്ചു -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം
ഒരിക്കലും പ്രതീക്ഷിക്കാതെ കിട്ടിയ ഭാഗ്യം, ലാലേട്ടന്‍ ഏല്‍പ്പിച്ച സിനിമയെ കുറിച്ച് ജിബു ജേക്കബ്
വെള്ളിമൂങ്ങ എന്ന ചിത്രത്തിലൂടെ മലയാളത്തില്‍ മികച്ച തുടക്കം ലഭിച്ച സംവിധായകനാണ് ജിബു ജേക്കബ്. ബിജു മേനോന് നായകനായ സിനിമ തിയ്യേറ്ററുകളില്‍ സര്‍പ്രൈസ് ഹിറ്റായി മാറിയിരുന്നു. വലിയ ഹൈപ്പുകളൊന്നുമില്ലാതെ എത്തിയ സിനിമ തിയ്യേറ്ററുകളില്‍ വലിയ വിജയം നേടി. വെള്ളിമൂങ്ങയിലെ സിപി മാമച്ചന്‍ പ്രേക്ഷകര്‍ ഒന്നടങ്കം ഏറ്റെടുത്ത ബിജു മേനോന് കഥാപാത്രമാണ്. പൊളിറ്റിക്കല്‍ സറ്റയര്‍ ചിത്രമായി ഇറങ്ങിയ സിനിമ നടന്‌റെയും സംവിധായകന്‌റെയും കരിയറില്‍ വലിയ വഴിത്തിരിവായി മാറി. വെളളിമൂങ്ങയ്ക്ക് ശേഷമാണ് നായകവേഷങ്ങള്‍ ബിജു മേനോന് കൂടുതലായി ചെയ്യാന്‍ തുടങ്ങിയത്.
ബിജു മേനോന് പുറമെ അജു വര്‍ഗീസ്, സിദ്ദിഖ്, നിക്കി ഗല്‍റാണി, ആസിഫ് അലി ഉള്‍പ്പെടെയുളള താരങ്ങളും സിനിമയില്‍ ശ്രദ്ധേയ പ്രകടനം കാഴ്ചവെച്ചു. വെളളിമൂങ്ങയ്ക്ക് ശേഷമാണ് മോഹന്‍ലാലിനെ നായകനാക്കി മുന്തിരിവളളികള്‍ തളിര്‍ക്കുമ്പോള്‍ ജിബു ജേക്കബ് സംവിധാനം ചെയ്തത്. കുടുംബ പശ്ചാത്തലത്തിലുളള കഥ പറഞ്ഞ സിനിമ തിയ്യേറ്ററുകളില്‍ വലിയ വിജയം നേടി. എം സിന്ധുരാജിന്‌റെ തിരക്കഥയിലാണ് ജിബു ജേക്കബ് ചിത്രം എടുത്തത്. മോഹന്‍ലാലിനൊപ്പം മീന, ഐമ റോസ്മി സെബാസ്റ്റ്യന്‍, സനൂപ് സന്തോഷ്, അനൂപ് മേനോന്, ശ്രിന്ദ, അലന്‍സിയര്‍, കലാഭവന്‍ ഷാജോണ്‍, ബിന്ദു പണിക്കര്‍ ഉള്‍പ്പെടെയുളള താരങ്ങളും ചിത്രത്തില്‍ പ്രധാന കഥാപാത്രങ്ങളായി എത്തി.
ഗ്ലാമര്‍ ലുക്കുകളില്‍ പോസ് ചെയ്ത് എസ്തര്‍, ചിത്രങ്ങള്‍ കാണാം
ബിജിബാലും എം ജയചന്ദ്രനും ചേര്‍ന്ന് ഒരുക്കിയ പാട്ടുകളും സിനിമയുടെതായി ഏറെ ശ്രദ്ധിക്കപ്പെട്ടു. വീക്കെന്‍ഡ് ബ്ലോക്ക്ബസ്‌റ്റേഴ്‌സിന്‌റെ ബാനറില്‍ സോഫിയ പോളാണ് ചിത്രം നിര്‍മ്മിച്ചത്. മോഹന്‍ലാല്‍ ഉലഹന്നാന്‍ എന്ന കഥാപാത്രമായി എത്തിയ ചിത്രത്തില്‍ ഭാര്യ ആനിയമ്മയായി മീനയും എത്തി. അതേസമയം മുന്തിരിവളളികള്‍ തളിര്‍ക്കുമ്പോള്‍ ഒരിക്കലും പ്രതീക്ഷിക്കാതെ തനിക്ക് കിട്ടിയ ഒരു ഭാഗ്യമാണ് എന്ന് പറയുകയാണ് സംവിധായകന്‍ ജിബു ജേക്കബ്. മാസ്റ്റര്‍ ബിന്‍ ചാനലിന് നല്‍കിയ അഭിമുഖത്തിലാണ് സംവിധായകന്‍ മനസുതുറന്നത്. ലാലേട്ടന്‍ വഴി തന്നെയാണ് ആ പ്രോജക്ടിലേക്ക് വരുന്നത് എന്ന് ജിബു ജേക്കബ് പറയുന്നു.
സബ്ജക്ടും പ്രൊഡ്യൂസറും ആയ ശേഷം ലാലേട്ടന്‍ ആണ് എന്നെ സംവിധായകനായി തീരുമാനിച്ചത്. രണ്ടാമത്തെ സിനിമ തന്നെ അദ്ദേഹത്തെ നായകനാക്കി ചെയ്യാന്‍ കഴിഞ്ഞത് എന്‌റെ ജീവിതത്തിലെ എറ്റവും വലിയ ഭാഗ്യമാണ്. കുറെ നാളുകള്‍ക്ക് ശേഷം ലാലേട്ടന്‍ ചെയ്ത ഫാമിലി ഡ്രാമയാണ് മുന്തിരിവളളികള്‍ തളിര്‍ക്കുമ്പോള്‍. ഓരോ ദിവസവും രസകരമായ അനുഭവങ്ങളായിരുന്നു സിനിമയുടെ സെറ്റിലെന്നും സംവിധായകന്‍ പറഞ്ഞു. സിനിമ തുടങ്ങിയ ആദ്യത്തെ ദിവസം ടെന്‍ഷന്‍ ഉണ്ടായിരുന്നു. എന്നാല്‍ അത് ലാലേട്ടന്‍ തന്നെ മാറ്റി. ലാലേട്ടന്‍ എല്ലാവരെയും നന്നായിട്ട് പിന്തുണച്ചു. തുടക്കം മുതല്‍ അവസാനം വരെ പുളളി കൂടെ ഉണ്ടായിരുന്നു.
പറഞ്ഞ സമയങ്ങളിലെല്ലാം ലാലേട്ടന്‍ കൃത്യസമയത്ത് തന്നെ ഷൂട്ടിംഗിന് വന്നു. അഭിമുഖത്തില്‍ ജിബു ജേക്കബ് ഓര്‍ത്തെടുത്തു. അതേസമയം ദൃശ്യത്തിന് ശേഷം മോഹന്‍ലാല്‍ മീന കൂട്ടുകെട്ടില്‍ വന്ന സിനിമ കൂടിയാണ് മുന്തിരിവളളികള്‍ തളിര്‍ക്കുമ്പോള്‍. മികച്ച പ്രതികരണത്തോടൊപ്പം ബോക്‌സോഫീസ് കളക്ഷന്റെ കാര്യത്തിലും മോഹന്‍ലാല്‍ ചിത്രം നേട്ടമുണ്ടാക്കി. കോഴിക്കോട് ആയിരുന്നു സിനിമയുടെ പ്രധാന ലൊക്കേഷന്‍. വിജെ ജെയിംസിന്‌റെ പ്രണയോപനിഷത്ത് എന്ന കൃതിയെ ആസ്പദമാക്കിയാണ് സിനിമ എടുത്തത്. 2017 ജനുവരി 20നാണ് മുന്തിരിവളളികള്‍ തളിര്‍ക്കുമ്പോള്‍ തിയ്യേറ്ററുകളിലേക്ക് എത്തിയത്.
Recommended Video
