ദിവ്യ ഉണ്ണിയുടെ മകള്‍ക്ക് ലഭിച്ച അപൂര്‍വ്വ സൗഭാഗ്യം! 17 വര്‍ഷത്തിന് ശേഷം ഇവര്‍ക്കൊപ്പം ഓണം ആഘോഷിച്ചു

ഓണാഘോഷത്തെക്കുറിച്ച്

അമേരിക്കയിലാണെങ്കിലും മലയാളത്തനിമ നിലനിര്‍ത്തിയാണ് താനും കുടുംബവും ജീവിക്കുന്നതെന്ന് ദിവ്യ ഉണ്ണി പറഞ്ഞിരുന്നു. സദ്യയിലെ വിഭവങ്ങളെക്കുറിച്ചും കേരളീയരുടെ ഭക്ഷണത്തെക്കുറിച്ചുമെല്ലാം മക്കളോട് പറഞ്ഞിരുന്നുവെന്നും താരം പറഞ്ഞിരുന്നു. ഇത്തവണത്തെ ഓണാഘോഷത്തെക്കുറിച്ച് പറഞ്ഞെത്തിയിരിക്കുകയാണ് ദിവ്യ ഉണ്ണി. കുടുംബസമേതമുള്ള ചിത്രങ്ങളും താരം പോസ്റ്റ് ചെയ്തിരുന്നു.

7 വര്‍ഷത്തിന് ശേഷം

ചിലപ്പോൾ തിയതികളല്ല, നിമിഷങ്ങളാണ് ഓർത്തുവയ്ക്കുക എന്നത് സത്യമാണ്. 17 വർഷത്തിനുശേഷം എന്റെ മാതാപിതാക്കൾക്കൊപ്പം ചെലവഴിച്ച ഈ ഓണം എല്ലാഴും വിലപ്പെട്ടതായിരിക്കും. എന്റെ കുഞ്ഞുമകൾ അവരോടൊപ്പം അവളുടെ ആദ്യത്തെ ഓണം ആഘോഷിക്കുന്നത് കാണുന്നത് മറ്റെല്ലാത്തതിലും ഒരു ആനന്ദമായിരുന്നു. നിങ്ങൾക്കെല്ലാവർക്കും സ്നേഹമെന്നായിരുന്നു താരം പറഞ്ഞത്.

Recommended Video

പട്ടുസാരിയുടുത്ത് അതീവ സുന്ദരിയായി ദിവ്യ ഉണ്ണി

ഐശ്വര്യയുടെ ജനനം

ജനുവരിയിലായിരുന്നു ദിവ്യ ഉണ്ണി മൂന്നാമതും അമ്മയായത്. ജനുവരി 14 നായിരുന്നു ഐശ്വര്യ ജനിച്ചത്. 37ാമത്തെ വയസ്സില്‍ അമ്മയായതിന്‍റെ അനുഭവങ്ങളെക്കുറിച്ച് പറഞ്ഞും താരമെത്തിയിരുന്നു. തുടക്കത്തില്‍ ആശങ്കപ്പെട്ടിരുന്നുവെങ്കിലും പിന്നീട് പ്രശ്നങ്ങളൊന്നുമില്ലായിരുന്നു. കുഞ്ഞതിഥിയുടെ ചിത്രങ്ങളും താരം പോസ്റ്റ് ചെയ്തിരുന്നു.

മാറ്റിവെക്കേണ്ടി വന്നിട്ടില്ല

പ്രായത്തെ കുറിച്ചോർത്ത് ആദ്യം ഉത്കണ്ഠകൾ ഉണ്ടായിരുന്നെങ്കിലും സാധാരണ പ്രസവം തന്നെയായിരുന്നു. ഗർഭകാലത്തുണ്ടാവുന്ന മോണിങ്ങ് സിക്ക്നസ് ഒക്കെ എനിക്കുമുണ്ടായിരുന്നു.അതോർത്ത് ഒരു കാര്യവും മാറ്റിവയ്ക്കേണ്ടി വന്നിട്ടില്ല. രണ്ടാം മാസം മുതൽ തന്നെ ഡാൻസ് ചെയ്തു. അത് അവസാന എട്ടുമാസത്തോളം നീണ്ടു എന്നതാണ് വലിയ കാര്യം.

മകള്‍‍ വന്നപ്പോള്‍

തലേ ദിവസം വരെ നല്ല തിരക്കായിരുന്നു. പ്രസവശേഷം ഡോക്ടർ നിർദേശിച്ച സമയമത്രയും പൂർണമായും വിശ്രമിച്ചു. പിന്നെ പ്രസവാനന്തര ശുശ്രൂഷകളും. പതിയെയാണ് നൃത്തപരിശീലനങ്ങളിലേക്ക് തിരിച്ചെത്തിയത്. ഓരോ ഘട്ടങ്ങളായി പ്രാക്റ്റീസ് പുനരാരംഭിച്ചു. വീട്ടിൽ കുഞ്ഞുങ്ങൾ ഉണ്ടാകുമ്പോൾ നമ്മളും കുഞ്ഞാകില്ലേ.... നമുക്കും പ്രായം കുറയും. മനസ്സ് ചെറുപ്പമാകും. അടുത്തിടെ മകളുടെ ചോറൂൺ ചിത്രങ്ങളുമായി താരമെത്തിയിരുന്നു.