അന്ന് ലാൽ മമ്മൂട്ടിയിൽ നിന്ന് ഇടി വാങ്ങിയ കാലം, മോഹൻലാൽ ചെയ്ത സഹായത്തെ കുറിച്ച് പ്രിയദർശൻ

മോഹൻൻലാൽ എന്ന മനുഷ്യൻ ഇല്ലെങ്കിൽ പ്രിയദർശൻ എന്ന സംവിധായകൻ ഇല്ല. എന്നാൽ പ്രിയദർശൻ എന്ന സംവിധായകൻ ഇല്ലെങ്കിലും മോഹൻലാൽ എന്ന നടൻ ഉണ്ടാകുമായിരുന്നു.കയ്യിൽ അതിനുള്ള കോപ്പുണ്ടായിട്ട് കണ്ട സ്വപ്നമല്ല സിനിമ. ഇവനുണ്ടായതുകൊണ്ടു സംഭവിച്ചതാണ്. ഇത് പല തവണ ഞാൻ എന്റെ മക്കളോട് പറഞ്ഞിട്ടുമുണ്ട്.അവർ കാണുന്നതു അച്ഛന്റെ സുഹൃത്തായി മാത്രമാണ്. അതിലും എത്രയോ ഉയരെയാണ് മോഹൻലാൽ എന്ന് ഇവർ അറിയണം.

മോഹന്‍ലാൽ ആയിരുന്നു നമ്മളുടെ ഏക പ്രതീക്ഷ. അന്നു ലാല്‍ വില്ലന്‍ വേഷം മാത്രമായി നടക്കുന്ന കാലമാണ്. ആഴ്ചയില്‍ നാലു ദിവസവും മമ്മൂട്ടിയോട് ഇടി മേടിക്കും.. അന്ന് ലാൽ സിനിമയിൽ വില്ലനാണ്. എല്ലായിടത്തും കൊണ്ടു പോയി പരിചയപ്പെടുത്തും. ഒരിടത്തും രക്ഷപ്പെട്ടില്ല. അങ്ങനെ അവൻ തന്നെ പറഞ്ഞു.നിന്റെ മനസ്സിലുള്ള സിനിമ ഇവിടെ ഇല്ല. നാട്ടിലേക്കു തിരിച്ചുപോയി ആലോചിക്ക്'. ലാൽ തന്നെയാണു എന്നെ വണ്ടി കയറ്റി വിട്ടത്. അങ്ങന നാട്ടിലെത്തി എഴുതിയ സിനിമയാണ് എങ്ങനെ നീ എന്നെ മറക്കും. അന്ന് താൻ ലാലിനോട് പറഞ്ഞു നിന്റെ ഒരു ഡേറ്റ് കിട്ടിയിരുന്നെങ്കിൽ എനിയ്ക്കൊരു സിനിമയായി എന്ന്. അന്നു നൽകിയ ഡേറ്റിൽ കിട്ടിയ ഹിറ്റാണു പ്രിയദർശനെ ഇവിടെവരെ എത്തിച്ചത് പ്രിയദർശൻ പറ‍ഞ്ഞു.

എന്റെ ജീവിതത്തിലെ ഏറ്റവും വലിയ ദുരന്ത സമയത്ത് ഒരു ദിവസം പോലും വിളിക്കാതിരുന്നിട്ടില്ല. ഒന്നു ശാന്തമായപ്പോൾ സിനിമ ചെയ്യാനായി വിളിച്ചു തുടങ്ങി. സത്യത്തിൽ എനിയ്ക്ക് ശല്യമായി തുടങ്ങി. പലപ്പോഴും ഫോൺ ഓഫ് ചെയ്തു വച്ചിരുന്നു, അയാളെന്നെ വലിച്ചു കൊണ്ട് വരുകയായിരുന്നു, അങ്ങനെയാണ് ഒപ്പം സിനിമയുണ്ടായത്, വീണ്ടും ഒരു ജന്മം കൂടി തന്നു.

Recommended Video

Mammootty's Birthday Wishes For Mohanlal | FilmiBeat Malayalam

പ്രിയദർശൻ, മേഹാൻലാൽ കൂട്ട്കെട്ടിൽ പിറന്ന എല്ലാ സിനിമകളും തലമുറ വ്യത്യാസമില്ലാതെ ഇന്നും നെഞ്ചിലേറ്റുന്നുണ്ട്. മലയാളത്തിലെ ഹിറ്റ് കേമ്പോ ഏതെന്ന് ചോദിച്ചാൽ ആദ്യ സ്ഥാനത്ത് തന്നെ പ്രിയൻ-ലാൽ പേരുകൾ ഇടം പിടിക്കും. ഒപ്പത്തിന് ശേഷം ഈ ഹിറ്റ് മാജിക് കോമ്പോ ഒന്നിച്ചെത്തുന്ന ചിത്രമാണ് മരയ്ക്കാർ അറബി കടലിലെ സിംഹം. കുഞ്ഞാലി മരയ്ക്കാറുടെ കഥ പറയുന്ന ചിത്രം ലോക്ക് ഡൗണിനെ തുടർന്ന് റിലീസ് നീട്ടിവെച്ചിരിക്കുകയാണ്.മാര്‍ച്ച് 26ന് മലയാളമുള്‍പ്പെടെ അഞ്ച് ഭാഷകളില്‍ റിലീസ് ഉറപ്പിച്ചിരുന്ന ചിത്രമായിരുന്നു ഇത്.ചിത്രത്തിന്‍റെ ഓവര്‍സീസ് റൈറ്റ്സ് റെക്കോര്‍ഡ് തുകയ്ക്ക് നേരത്തെ വിറ്റുപോയിരുന്നു.