നേരില്‍കണ്ടപ്പോള്‍ ഏറെ അത്ഭുതപ്പെടുത്തിയ മനുഷ്യന്‍, മമ്മൂക്കയെ കുറിച്ച് മനസുതുറന്ന് വൈശാഖ്

തുടര്‍ന്ന് കോവിഡ് വ്യാപനത്തിന് പിന്നാലെയാണ് സിനിമ വൈകിയത്. അതേസമയം മമ്മൂക്കയെ കുറിച്ച് ഒരു വീഡിയോയില്‍ സംവിധായകന്‍ വൈശാഖ് പറഞ്ഞ കാര്യങ്ങള്‍ ശ്രദ്ധേയമായിരുന്നു. നേരില്‍ കണ്ടപ്പോള്‍ ഏറെ അത്ഭുതപ്പെടുത്തിയ മനുഷ്യനാണ് അദ്ദേഹമെന്ന് സംവിധായകന്‍ പറയുന്നു. ഒരു നല്ല മനുഷ്യന്‍ എങ്ങനെയായിരിക്കണം എന്നതിനുളള അപൂര്‍വ്വം ചില ഉദാഹരണങ്ങളില്‍ ഒന്നാണ് മമ്മൂക്ക.

മമ്മൂട്ടി ടൈംസിന്റെ യൂടൂബ് ചാനലില്‍ വന്ന വീഡീയോയിലാണ് മെഗാസ്റ്റാറിനെ കുറിച്ച് സംവിധായകന്‍ മനുസുതുറന്നത്. സിനിമ കണ്ടുതുടങ്ങിയ കാലം തൊട്ടെ മമ്മൂക്ക മനസിലൊരു സൂപ്പര്‍താരമായിട്ടുണ്ട്. പിന്നീട് അദ്ദേഹത്തെ നേരിട്ട് കണ്ടപ്പോള്‍ കൂടുതല്‍ അടുത്തറിഞ്ഞപ്പോള്‍ ഒരു താരം എന്നതുപോലെ തന്നെ എന്നെ അത്ഭുതപ്പെടുത്തിയത് മമ്മൂക്ക എന്ന മനുഷ്യനാണ്.

അദ്ദേഹത്തിന്‌റെ മനുഷ്യത്വമാണ്. ഒരു നല്ല മനുഷ്യനാണ്. ഒരു നല്ല മനുഷ്യന്‍ എങ്ങനെ ആയിരിക്കണം എന്നതിന് പലപ്പോഴും എന്റെ മുന്നില്‍ തോന്നിയിട്ടുളള അപൂര്‍വ്വം ചില ഉദാഹരണങ്ങളില്‍ ഒന്നാണ് മമമ്മൂക്ക. നമ്മുടെ ഏതൊരു പ്രശ്‌നങ്ങളിലും ഒരു ജ്യേഷ്ഠന്‍റെ വാല്‍സല്യത്തോടെ സംരക്ഷണത്തോടെ അദ്ദേഹം കൂടെയുണ്ടാവാറുണ്ട്.

അദ്ദേഹത്തോടൊപ്പം ചെയ്യുന്ന ഓരോ ചിത്രവും എനിക്ക് നല്ല സമയവും കൂടുതല്‍ ത്രില്ലുമാണ്. വൈകാതെ തന്നെ മമ്മൂക്കയോടൊപ്പം ന്യൂയോര്‍ക്കുമായി വരാന്‍ കഴിയുമെന്നാണ് എന്റെ പ്രതീക്ഷ. വൈശാഖ് പറഞ്ഞു. അതേസമയം മമമ്മൂട്ടി ചിത്രങ്ങള്‍ക്ക് പുറമെ മോഹന്‍ലാല്‍, ദിലീപ്, കുഞ്ചാക്കോ ബോബന്‍, ഉണ്ണി മുകുന്ദന്‍ തുടങ്ങിയ താരങ്ങളെ നായകന്മാരാക്കിയും വൈശാഖ് സിനിമകള്‍ ഒരുക്കിയിരുന്നു.

മാസ് എന്റര്‍ടെയ്‌നര്‍ ചിത്രങ്ങളാണ് വൈശാഖിന്റെ സംവിധാനത്തില്‍ മലയാളത്തില്‍ കൂടുതലായി പുറത്തിറങ്ങിയത്. സംവിധാനം ചെയ്ത സിനിമകളില്‍ മിക്ക ചിത്രങ്ങളും തിയ്യേറ്ററുകളില്‍ വിജയം നേടിയിരുന്നു. മോഹന്‍ലാലിനെ നായകനാക്കിയുളള പുലിമുരുകനാണ് വൈശാഖിന്റെ കരിയറിലെ എറ്റവും വലിയ വിജയ ചിത്രമായത്.