ഹോം

വിശേഷങ്ങൾ

മലയാളത്തിന്റെ അനശ്വര നടനാണ് ജയൻ. ബെൽബോട്ടം പാന്റും തീപാറുന്ന ഡയലോഗുകളും കൊണ്ട് യുവാക്കൾക്കിടയിൽ ഹരമായി മാറിയ നടനാണ് ജയൻ. മലയാള സിനിമയിലെ ആദ്യ ആക്ഷൻ ഹീറോ എന്ന വിശേഷണം ജയൻ കഴിഞ്ഞിട്ടേ മറ്റൊരാൾക്കുള്ളൂ. പറഞ്ഞാലും എഴുതിയാലും തീരാത്തത്ര വിശേഷണങ്ങളുള്ള അനശ്വര നടനാണ് ജയൻ.

സിനിമയിൽ തിളങ്ങി നിൽക്കുന്ന സമയത്തായിരുന്നു കോളിളക്കം എന്ന സിനിമയിലെ സാഹസിക ചിത്രീകരണത്തിനിടെ ജയൻ മരണപ്പെടുന്നത്. മരണത്തിന് ശേഷം തിയേറ്ററുകളിലെത്തിയ കോളിളക്കം വൻ വിജയമായി തീരുകയും ചെയ്തിരുന്നു. ഇന്നും മലയാളികൾക്ക് ജയൻ പ്രിയപ്പെട്ട നടനാണ്.

ശരപഞ്ചരം എന്ന ചിത്രത്തിന് ശേഷം ഹരിഹരൻ എടുത്ത പടത്തിലൊന്നും ജയന് അവസരം ലഭിച്ചിരുന്നില്ല. അതിന്റെ കാരണം വെളിപ്പെടുത്തി സംവിധായകനും കലാസംവിധായകനുമായ രാധാകൃഷ്ണൻ. മാസ്റ്റർ ബിൻ ചാനലിന് നൽകിയ അഭിമുഖത്തിനിടെയാണ് അദ്ദേഹം ഇക്കാര്യത്തെക്കുറിച്ച് പറഞ്ഞത്.

'ഒരു വർഷത്തേക്ക് അരി വാങ്ങണ്ട', ബിഗ് ബോസിലെ ടാസ്ക്കുകളിൽ വിജയിച്ചതിൻ്റെ സമ്മാനം വീട്ടിലെത്തിയെന്ന് റോൺസൺ

'ഇന്ന് ജീവിച്ചിരിപ്പുണ്ടായിരുന്നെങ്കിൽ സൂപ്പർ ഹീറോ ആകേണ്ട നടനായിരുന്നു ജയൻ. ചെയ്യുന്ന ജോലി എന്ത് റിസ്ക് എടുത്തും മനോഹരമാക്കുകയും ചെയ്യും. ആരും ചെയ്യാത്ത പല കാര്യങ്ങളും ചെയ്യാൻ കരുത്തുള്ള വ്യക്തിയായിരുന്നു. എന്നാൽ അദ്ദേഹത്തിൻ്റെ വളർച്ചക്ക് അനുസരിച്ച് സ്വഭാവത്തിലും മാറ്റം വന്നു. ആ മാറ്റങ്ങൾ കാരണം നല്ല അവസരങ്ങൾ നഷ്ടമായി. ഒരിക്കൽ അദ്ദേഹത്തിന്റെ പെരുമാറ്റത്തിൽ വന്ന മാറ്റം കാരണം നഷ്ടപെട്ടത് പ്രമുഖ സംവിധായകനുമായുള്ള ചിത്രങ്ങളാണ്', സംവിധായകൻ രാധാകൃഷ്ണൻ വെളിപ്പെടുത്തി.

'‍ഞങ്ങൾക്ക് എന്ത് സംഭവിച്ചുവെന്ന് ആദ്യം നോക്കും, 10 വർഷം മുമ്പേ ​ഗോപി സുന്ദർ ഫാനാണ്'; അമൃതയും ​ഗോപി സുന്ദറും!

'സംവിധായകനായ എം കൃഷ്ണൻ നായരുടെ സിനിമയുടെ ലൊക്കേഷനിൽ വെച്ച് ഷൂട്ടിങ്ങ് നടക്കാത്തതിൻ്റെ ദേഷ്യത്തിൽ അവിടെ ഉണ്ടായിരുന്ന വേസ്റ്റ് ബക്കറ്റ് ചവിട്ടി മറിച്ചിരുന്നു. ഇത് കൃഷ്ണൻ കാണുകയും ഹരിഹരൻ അറിയാൻ ഇടയാവുകയും ചെയ്തു. പിന്നീട് ഹരിഹരൻ്റെ സിനിമകളിൽ നിന്ന് ജയനെ ഒഴിവാക്കുകയായിരുന്നു, രാധാകൃഷ്ണൻ പറഞ്ഞു. സിനിമകളിൽ നിന്ന് സിനിമകളിലേക്ക് ഓടി നടന്ന സമയത്തായിരുന്നു ഇങ്ങനെയൊരു സംഭവം നടക്കുന്നത്. നടന്മാരുമായി യാതൊരു ബന്ധവും ജയൻ സൂക്ഷിക്കാറില്ല', അദ്ദേഹം പറഞ്ഞു.

ഞങ്ങളുടെ യൂട്യൂബ് ചാനൽ ഹാക്ക് ചെയ്തു, ഞാനും ഇച്ചായനും മാനസികമായി തളർന്നു പോയെന്ന് ആലീസ് ക്രിസ്റ്റി

1974ൽ പുറത്തിറങ്ങിയ ശാപമോഷത്തിലൂടെയാണ് ജയൻ സിനിമയിലെത്തുന്നത്. പിന്നീട് ചെറിയ കഥാപാത്രങ്ങളിലൂടെ സിനിമാരംഗത്ത് സജീവമായി. ചലച്ചിത്ര നടൻ ജോസ് പ്രകാശാണ് താരത്തെ സിനിമയിലെത്തിച്ചത്. പിന്നീട് ചെറിയ വേഷങ്ങളിൽ നിന്നും വില്ലനായും നായകനായും ജയൻ മലയാള സിനിമയിൽ നിറഞ്ഞു നിന്നു.