ദിവ്യ ഉണ്ണിയുടെ വീട്ടില്‍ വീണ്ടും മറ്റൊരു സന്തോഷം കൂടി! മകള്‍ മീനാക്ഷിയ്ക്ക് ആശംസയുമായി നടി

ദിവ്യ ഉണ്ണിയുടെ മൂത്തമകള്‍ മീനാക്ഷിയുടെ ജന്മദിനമായിരുന്നു കഴിഞ്ഞ ദിവസം. മകള്‍ക്ക് ആശംസ അറിയിച്ച് കൊണ്ട് നടി പങ്കുവെച്ച ചിത്രങ്ങളടങ്ങിയ പോസ്റ്റ് ശ്രദ്ധേയമായിരിക്കുകയാണ്. 'ഞങ്ങളുടെ രാജകുമാരിയക്ക് പിറന്നാള്‍ ആശംസകള്‍' എന്ന കുറിപ്പോടെയാണ് ദിവ്യ പോസ്റ്റ് ഇട്ടത്. മകള്‍ക്കൊപ്പമുള്ള വിവിധ തരത്തിലുള്ള ഫോട്ടോസും നടി പങ്കുവെച്ചിരുന്നു. പിന്നാലെ താരപുത്രി മീനാക്ഷിയ്ക്ക് ആശംസകള്‍ അറിയിച്ച് സിനിമാ താരങ്ങളും ആരാധകരുമടക്കം നിരവധി പേരാണ് കമന്റുകളുമായി എത്തിയത്.

മലയാള സിനിമാ പ്രേമികളുടെ ഏറ്റവും പ്രിയപ്പെട്ട നടിമാരില്‍ ഒരാളായ ദിവ്യ ഉണ്ണി കുടുംബസമേതം വിദേശത്ത് സ്ഥിരതമാസമാണ്. അടുത്തിടെ കേരളത്തിലെത്തി മകളുടെ നൃത്ത അരങ്ങേറ്റം നടത്തിയത് വാര്‍ത്തകളില്‍ നിറഞ്ഞിരുന്നു. ഇപ്പോള്‍ വീണ്ടും അമ്മയാവാന്‍ പോവുന്നതിന്റെ സന്തോഷത്തിലാണ് നടി. സന്തോഷ വാര്‍ത്ത നടി തന്നെ ആരാധകര്‍ക്കായി പങ്കുവെച്ചിരുന്നു. പിന്നാലെ വളക്കാപ്പ് ചടങ്ങിന്റെ ചിത്രങ്ങളും പുറത്ത് വിട്ടിരുന്നു. മറ്റൊരു താരപുത്രനെയോ പുത്രിയെയോ കാത്തിരിക്കുകയാണ് ആരാധകര്‍.

തൊണ്ണൂറുകളില്‍ നിറഞ്ഞ് നിന്ന ദിവ്യ ഉണ്ണി. മലയാളം, തെലുങ്ക്, കന്നഡ, തമിഴ് എന്നിങ്ങനെ തെന്നിന്ത്യന്‍ സിനിമാ ഭാഷകളിലെല്ലാം അഭിനയിച്ചിട്ടുണ്ട്. അമ്പതിലധികം സിനിമകളിലാണ് നടി അഭിനയിച്ചിട്ടുള്ളത്. 2002 ലായിരുന്നു ദിവ്യ ഉണ്ണി വിവാഹിതയാവുന്നത്. 2016 ല്‍ ഈ ബന്ധം അവസാനിപ്പിച്ചു. 2018 ല്‍ അരുണ്‍ കുമാര്‍ എന്ന ആളുമായി ദിവ്യ വീണ്ടും വിവാഹം കഴിച്ചിരുന്നു. വിവാഹത്തോടെ സിനിമ ജീവിതം ഉപേക്ഷിച്ച നടി നൃത്ത വിദ്യാലയം ആരംഭിച്ചിരുന്നു.