നിവിന്‍ പോളിയും ടോവിനോ തോമസും തമ്മിലുള്ള ബന്ധം അറിയാമോ.. ഇത്രയും അടുത്ത ബന്ധുക്കളോ.. ?

നിവിനും ടൊവിനോയും

ഒരു സിനിമയില്‍ പോലും നിവിനും ടൊവിനോ തോമസും ഒന്നിച്ച് അഭിനയിച്ചിട്ടില്ല. എന്നാല്‍ ഇരുവര്‍ക്കുമിടയില്‍ ശക്തമായൊരു സൗഹൃദമുണ്ട്. അത് വരുന്നത് കുടുംബ ബന്ധത്തില്‍ നിന്നാണ്. ഇരുവരും ബന്ധുക്കളാണ്. ടൊവിനോ തോമസിന്റെ അച്ഛന്റെ ഇളയ സഹോദരി വിവാഹം ചെയ്തിരിയ്ക്കുന്നത് നിവിന്‍ പോളിയുടെ അച്ഛന്റെ അനുജനെയാണ്.

മിത്ര കുര്യനും നയന്‍താരയും

തെന്നിന്ത്യന്‍ താരം നയന്‍താരയും നടി മിത്ര കുര്യാനും ബന്ധുക്കളാണത്രെ. ബോഡി ഗാഡ് എന്ന ചിത്രത്തില്‍ ഇരുവരും ഉറ്റസുഹൃത്തുക്കളായി ഒന്നിച്ചഭിനയിച്ചിട്ടുണ്ട്.

വിനീതും ശോഭനയും

നര്‍ത്തകരാണ് എന്നതിനപ്പുറം ശോഭനയും വിനീതും തമ്മില്‍ മറ്റൊരു ശക്തമായ ബന്ധമുണ്ട്. ശോഭനയുടെ കസിന്‍ ബ്രദറാണ് വിനീത്. തില്ലാന തില്ലാന എന്ന ചിത്രത്തിലൂടെ ശ്രദ്ധേയനായ നടന്‍ കൃഷ്ണ, നടി സുകുമാരി, അംബിക സുകമാരി ഇവരെല്ലാം ഒരേ കുടുംബത്തില്‍ പെട്ടതാണ്

പ്രിയാ മണിയും വിദ്യ ബാലനും

ആദ്യം അറിയേണ്ടത് പ്രിയാ മണിയും വിദ്യാ ബാലനും മലയാളികളാണോ എന്നാണ്. അതെ രണ്ട് പേരും വളര്‍ന്നതൊക്കെ കേരളത്തിന് പുറത്താണെങ്കിലും മലയാളികളാണ്, കസിന്‍സാണ്.

ശ്വേതയും അനൂപും

മലയാള സിനിമയില്‍ മേനോന്‍മാര്‍ ഒത്തിരിയാണ്. അതില്‍ രണ്ട് മേനോന്‍മാരായ ശ്വേത മേനോനും അനൂപ് മേനോനും കസിന്‍സാണ് എന്ന സത്യം വളരെ കുറച്ച് പേര്‍ക്ക് മാത്രമേ അറിയാന്‍ സാധ്യതയുള്ളൂ.

വിക്രമും പ്രശാന്തും

വിക്രമിന്റെ അമ്മാവനാണ് ത്യാഗരാജന്‍. ത്യാഗരാജന്‍ എന്ന പറഞ്ഞാല്‍ അറിയാത്തവരുണ്ടാകുമോ എന്നുള്ളതുകൊണ്ടാണ് പ്രശാന്ത് എന്ന് പറഞ്ഞത്. പ്രശാന്ത് ത്യാഗരാജന്റെ മകനാണെന്ന് എല്ലാവര്‍ക്കും അറിയാവുന്നതല്ലേ. അങ്ങനെ വരുമ്പോള്‍ വിക്രമിന്റെ അമ്മാവന്റെ മകനാണ് പ്രശാന്ത്

ജീന്‍ പോളും ബാലുവും

ലാലിന്റെ മകന്‍ ജീന്‍പോള്‍ സംവിധാനം ചെയ്യുന്ന എല്ലാ ചിത്രത്തിലും ബാലുവിനെ കാണാം. എന്താണ് കാര്യം എന്നന്വേഷിച്ച് പോയപ്പോഴല്ലേ പിടികിട്ടിയത്, ഇരുവരും ബന്ധുക്കളാണ്.

ദേവനും ഗോപി സുന്ദറും

അഭിനയത്തിലൂടെ മാത്രമല്ല, മറ്റ് പല മേഖലകളിലൂടെയും ബന്ധുക്കള്‍ സിനിമയില്‍ എത്തുന്നുണ്ട്. നടന്‍ ദേവന്റെ അനന്തരവനാണ് സംഗീത സംവിധായകന്‍ ഗോപി സുന്ദര്‍ എന്ന് വളരെ കുറച്ച് പേര്‍ക്ക് മാത്രമേ അറിയാന്‍ സാധ്യതയുള്ളൂ

ദുല്‍ഖറും മഖ്ബൂലും

ഇതെല്ലാവര്‍ക്കും അറിയാവുന്ന ബന്ധമാണ്. എന്നിരിക്കിലും കസിന്‍സിനെ കുറിച്ച് പറയുമ്പോള്‍ ഇവരെ മാറ്റിനിര്‍ത്താന്‍ കഴിയുമോ. ജ്യോഷ്ഠാനുജ മക്കളാണ് ദുല്‍ഖറും മഖ്ബൂലും